«استانا» قارجى ورتالىعى – قازاقستانداعى جەكەشەلەندىرۋدىڭ نەگىزگى وپەراتورى بولماق. بۇل تۋرالى پەتەربۋرگ حالىقارالىق ەكونوميكالىق فورۋمى اياسىندا وتكەن «قازاقستاننىڭ ينۆەستيتسيالىق مۇمكىندىكتەرى» اتتى سەسسياسىندا قر پرەمەر-ءمينيسترىنىڭ ءبىرىنشى ورىنباسارى اسقار مامين ايتتى.
– «استانا» قارجى ورتالىعى سينگاپۋر, نيۋ-يورك, لوندون, دۋباي سىندى قارجى ورتالىقتارىنىڭ تاجىربيەسىن نەگىزگە الا وتىرىپ جۇمىس جاسايدى. حالىقارالىق تاۋەلسىز سوت جۇيەسى ينۆەستورلاردىڭ قۇقىعىن قورعاپ, اقپاراتتىڭ اشىقتىعىن, ءادىل شەشىمدەردىڭ قابىلدانۋىن قامتەماسىز ەتەدى. اعىلشىن قۇقىعىمەن جانە تاۋەلسىز سوتتارمەن جۇمىس ىستەيتىن «استانا» حالىقارالىق قارجى ورتالىعى ەكسپو-2017 قالاشىعىندا ورنالاسقان. اتالعان ورتالىقتىڭ اعىمداعى جىلعى 5 شىلدەدە وتەتىن رەسمي تۇساۋكەسەرىنە شاقىرامىن, – دەدى اسقار مامين.
سونداي-اق جيىندا ءسوز العان «استانا» حقو باسقارۋشىسى قايرات كەلىمبەتوۆ ەلدەگى اسا ماڭىزدى باعدارلامالاردىڭ ءبىرى – جەكەشەلەندىرۋ مەملەكەت باسشىسىننىڭ «100 ناقتى قادام» جانە 5 ينستيتۋتسيونالدىق رەفورماعا سايكەس ەكونوميكانى ءارتاراپتاندىرۋ باعىتى بويىنشا جۇزەگە اسىپ وتىرعانىن ايتتى.
– اۋقىمدى باعدارلامانىڭ اياسىندا الداعى 3-5 جىلدا IPO-عا كىرەتىن «قازمۇنايگاز», «قازاقستان تەمiر جولى», «قازاقتەلەكوم», «قازاتومپروم» جەكەشەلەندىرۋگە شىعادى. بۇلاردىڭ بارلىعى ءىجو-ءنىڭ 40 پايىزىن قۇرايتىندىعىن دا ايتا كەتكەن ءجون. بۇل قادام قازاقستانداعى كورپوراتيۆتىك باسقارۋ جۇيەسىنىڭ جاندانۋىنا جانە دە ينۆەستورلار تارتۋعا مۇمكىندىك بەرەدى. ەلدە سوڭعى جىلدارى ينۆەستيتسيا تارتۋ ءۇشىن ينۆەستورلارعا زاڭ اياسىندا جەڭىلدىكتەر قاراستىرىلىپ وتىر, - دەدى ق. كەلىمبەتوۆ.
ارنۇر اسقار,
«ەگەمەن قازاقستان»