قىزىلجار قالاسىندا «دينامو» دەنە شىنىقتىرۋ-سپورتتىق قوعامى مەن ۆەدومستۆوسى ۇيىمداستىرعان قازاقستاندىق پوليتسەيلەر اراسىندا قر ىشكى ىستەر مينيسترلىگىنىڭ قازاق كۇرەسى بويىنشا ءبىرىنشى چەمپيوناتى مارەسىنە جەتتى. جارىسقا قاتىسۋشىلار سپورتتىق جەڭىستەرىن استانانىڭ 20 جىلدىعىنا ارنادى. ۆەدومستۆو بىرىنشىلىگىنە تاجىريبەلى سپورتشىلارمەن قاتار جاستار دا, ۇمىتكەر پالۋاندار دا قاتىستى.
كىلەمگە ءۇش سالماق كاتەگورياسىندا - 80, 90 جانە 90 كگ-نان استام - 48 سپورتشى قاتىستى, ياعني قر ءىىم تجك, قاجد, ۇلتتىق گۆارديا, مكقب, الماتى مەن استانا قالالارىنىڭ ءىىد-ءنىڭ قىزمەتكەرلەرى بوز كىلەمدە كەزدەستى.
جالپىكوماندالىق جۇلدەلى ورىندى سولتۇستىك قازاقستان وبلىسىنىڭ پالۋاندارى جەڭىپ الدى. ال, ماڭعىستاۋلىق پوليتسەي پالۋاندار كىلەمدە سپورتتىق شەبەرلىكتەرىن كورسەتىپ, ەكىنشى ورىندى يەلەندى. مىسالى, جەكە ەسەپتە اسحات امانوۆ ماڭعىستاۋ وبلىسىنىڭ قورجىنىنا كۇمىس مەدال الىپ بەردى. تۋرنيردە ءۇشىنشى ورىندى قازاقستان رەسپۋبليكاسىنىڭ ۇلتتىق گۆاردياسىنىڭ سپورتشىلارى الدى.
بۇل ۆەدومستۆولىق سپورتتىق شارا قازاقستان رەسپۋبليكاسى ىشكى ىستەر مينيسترلىگى قىزمەتكەرلەرىنىڭ دەنە تاربيەسى دايارلىعى دەڭگەيىن ارتتىرۋ جانە جاۋىنگەرلىك داعدىلارىن دامىتۋ ءۇشىن, سونداي-اق قۇقىق قورعاۋ ورگاندارىندا قازاق كۇرەسىن ناسيحاتتاۋ مەن تاراتۋ جانە قازاقستان رەسپۋبليكاسى ىشكى ىستەر مينيسترلىگىنىڭ ءتۇرلى بولىنىستەرى قىزمەتكەرلەرىنىڭ اراسىندا دوستىق قارىم-قاتىناستى نىعايتۋ ءۇشىن ۇيىمداستىرىلدى.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى