تاياۋدا بۋراباي اۋدانىندا قازاق كۇرەسىنەن «اقمولا بارىسى» ءتۋرنيرى ءوتتى. ايتۋلى جارىسقا 17 اۋدان مەن ەكى قالادان 28 بالۋان قاتىسىپ, ءوز ونەرلەرىن ورتاعا سالدى.
ناتيجەسىندە ءۇشىنشى ورىن ءۇشىن اعالى-ءىنىلى بالۋاندار بوز كىلەمدە جولىقتى, الايدا ول ەكەۋى دە بەلدەسۋدەن باس تارتتى. ءسويتىپ تسەلينوگراد اۋدانىنان كەلگەن بەكبول نۇرلان ۇلى ەرەيمەنتاۋدا تۇراتىن ءوز باۋىرى ەربول نۇرلان ۇلىنا جولىن بەردى.
اقكول اۋدانىنىڭ تۋماسى قايرات ماحتين ەكىنشى ورىندى مىسە تۇتسا, مەرەكە تۇراشەۆ (كوكشەتاۋ) تۋرنير جەڭىمپازى اتاندى. ءسويتىپ ول «اقمولا بارىسى» تۋرنيرىنە تىگىلگەن جەڭىل اۆتوكولىك كىلتىنە يە بولدى.
ءبىرىنشى جانە ەكىنشى ورىن العان بالۋاندار شىلدە ايىندا استانادا وتەتىن «قازاقستان بارىسى» تۋرنيرىندە باق سىنايتىن بولادى.
اسقار تۇراپباي ۇلى, «ەگەمەن قازاقستان»
اقمولا وبلىسى