ءماۋ­لەن اشىمباەۆ استاناداعى جاڭا پارتيالىق جوبالاردىڭ جۇزەگە اسىرىلۋ بارىسىمەن تانىستى

بۇگىندە «نۇر وتان» پارتياسى بىرقاتار ستراتەگيالىق جوبالاردى قولعا الىپ وتىر. سونىڭ اياسىندا الداعى ءۇش جىلدا ەلىمىزدە 1000 ءىت-سىنىپ اشىلىپ, جىلىنا 8-16 جاس ارالىعىنداعى ءجۇز ەلۋ مىڭ بالا باعدارلامالاۋ مەن روبوت تەحنيكالارىنىڭ نەگىزدەرىن ۇيرەنەتىن بولادى. پارتيا اتالعان جوبانى مەملەكەتتىك ورگاندارمەن, جەرگىلىكتى اكىمدىكتەرمەن, ۇكىمەتتىك ەمەس ۇيىمدارمەن جانە بيزنەس قاۋىمداستىقپەن بىرلەسىپ جۇزەگە اسىرماق.

پارتيا توراعاسىنىڭ ءبىرىنشى ورىنباسارى ات باسىن بۇرعان №73 مەكتەپ-ليتسەيدە عىلىمعا قىزىققان جاستار ءۇشىن بارلىق جاعداي جاسالعان. مۇندا فيزيكا, حيميا, بيولوگيا جانە ارنايى STEM زەرتحانالارى جۇمىس ىستەيدى. ودان بولەك, ءبىلىم ورداسىندا 1-9 سىنىپ وقۋشىلارىنا ارنالعان روبوت تەحنيكالارى, راديو تەحنيكالارى, لوگيكا, ونلاين باعدارلامالاۋ جانە كومپيۋتەرلىك مودەلدەۋ كۋرس­تارى اشىلعان. م.اشىمباەۆ جاستارعا باعدارلامالاۋ مەن روبوت تەحنيكالارىنىڭ نەگىزدەرىن ۇيرەتۋدىڭ ماڭىزى زور ەكەنىن ايتتى.

– ەلباسىنىڭ تاپسىرماسىنا سايكەس «نۇر وتان» پارتياسى ەلىمىز بويىنشا 1000 تەگىن ءىت-سىنىپ اشۋ جوباسىن قولعا الىپ, سول باعىتتا جۇمىس ىستەۋدە. بۇگىندە ەلىمىزدىڭ بارلىق وڭىرلەرىندە وسىنداي سىنىپتار اشىلىپ, ءوز جۇمىستارىن باستاپ جاتىر. ءىت-سى­نىپتار فاكۋلتاتيۆتى تۇردە تە­رەڭدەتىلگەن ءبىلىم بەرەدى. سون­دىق­تان بۇل باستامانى پارتيا­نىڭ «تسيفرلى قازاقستان» باعدار­لاماسىنا قوسقان ۇلەسى دەپ تە قاراس­تىرۋعا بولادى, – دەدى ماۋ­لەن اشىمباەۆ.

اتالعان سىنىپتاردا ءبىلىم بەرۋ ءىسى حالىقارالىق تاجىريبە بو­يىنشا جۇرگىزىلەدى. ياعني, وقۋ­شىلار قاراپايىم الگوريتم­دەر قۇرۋدان باستاپ, ارنايى باع­دارلامالار مەن WEB-سايتتار جا­ساۋدى ەۋروپالىق ءبىلىم بەرۋ ستاندارتتارىنا سايكەس ۇيرە­نەدى. ءىت-سىنىپتار Astana Hub حا­لىقارالىق ءىت-ستارتاپتار تەحنو­پاركىمەن بىرلەسىپ جۇمىس ىستەمەك. جوبا بويىنشا ءبىرىنشى كەزەكتە شاعىن جانە اۋىلدىق جەرلەردەگى مەكتەپ وقۋشىلارىن زاماناۋي تسيفرلى جۇيەمەن قامتىپ, سول باعىتتا جان-جاقتى ءبىلىم الۋىنا كوڭىل بولىنەدى.

«تسيفرلى قازاقستان» باعدار­لاماسىن تابىستى جۇزەگە اسىرۋ ءۇشىن بىلىكتى ماماندار قاجەت ەكەنى تۇسىنىكتى. وسى ماسەلەگە نازار اۋدارعان پارتيا توراعاسىنىڭ ءبىرىنشى ورىنباسارى جاستاردى مەكتەپ كەزىنەن باستاپ دايارلاپ, ونى جۇيەلى تۇردە جۇرگىزۋ كەرەكتىگىن ايتتى.

– ءىت-سىنىپتارمەن قاتار پار­تيانىڭ باستاماسىمەن ەلىمىز بو­يىنشا 20 ءىت-ورتالىق اشىلادى. ولاردىڭ دا بىرقاتارى بۇگىن­دە ءوز جۇمىسىن باستاپ كەتتى. ول جەردە كەز كەلگەن جۇمىسسىز ازا­مات باعدارلامالاۋ نەگىزدەرى بويىن­شا ءبىلىم الادى. اتالعان ورتا­لىقتا جارتى جىلداي وقىپ, كەيىن وسى باعىتتا جۇمىس ىستەۋگە مۇم­كىندىك تۋادى. پارتيا بۇل جوبالار­دى ۇكىمەتپەن, جەرگىلىكتى اكىمدىك­تەرمەن, «اتامەكەن» ۇلتتىق كا­سىپكەرلەر پالاتاسىمەن جانە ۇكى­مەتتىك ەمەس ۇيىمدارمەن بىرلە­سىپ جۇزەگە اسىرادى, – دەدى م.اشىم­باەۆ.

الداعى جاڭا وقۋ جىلىنان باستاپ تەگىن ءىت-سىنىپتار ەلور­دا­مىزداعى بارلىق 84 مەكتەپتە اشىلماق. وندا ەڭ الدىمەن الەۋ­مەتتىك از قامتىلعان وتباسى با­لالارىنىڭ ءبىلىم الۋىنا جاعداي جاسالادى.

سونىمەن قاتار «نۇر وتان» پار­تياسى وسكەلەڭ ۇرپاقتىڭ دەن­ساۋلىعىن نىعايتۋ ماقساتىندا مەكتەپ اسحانالارىنىڭ جۇمىسىن جاڭعىرتۋ ءىسىن دە قولعا الدى. وسى باعىتتاعى جۇمىس بارىسىمەن تانىسۋ ءۇشىن م.اشىمباەۆ №15 مەكتەپ-ليتسەيگە ارنايى كەلدى. بۇگىندە بۇل ءبىلىم ورداسىندا «اۆيتسەننا-مەكتەپ» قاناتقاقتى جوباسى جۇزەگە اسىرىلۋدا. ونىڭ ماقساتى – مەكتەپ وقۋشىلارىنىڭ مەديتسينا سالاسىنداعى بىلىكتىلىكتەرىن ارتتىرىپ, دايىندىقتارىن پى­سىقتاۋ. سوعان وراي اتالعان مەك­تەپ «استانا» مەديتسينالىق ۋنيۆەر­سيتەتىمەن, ل.ن.گۋميلەۆ اتىندا­عى ەۋرازيا ۇلتتىق ۋنيۆەر­سي­تە­تىنىڭ بيوتەحنولوگيا كۋرسىمەن, «دانالىق» مەديتسينالىق-فار­ماتسەۆتيكالىق كوللەدجىمەن, قارا­عاندى قالاسىنداعى ج.ابى­شەۆ اتىن­داعى حيميا-مەتاللۋرگيا ينس­تيتۋتىمەن جانە استاناداعى №10 ەمحانامەن بىرلەسىپ جۇمىس ىستەيدى.

مەكتەپ اسحاناسىنىڭ جۇمى­سىمەن تانىسقان پارتيا تورا­عاسىنىڭ ءبىرىنشى ورىنباسارى ەلىمىزدە وسى سالادا كەيبىر كەلەڭ­سىز­دىكتەر بار ەكەنىن ايتىپ, كەيبىر وقۋ ورىندارىندا ءتيىستى تالاپتار ساقتالا بەرمەيتىنىنە نازار اۋداردى.

– بىزدەگى كەيبىر مەكتەپ اسحا­­نالارىنىڭ جۇمىسى كوڭىل كون­شىتپەيدى. بۇل ءوز كەزەگىندە اتالعان سالادا قوردالانعان ماسە­لەلەردىڭ كوپ ەكەنىن اڭعارتادى. سوندىقتان بارلىق مەكتەپتەرگە ورتاق بىرىڭعاي ستاندارت دايىنداپ, اسحانا جۇمىسىن سول تالاپتارعا ساي جۇرگىزۋدىڭ بەرەرى مول, – دەدى ماۋلەن اشىمباەۆ.

سونىمەن قاتار ول كەيبىر وقۋشىلاردىڭ ءتۇرلى تاعامدارعا اللەرگياسى بولۋى مۇمكىندىگىن ايتىپ, بىرىڭعاي ستاندارتتى دايار­لاۋدا وسى جايتتىڭ دا ەسكەرىلۋى كەرەكتىگىن تىلگە تيەك ەتتى. سوعان وراي پارتيا توراعاسىنىڭ ءبىرىنشى ورىنباسارى وسى سالاداعى الداعى اتقارىلار جۇمىستاردىڭ باسىم باعىتتارىن ايقىنداپ بەردى.

– بىرىنشىدەن, مەكتەپ پەن بيزنەس قاۋىمداستىقتىڭ ۇزاق­مەر­زىمدى ىنتىماقتاستىعىن قالىپ­تاستىرۋدىڭ ءتيىمدى تەتىگىن تابۋىمىز كەرەك. سەبەبى بۇگىندە مەك­تەپ اسحاناسىن جالعا الىپ وتىر­عان كاسىپكەرلەردىڭ كەلەسى جىلى دا سول جەردە جۇمىس ىستەي­تىنىنە ەشقانداي كەپىل جوق. سون­دىقتان ولار جاڭا قوندىرعىلار الىپ, قىزمەت ساپاسىن جاقسارتۋعا ق ۇلىقسىز بولىپ وتىر. ەگەر ۇزاق­مەرزىمدى كەلىسىممەن جۇمىس ىستەي­تىن بولسا, جاعداي وڭ باعىتتا وزگە­رەتىنى ءسوزسىز. ەكىنشىدەن, ەلىمىز بويىنشا بارلىق مەكتەپتەرگە ارنالعان مىندەتتى, ناقتى, بىرىڭ­عاي بازالىق ستاندارت قالىپ­تاستىرۋ. بۇل جۇمىسقا ءتيىستى مينيسترلىكپەن قاتار اتا-انالار كوميتەتى مەن بىلىكتى ماماندار دا قاتىسىپ, جاڭا جۇيەنى كوپ كەشىكپەي قولدانىسقا ەنگى­زۋىمىز كەرەك. ۇشىنشىدەن, وسى جۇمىستاردىڭ بارلىعىنا تۇراقتى ءارى جۇيەلى قوعامدىق باقىلاۋ جۇرگىزۋدىڭ بەرەرى مول بولماق. سول ارقىلى بيزنەس قاۋىمداستىقتىڭ ءوز مىندەتتەرىن قالاي اتقارىپ جاتقانى ءجىتى باقىلاۋدا بولادى, – دەدى ماۋلەن اشىمباەۆ.

ءوز كەزەگىندە پارتيا حاتشىسى تامارا دۇيسەنوۆا بۇل اۋقىمدى جۇمىسقا ءبىلىم جانە عىلىم مينيسترلىگى, دەنساۋلىق ساقتاۋ مينيسترلىگى جانە تاعامتانۋ اكادەمياسى دا بەلسەنە قاتىسىپ, بۇكىل قوعام بولىپ كۇش بىرىكتىرۋ كەرەكتىگىن ايتتى.

ءىس-شارا بارىسىندا استانا قالالىق اتا-انالار كوميتەتى مەن بيزنەس قاۋىمداستىق تاراپىنان تاعامتانۋ كومبيناتىن قۇرۋ باستاماسى دا ايتىلدى. بۇل باستامانىڭ باسىمدىقتارىن ەسكەرگەن نۇروتاندىقتار وعان قولداۋ ءبىلدىردى.

جولدىباي بازار,

«ەگەمەن قازاقستان»