بۇگىن مەملەكەت باسشىسىنىڭ تاپسىرماسى بويىنشا قر پرەمەر-ءمينيسترى باقىتجان ساعىنتاەۆ قوستاناي وبلىسىنا جۇمىس ساپارىمەن كەلدى. باستى نازاردا — جاقىندا پرەزيدەنت جاريا تۇردە قول قويعان «قر كەيبىر زاڭنامالىق اكتىلەرىنە كاسىپكەرلىك قىزمەتتى رەتتەۋدى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭدى تالقىلاۋ, دەپ حابارلادى primeminister.kz.
قوستانايعا كەلگەننەن كەيىن باقىتجان ساعىنتاەۆ مەملەكەتتىك-جەكەشەلىك ارىپتەستىك اياسىندا سالىنعان «قوستاناي» جاڭا سپورتتىق–ويىن-ساۋىق كەشەنىنە باردى.
كەشەن ۆولەيبول, باسكەتبول, شاعىن فۋتبول, گاندبول سەكىلدى سپورتتىق ويىندار بويىنشا وقۋ-جاتتىعۋ ساباقتارىن جانە رەسپۋبليكالىق جارىستاردى وتكىزۋگە, سونداي-اق مادەني–بۇقارالىق ءىس-شارالاردى ۇيىمداستىرۋعا ارنالعان.
ارالاۋ بارىسىندا پرەمەر-مينيسترگە قوستاناي وبلىسىنداعى ءمجا جوبالارىنىڭ اعىمداعى جاعدايى تۋرالى اقپارات بەرىلدى. قازىرگى تاڭدا وڭىردە 65 ءمجا جوباسى ىسكە اسىرىلۋ جانە جوسپارلاۋ ساتىسىندا تۇر, 20 جوبا بويىنشا كەلىسىمشارتتار جاسالعان, 39-ى — كونكۋرس ساتىسىندا جانە 6 جوبا بويىنشا قۇجاتتاما دايىندالىپ جاتىر.
ەلىمىزدە جالپى ينۆەستيتسيالار سوماسى 782,6 ملرد تەڭگەگە 221 وبەكت بويىنشا 215 ءمجا كەلىسىمشارتى جاسالعان. بارلىعى جالپى سوماسى 2,5 ترلن تەڭگە بولاتىن 994 جوبا ورىندالۋدىڭ ءتۇرلى ساتىلارىندا تۇر.
قوستاناي وبلىسىنا جۇمىس ساپارى اياسىندا بىرقاتار ونەركاسىپتىك جانە الەۋمەتتىك نىسانداردى ارالاۋ جوسپارلانعان, مۇندا قر پرەمەر-ءمينيسترى وڭىردە پرەزيدەنتتىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك», ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» جولداۋلارىنىڭ, «بەس الەۋمەتتىك باستاماسىنىڭ», سونداي-اق «نۇرلى جەر», اگروونەركاسىپ كەشەنىن دامىتۋ, «تسيفرلىق قازاقستان», «سەرپىن» مەملەكەتتىك جانە سالالىق باعدارلامالارىنىڭ ىسكە اسىرىلۋ قارقىنىمەن تانىسادى.
وبلىستىڭ اۋىل شارۋاشىلىعى تاۋارلارىن وندىرۋشىلەرىمەن, ستۋدەنت جاستارىمەن, بيزنەس وكىلدەرىمەن جانە جۇمىس اكتيۆىمەن كەزدەسۋ بارىسىندا وڭىردەگى وزەكتى تاقىرىپتارعا قاتىستى ماسەلەلەر تالقىلانادى.
وبلىس ورتالىعىندا سالىنىپ جاتقان جاڭا يندۋستريالىق ايماق اۋماعىندا جوسپارلانعان ينۆەستيتسيالىق جوبالارمەن تانىسۋ كوزدەلگەن. مۇندا «تسيفرلىق قازاقستان» باعدارلاماسىنىڭ وڭىردە ىسكە اسىرىلۋ قارقىنى قاراستىرىلادى. «نۇرلى جەر» باعدارلاماسى بويىنشا سالىنىپ جاتقان «التىن ارمان» جاڭا تۇرعىن ءۇي كەشەنىنىڭ قۇرىلىسى بارىسىمەن تانىسۋ جوسپارلانىپ وتىر. كاسىپكەرلەرگە قىزمەت كورسەتۋ ورتالىعىنا بارۋ دا ساپار باعدارلاماسىندا قاراستىرىلعان.
سونىمەن قاتار, قوستانايدا وبلىس اكتيۆىمەن جانە بيزنەس وكىلدەرىمەن كەزدەسۋ بارىسىندا كاسىپكەرلىك قىزمەتتى رەتتەۋدى جەتىلدىرۋ تۋرالى زاڭ جانە ەلباسىنىڭ ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» جولداۋىن ىسكە اسىرۋ بارىسى تالقىلانادى.
رۋدنىي قالاسىندا ب. ساعىنتاەۆ «تسيفرلىق قازاقستان» مەملەكەتتىك باعدارلاماسىنىڭ جول كارتاسىن ىسكە اسىرۋ اياسىندا «اقىلدى قۇس فابريكاسى» پيلوتتىق جوباسىمەن تانىسادى. پرەمەر-مينيستر ءسۇت جانە ءسۇت ونىمدەرىن وندىرەتىن اگروكاسىپورىندى ارالاۋ بارىسىندا ءوڭىردىڭ اگرارشىلارىمەن كەزدەسىپ, ولارمەن اوك دامىتۋ ماسەلەلەرىن تالقىلايدى.
ء«سستبوب» اق سوكولوۆ كەنىشىنە بارعان كەزدە باقىتجان ساعىنتاەۆقا «اقىلدى كەنىش» جوباسى تانىستىرىلادى, مۇندا تاۋ-كەن كولىك كەشەنىن اۆتوماتتاندىرىلعان باسقارۋ جۇيەسى ەنگىزىلۋدە. كاسىپورىننىڭ وقىتۋ ورتالىعىندا پرەمەر-مينيستر ءوڭىردىڭ ستۋدەنت جاستارىمەن كەزدەسەدى, وندا جاڭا ەكونوميكاعا كادرلار دايارلاۋ, ءبىلىم بەرۋدىڭ قولجەتىمدىلىگى مەن ساپاسىن ارتتىرۋ, ستۋدەنتتەردىڭ ءۇي-جاي جاعدايلارىن جاقسارتۋ ماسەلەلەرى تالقىلانادى.
ەسكە سالا كەتەيىك, باقىتجان ساعىنتاەۆ مەملەكەت باسشىسىنىڭ تاپسىرماسى بويىنشا قازاقستان وڭىرلەرىن جۇمىس ساپارىمەن ارالاپ ءجۇر. بۇعان دەيىن قىزىلوردا, وڭتۇستىك قازاقستان, اتىراۋ وبلىستارىندا جۇمىس ساپارىمەن بولىپ قايتقان ەدى.