ورتالىق كوممۋنيكاتسيالار قىزمەتىندە «Qazaqstan» ۇلتتىق ارناسىنىڭ «Men qazaqpyn» جوباسىنا بايلانىستى ءباسپاسوز ءماسليحاتى ءوتتى. شاراعا «قازاقستان» تەلەراديوكورپوراتسياسى ايماقتاردى دامىتۋ ديرەكتسياسىنىڭ ديرەكتورى ەرجانار اشەيحان مەن «Qazaqstan» ۇلتتىق ارناسى ارنايى جوبالار ءبولىمىنىڭ جەتەكشىسى قۋانىش سۇلەيمەنوۆ قاتىستى.
2018 جىلدىڭ مامىر ايىنان باستاپ «Men qazaqpyn» جوباسىنىڭ ەكىنشى ماۋسىمىنا ىرىكتەۋ كەزەڭدەرى باستالعان بولاتىن.
ەرجانار اشەيحاننىڭ ايتۋىنشا, «Men qazaqpyn» حالىقارالىق مەگا-جوباسى بىلتىر ەل كولەمىندە 14 وبلىس ورتالىعى مەن استانا, الماتى قالالارىن قامتىدى.
«بيىل ءدال قازىرگى ۋاقىتقا دەيىن 176 ەلدى مەكەندە وتكىزدىك. جوبا جالپىحالىقتىق سيپاتقا يە بولدى. بۇگىن اقتوبە وبلىسىنىڭ تەمىر, شىعىس قازاقستان وبلىسىنىڭ كوكپەكتى اۋداندارىندا وتكىزىلەدى. 183 اۋدان ورتالىعى, وبلىستىق ماڭىزى بار قالالاردى قامتىعان اۋداندىق ىرىكتەۋدىڭ سوڭعى كۇنى 19 ماۋسىم دەپ بەلگىلەنگەن. بۇگىنگە دەيىن 1300-دەي ونەرپاز اۋداندىق ىرىكتەۋلەردە باق سىنادى. ونىڭ 391-ءى دارا شىعىپ, وبلىستىق ىرىكتەۋگە جولداما الدى. 5 ماۋسىم كۇنى شىمكەنت قالاسىندا «Men qazaqpyn» حالىقارالىق مەگا-جوباسىنىڭ وبلىستىق ىرىكتەۋى وتكىزىلدى. 270-تەي ادام سايىسقا ءتۇسىپ ءان, كۇي, جىر-تەرمە اتالىمدارى بويىنشا جەڭىمپازدار انىقتالدى», دەدى ول.
اتالعان جوبانىڭ نەگىزگى ماقساتى ەلىمىزدىڭ تۇكپىر-تۇكپىرىندەگى ءداستۇرلى ءانشى-تەرمەشى, كۇيشىلەردىڭ باسىن ءبىر ارنادا توعىستىرىپ, ەلىمىزدىڭ ءار ايماعىندا قالىپتاسقان ونەر مەكتەپتەرىنىڭ تاڭداۋلى تۋىندىلارىن دارىپتەۋ, ءتول ونەرىمىز كۇي, جىر-تەرمەنى دامىتىپ, زامانعا ساي جاڭاشالاندىرىپ, وسكەلەڭ ۇرپاققا ناسيحاتتاۋ.
«Men qazaqpyn» حالىقارالىق مەگا-جوباسىنىڭ ءىى ماۋسىمىنا قاتىسۋشىلار 3 مەملەكەتتەن (رەسەي فەدەراتسياسى, قىرعىزستان, موڭعوليا) قاتىسادى. رەسەي فەدەراتسياسى استراحان وڭىرىنەن كۇي اتالىمى بويىنشا 8 ادام قاتىسىپ, 2 كۇيشى جوباعا قاتىسۋعا جولداما الدى. قازىر رەسپۋبليكامىزدىڭ ءار وڭىرىندە مەگا-جوبانىڭ ىرىكتەۋ كەزەڭدەرى كەستەگە ساي وتكىزىلىپ جاتىر. وبلىستىق, قالالىق ىرىكتەۋ كەزەڭدەرى ناتيجەسىندە ءار اتالىم بويىنشا 1 ونەرپازدان مەگا-جوباعا جولداما الادى. «Men qazaqpyn» مەگا-جوباسىنىڭ ءىى ماۋسىمى 2018 جىلدىڭ قىركۇيەك ايىنىڭ ءبىرىنشى اپتاسىنان باستاپ ەفيرگە شىعادى. ال فينالدىق كەزەڭى 2018 جىلدىڭ 16 جەلتوقسانىنا جوسپارلانىپ وتىر», دەدى قۋانىش سۇلەيمەنوۆ.
ايتا كەتەيىك, اقپارات جانە كوممۋنيكاتسيا مينيسترلىگىنىڭ قولداۋىمەن «Qazaqstan» رترك» اق بىرلەسىپ, 2017 جىلى «مەن قازاقپىن» اتتى حالىقارالىق تەلەۆيزيالىق مەگاجوباسىن العاش رەت جۇزەگە اسىرعان بولاتىن.
راۋان قايدار, «ەگەمەن قازاقستان»