سولتۇستىك كورەيا مەن وڭتۇستىك كورەيا باسشىلارى 16 مامىر كۇنى پحانمۋندجومدا جوعارى دەڭگەيلى كەزدەسۋ وتكىزۋدى جوسپارلاعان بولاتىن. الايدا كەزدەسۋگە از ۋاقىت قالعاندا پحەنيان كەلىسسوزدەردەن باس تارتتى. كەزدەسۋدە ەكى ەل باسشىلارى ءساۋىر ايىندا كوتەرگەن ماسەلەلەر جان-جاقتى تالقىلانادى دەپ كۇتىلگەن ەدى. ونىڭ ىشىندە كورەي تۇبەگىنىڭ يادروسىز ايماققا اينالىپ, بىرىگۋ ماسەلەسى دە بار.
سولتۇستىك كورەيا باسشىسى اقش پەن وڭتۇستىك كورەيانىڭ اسكەري وقۋ-جاتتىعۋ جۇمىستارىنا دايىندىقتارىنان سوڭ كەزدەسۋدەن باس تارتتى, سونىمەن قاتار امەريكا پرەزيدەنتى دونالد ترامپتىڭ پحەنياندى يادرولىق قارۋدان تولىعىمەن باس تارتۋعا كوندىرۋ ارەكەتتەرىنە نارازى ەكەنىن ءبىلدىردى. سولتۇستىك كورەيانىڭ رەسمي اگەنتتىگىندە كحدر-دىڭ سىرتقى ىستەر ءمينيسترى ورىنباسارىنىڭ مالىمدەمەسى جاريالاندى. وندا «ەگەر اقش بىزدەن يادرولىق قارۋدان تولىعىمەن باس تارتۋدى تالاپ ەتۋىن قويماسا, ءبىز سامميت تۋرالى شەشىمىمىزدى قايتا قاراستىرۋعا ءماجبۇر بولامىز», دەلىنگەن. ەستەرىڭىزگە سالا كەتسەك, سولتۇستىك كورەيا پرەزيدەنتى كيم چەن ىن مەن دونالد ترامپتىڭ كەزدەسۋى سينگاپۋردە 12 ماۋسىمدا وتەدى دەپ جوسپارلانىپ وتىر.
ۆۆس اقش ەلشىلىگىنىڭ يەرۋساليمگە اۋىسۋى قاقتىعىس تۋعىزدىيەرۋساليمدەگى اقش ەلشىلىگى اشىلعان كۇنى گازا سەكتورىندا يزرايل اسكەرىمەن قاقتىعىستا كەم دەگەندە 55 پالەستينالىق قازا تاۋىپ, 2700 ادام مەديتسينالىق كومەككە جۇگىنگەن. قاقتىعىس ناتيجەسىندە يزرايل تاراپىنان جاراقات العاندار تىركەلمەدى. ءيزرايلدىڭ پرەمەر-ءمينيسترى بينيامين نەتانياحۋ اسكەريلەردىڭ بۇل ارەكەتكە گازانى باقىلاپ, ءيزرايلدى تالقانداعىسى كەلەتىن حاماس راديكالدى توبىنان قورعانۋ ءۇشىن بارعانىن ايتتى. اق ءۇي دە قاقتىعىستارعا حاماس-تى ايىپتاپ, زورلىق-زومبىلىقتى پالەستينالىق توپتىڭ باستاعانىن مالىمدەدى. دەگەنمەن كوپتەگەن الەمدىك كوشباسشىلار يزرايل اسكەريلەرىن شەرۋشىلەرگە قارۋ قولدانعانى ءۇشىن ايىپتادى. ال يزرايل قارۋلى كۇشتەرىنىڭ توراعاسى قارۋ شەرۋشىلەرگە ەمەس, توپ ىشىندەگى ەكسترەميستەرگە قارسى قولدانىلعانىن ايتتى.
ايتا كەتۋ كەرەك, دۇيسەنبى كۇنى يەرۋساليمدە دونالد ترامپتىڭ شەشىمىمەن تەل-اۆيۆتەن كوشىرىلگەن اقش ەلشىلىگىنىڭ اشىلۋ سالتاناتى ءوتتى. بىراق پالەستينالىقتار بۇل شەشىمگە قارسى ەكەندىكتەرىن كورسەتتى. ەلشىلىك اشىلعان كۇنى گازا سەكتورىندا مىڭداعان پالەستينالىقتار شەرۋگە شىقتى.
THE VERGE
NASA مارسقا تىكۇشاق ۇشىرۋدى جوسپارلايدىNASA 2020 جىلى قىزىل پلانەتانى زەرتتەۋ ءۇشىن مارسقا ميني-تىكۇشاق جىبەرۋدى جوسپارلاپ وتىر. حالىقارالىق ۇيىم سول ارقىلى ۇشاتىن اپپاراتتىڭ اتموسفەرا تىعىزدىعى جەردەن ءجۇز ەسە تومەن پلانەتادا ۇشا الۋ مۇمكىندىگىن تەكسەرىپ كورمەك.
Mars Helicopter اتالىپ كەتكەن تىكۇشاقتى NASA-نىڭ رەاكتيۆتى قوزعالىس زەرتحاناسى 4 جىلدان بەرى جاساپ جاتىر. دەگەنمەن اگەنتتىك وسى كۇنگە دەيىن مارسقا اپاراتتى جىبەرۋ-جىبەرمەۋ تۋرالى ءبىر شەشىمگە كەلە الماي جۇرگەن ەدى. ەگەر تىكۇشاق قىزىل پلانەتادا بۇزىلماي جۇمىس ىستەسە, عالىمدار مارستىڭ بەتكى قاباتىنىڭ عانا ەمەس, وسى كۇنگە دەيىن قولجەتىمسىز بولعان جەرلەردىڭ دە سۋرەتتەرىن الاتىن بولادى.
بەلگىلى بولعانداي, اپپاراتتا 2 كامەرا بولادى. ال تىكۇشاق مارس اتموسفەراسىنا لايىقتالىپ جاسالىپ جاتىر. مامانداردىڭ ايتۋىنشا, كوپتەردىڭ جەردەگى ۇشۋ بيىكتىگى 12 200 مەتردى قۇرايدى. ال ونىڭ سالماعى 1,8 كيلو.
«مارس-2020» ميسسياسى 2020 جىلدىڭ شىلدە ايىندا اقش-تىڭ فلوريدا شتاتىنداعى كاناۆەرال كوسمودرومىنان باستالادى دەپ كۇتىلۋدە. ال قىزىل پلانەتاعا ميسسيا 2021 جىلدىڭ اقپان ايىندا جەتەدى دەگەن بولجام جاسالعان.
ELECTREK يلون ماسك لوس-اندجەلەستى كولىك كەپتەلىسىنەن قۇتقارماقSpaceX جانە Tesla كومپانيالارىنىڭ نەگىزىن قالاعان يلون ماسك لوس-اندجەلەستەگى جەر استى تۋننەلىن كورسەتتى. ماسك تۋننەلدى جاساعان The Boring Company كومپانياسى ونى ىسكە قوسۋ ءۇشىن بيلىكتىڭ ماقۇلداۋىن كۇتىپ وتىرعانىن ايتتى.
«Boring Company-ءدىڭ لوس-اندجەلەستەگى العاشقى تۋننەلىنىڭ قۇرىلىسى اياقتالۋعا جاقىن. بيلىك ماقۇلداعان سوڭ ءبىز بىرنەشە اي بويى تەگىن قىزمەت ۇسىناتىن بولامىز. بۇل جوباعا اتسالىسقانداردىڭ بارلىعىنا العىس ايتامىن», دەدى يلون ماسك. ونىڭ ايتۋىنشا, جاڭا تۋننەلدى قولدانۋ ءۇشىن جاياۋ جۇرگىنشىلەرگە, ۆەلوسيپەد پەن قوعامدىق كولىكتەرگە باسىمدىق بەرىلەتىن بولادى. سونىمەن قاتار يلون ماسك تۋننەل ارقىلى جول اقىسى قالالىق اۆتوبۋستاردان دا تومەن بولاتىنىن ايتتى.
دايىنداعان گۇلنۇر قۋانىشبەكقىزى, «ەگەمەن قازاقستان»