پايعامباردىڭ (س.ع.س) ءىنىسى ءارى جالعىز قىزى ءباتيمانىڭ جارى, يسلام دۇنيەسىنىڭ ءتورتىنشى حاليفاسى ءالي يبن ءتالىپ حازىرەتىگە مۇسىلمانشىلىققا بەت بۇرماي قاسارىسقان ءبىر پەندە كەلىپ: «ەي, ءالي, سەندەر بۇل ءومىر ۋاقىتشا سىناق دەپ جۇرسىڭدەر, و دۇنيەدە ەسەپ-قيساپقا تارتىلامىز دەپ قورقاسىڭدار, تاڭنان تۇرىپ ناماز وقىپ, ادالدىقپەن ءومىر سۇرەمىز دەپ قينالاسىڭدار. وسى سەندەر سەنىپ جۇرگەن و دۇنيەدەگى ەسەپ-قيساپ بولماي قالسا نە بولدىڭدار, وكىنەسىڭدەر-اۋ؟» دەيدى.
سوندا ءالي حازىرەتى: ء«سىز وتە ورىندى سۇراق قويدىڭىز, مەن جاۋاپ بەرەيىن, ءسىز ايتقانداي و دۇنيەدە ەسەپ-قيساپ بولمايتىن, ماھشار كۇنى تارازى تارتىلمايتىن بولسا دا مەنىڭ ۇتىلارىم جوق. ويتكەنى تاڭمەن ناماز وقىپ ەرتە تۇردىم, تازا اۋا جۇتتىم, ەلدەن بۇرىن تىرلىگىمە كىرىستىم, ءوزىڭىز ايتقانداي ۇرلىق جاسامادىم, وتىرىك ايتپادىم, سونىڭ ارقاسىندا ەلگە سىيلى بولدىم, بەيبىت-تىنىش ءومىر ءسۇردىم. بۇدان پايدا تاپپاسام, ۇتىلعان تۇگىم جوق. ال ءسىز و دۇنيەگە سەنبەي, قالاۋىڭىزشا ءومىر ءسۇرىپ جاتىرسىز. الدا-جالدا ەسەپ كۇنى بولىپ, ماھشاردا تارازى تارتىلىپ, كۇنالار سالماقتانسا ءسىز قايتەسىز؟» دەگەن ەكەن.
بەكەن قايرات ۇلى,
«ەگەمەن قازاقستان»