«استانا وپەرا» تەاترىندا مادەنيەت جانە سپورت ءمينيسترى ارىستانبەك مۇحامەدي ۇلى حالىقتار اراسىنداعى بeيبiتشiلiكتi, دوستىق پەن ىنتىماقتاستىقتى نىعايتۋعا ciڭipگeن ەرەن ەڭبەگى ءۇشىن قازىرگى تاڭداعى ەڭ اتاقتى ستسەنوگرافتاردىڭ ءبىرى – ەتسيو فريدجەريوعا ءىى دارەجەلى «دوستىق» وردەنىن تاپسىردى.
ايتۋلى ستسەنوگرافتىڭ ەسىمى بارشا الەمگە ايگىلى. ەتسيو فريدجەريونىڭ ونەرگە قوسقان ۇلەسى ۇشان-تەڭىز. زاماناۋي حورەوگرافيانىڭ دامۋىنداعى ەلەۋلى وقيعا – ونىڭ مۋزىكالىق تەاتر سالاسىنداعى جۇمىستارى. فريدجەريونىڭ دجوردجو سترەلەرمەن بىرگە جۇزەگە اسىرعان دج.ۆەرديدىڭ «سيمون بوككانەگرا» (1971ج.) جانە «فالستاف» (1980 ج.), ر.ۆاگنەردىڭ «لوەنگرين» (1981ج.), ۆ.ا.موتسارتتىڭ «فيگارونىڭ ۇيلەنۋ تويى» (1973 ج.) جانە ت.ب. وپەرا قويىلىمدارى الەمدىك تانىمالدىلىققا يە بولىپ, حح عاسىرداعى وپەرا تەاترىنىڭ كلاسسيكاسىنا اينالدى.
ول «استانا وپەرا» تەاترى ساحناسىنداعى كوپتەگەن اتاقتى بالەت جانە وپەرا سپەكتاكلدەرىنىڭ ستسەنوگرافياسىن جاسادى. ءوزىنىڭ جۇبايى – «وسكار» سىيلىعىنىڭ يەگەرى, كوستيۋمدەر بويىنشا سۋرەتشى فرانكا سكۋارچاپينومەن بىرگە قازاقستاندىق مۋزىكالىق تەاتردىڭ دامۋىنا ەلەۋلى ۇلەس قوستى. ەلوردالىق تەاترداعى قويىلىمدارعا جاساعان بىرەگەي جۇمىستارىنىڭ قاتارىندا – ا.جۇبانوۆ, ل.ءحاميديدىڭ «اباي», دج.ءپۋچچينيدىڭ «مادام باتتەرفلياي», ج.بيزەنىڭ «كارمەن», س.پروكوفەۆتىڭ «رومەو مەن دجۋلەتتا», پ.چايكوۆسكيدىڭ «ۇيقىداعى ارۋ», «اققۋ كولى», ب.اسافەۆتىڭ «باقشاساراي بۇرقاعى», م.پەتيپانىڭ «بايادەركا», ل.مينكۋستىڭ «دون كيحوت» تۋىندىلارى بار.
– ءسىزدىڭ «استانا وپەرا» تەاترىنا ارناپ جاساعان سپەكتاكلدەرىڭىز – قازاقستاندىق ونەرىمىزدىڭ ماڭدايالدى تۋىندىلارى. ولار وپەرا جانە بالەت جاۋھارلارىنىڭ الەمدىك قازىناسىنا ەنەرى ءسوزسىز. ودان ءارى جەمىستى سەرىكتەستىككە سەنىم بىلدىرە وتىرىپ, سىزگە ۇزاق ءومىر, زور دەنساۋلىق تىلەيمىز, – دەدى مادەنيەت جانە سپورت ءمينيسترى ارىستانبەك مۇحامەدي ۇلى.
ءوز كەزەگىندە, ەتسيو فريدجەريو ەلىمىزدىڭ باسشىلىعىنا, مادەنيەت جانە سپورت ءمينيسترى ارىستانبەك مۇحامەدي ۇلىنا, «استانا وپەرا» تەاترىنىڭ ديرەكتسياسىنا وسىناۋ جوعارى ماراپات ءۇشىن العىسىن ءبىلدىرىپ, «دوستىق» وردەنىمەن ماراپاتتالعان تۇڭعىش يتاليالىق اتانۋى ول ءۇشىن ۇلكەن مارتەبە ەكەنىن اتاپ ءوتتى. ستسەنوگراف ەلباسى نۇرسۇلتان ءابىش ۇلى نازارباەۆتىڭ قازاقستانداعى مادەنيەتتى قولداۋداعى ماڭىزىن ەرەكشە باسا ايتتى. قويۋشى ستسەنوگرافتىڭ سوزىنشە, سوڭعى جىلدارى قازاقستان مەن يتاليا اراسىنداعى مادەني كوپىر نىعايىپ, ودان سايىن بەرىك بولا تۇسكەن.