ء«بىزدىڭ بولاشاعىمىز – بىرىككەن كۇش-جىگەرىمىزدە!». وسى ۇراندى باستى تاقىرىپ ەتكەن قالالىق كاسىپوداق ۇيىمدارىنىڭ, الەۋمەتتىك ارىپتەستەردىڭ, كاسىپوداق قوزعالىستارىنىڭ بەلسەندىلەرى قازاقستاننىڭ كاسىپوداقتار كۇنىن ۇلتتىق كىتاپحانادا سالتاناتتى جاعدايدا اتاپ ءوتتى.
كاسىپوداقتار زاڭنامالىق جانە نورماتيۆتىك-قۇقىقتىق اكتىلەردى جەتىلدىرۋ ارقىلى ەڭبەك قاۋىپسىزدىگىن قورعاۋ سالاسىنداعى ۇلتتىق ساياساتتى دامىتۋدى ماقسات ەتىپ كەلەدى. بۇگىندە جۇمىسكەرلەردىڭ قۇقىعىن قورعاۋداعى نەگىزگى تەتىك الەۋمەتتىك ارىپتەستىكتە جاتىر. اعىمداعى جىلدىڭ ناۋرىز ايىندا الماتى قالاسى اكىمدىگى, «الماتى كاسىپوداقتار وداعى» اۋماقتىق كاسىپوداقتار بىرلەستىگى, «الماتى كاسىپوداقتار وداعى» جانە الماتى قالاسى كاسىپكەرلەر پالاتاسىمەن نەگىزگى ءنورماتيۆتى-قۇقىقتىق قۇجات - 2018-2020 جىلدارعا ارنالعان ايماقتىق كەلىسىم جاسالدى. بۇگىندە نەگىزگى قۇجات اياسىندا قالاداعى ەڭبەك ۇجىمدارىنا قولايلى جاعدايلار جاساۋ مەن ەڭبەك قاۋىپسىزدىگىن قورعاۋ باعىتىنداعى شارالار جۇزەگە اسۋدا.
كاسىپوداقتار مەرەكەسى قالالىق فيليالداردىڭ قىزمەتى جايلى جاسالعان «قازاقستان كاسىپوداعى قوزعالىسىنىڭ تاريحى» كورمەسىنەن باستالىپ, ارنايى بەينەبايان كوپشىلىكتىڭ نازارىنا ۇسىنىلدى.
سالتاناتتى شارانى الماتى قالاسى جۇمىسپەن قامتۋ جانە الەۋمەتتىك باعدارلامالار باسقارماسىنىڭ باستىعى م.ب.وتىنشيەۆ قۇتتىقتاۋ لەبىزىمەن باستاپ, ءاربىر ەڭبەككەر ءۇشىن ماڭىزدى مەرەكەمەن قۇتتىقتادى. «مەملەكەت باسشىسى «قوعامىمىزدىڭ الەۋمەتتىك بىرلىگىن نىعايتۋعا ناقتى كۇش-جىگەر جۇمساۋدىڭ ۋاقىتى كەلدى» دەگەن بولاتىن. بۇگىنگى تاڭدا كاسىپوداق قىزمەتىنىڭ باسىم باعىتتارىنىڭ ءبىرى – 5 ينستيتۋتسيونالدىق رەفورماسىن جۇزەگە اسىرۋعا باعىتتالعان «100 ناقتى قادام» ۇلت جوسپارىن ورىنداۋ. اعىمداعى جىلدىڭ باسىنان باستاپ جاڭا ەڭبەك كودەكسى قولدانىسقا ەنگىزىلگەن. سونىمەن قاتار «كاسىپوداقتار تۋرالى» زاڭ دا بار. بۇل ورايدا جاھاندىق ەكونوميكالىق داعدارىسقا بايلانىستى كاسىپوداق قىزمەتىنە دەگەن كوزقاراس تا جاڭارا تۇسۋدە» دەپ اتاپ ءوتتى م.ب.وتىنشيەۆ.
سالتاناتتى شارا كاسىپوداق مۇشەلەرىن ماراپاتتاۋمەن جالعاسىن تاپتى. «الماتى سيگناليزاتسيا جانە بايلانىس ديستانتسياسى» باستاۋىش كاسىپوداق ۇيىمى, «الاتاۋ جارىق كومپانياسى» ادام رەسۋرستارى باسقارماسىنىڭ باستىعى ا.ا.ابديروۆ, الماتى تەحنولوگيالىق ۋنيۆەرسيتەتى ستۋدەنتتىك كوميتەت كاسىپوداعىنىڭ ءتورايىمى ا.دجايلحانوۆا, «الماتى ەلەكتر ستانساسى» باتىس جىلۋ كەشەنى دەپارتامەنتىنىڭ ەڭبەكتى قورعاۋ بويىنشا تەحنيكالىق ينسپەكتورى م.ۆ.يۆانتسوۆ جانە ت.ب. «كاسىپوداق ومىرىنە بەلسەندى قاتىسقانى ءۇشىن», «ۇرپاقتار ساباقتاستىعى», «الەۋمەتتىك سەرىكتەستەر», «كاسىپوداقتاردىڭ جاستار رەزەرۆى», «جاپپاي قۇقىقتىق ءبىلىم الۋ» اتالىمدارى بويىنشا ماراپاتتالدى.
مەرەكەلىك شارا اياسىندا وتكەن پلەنارلىق وتىرىستا قازاقستان رەسپۋبليكاسى كاسىپوداقتار فەدەراتسياسىنىڭ «اكتيۆتەرىن باسقارۋ جونىندەگى ديرەكتسيا» مەكەمەسىنىڭ باس ديرەكتورى ق.ن.مۋسين, «الماتى كاسىپوداقتار وداعى» اۋماقتىق كاسىپوداقتار بىرلەستىگىنىڭ ءتورايىمى ز.ءا.ومىرباەۆا, الماتى كاسىپوداقتار وداعى» اۋماقتىق كاسىپوداقتار بىرلەستىگى ءتورايىمىنىڭ ورىنباسارى ج.م.ەستاەۆ, مەملەكەتتىك, بانك مەكەمەلەرى جانە قوعامدىق قىزمەت كورسەتۋ كاسىپوداعى كىزمەتكەرلەرىنىڭ كاسىپوداعى الماتى قالالىق فيليالى ءتورايىمى د.م.ايناقۇلوۆا, رەسپۋبليكالىق «SENIM» دەنساۋلىق ساقتاۋ قىزمەتكەرلەرىنىڭ سالالىق كاسىپوداعى» الماتى قالاسى فيليالىنىڭ توراعاسى ق.ش.نۇرگازيەۆ, «الماتى كاسىپوداقتار ورتالىعى» اۋماقتىق كاسىپوداقتار بىرلەستىگىنىڭ وكىلى ۆ.ك. كەكەرچەن, الماتى ەلەكترلى ستانتسياسى جەرگىلىكتى «ەنەرگيا» كاسىپوداعى ۆ.م.سيتديكوۆ, ت.ب. قاتىستى. قاتىسۋشىلار «ەڭبەك زاڭناماسى», «باق-مەن جۇمىس ىستەۋ», «الەۋمەتتىك سەرىكتەستىك جانە مەدياتسيا», «جاستارمەن جۇمىس», «ساۋىقتىرۋ دەمالىسىن ۇيىمداستىرۋ» تاقىرىپتارىندا سەمينار-ترەنينگتەر وتكىزدى.
شارا اياسىندا فلەش-موب ۇيىمداستىرىلىپ, نۇرعيسا تىلەنديەۆ اتىنداعى وتىرار سازى وركەسترى, اباي اتىنداعى وپەرا جانە بالەت تەاترىنىڭ ءانشىسى ن.نادەنوۆا, «جىگەر» دۋەتى, جامبىل اتىنداعى قازاق مەملەكەتتىك فيلارمونياسىنىڭ ونەرپازدارى مەن «ارمان» بي ءانسامبلى ونەر كورسەتتى.
ەلۆيرا سەرىكقىزى,
«ەگەمەن قازاقستان»
الماتى