قر ءىىم تج كوميتەتىندە وتان قورعاۋشىلار كۇنى مەن ۇلى جەڭىستىڭ 73 جىلدىعىنا وراي وتكىزىلگەن شارا بارىسىندا ىشكى ىستەر ءمينيسترىنىڭ ورىنباسارى يۋ.ۆ.يلين قر پرەزيدەنتىنىڭ 2018 جىل 27 ساۋىرىندەگى №671 بۇيرىعىمەن اسكەري جانە قىزمەتتىك بورىشىن ۇلگىلى اتقارعانى, زاڭدىلىق پەن قۇقىقتىق ءتارتىپتى قامتاماسىز ەتۋدە كورسەتكەن ەرلىگى مەن قاجىرلىلىعى ءۇشىن ءورت سوندىرۋشىلەرگە مەملەكەتتىك ناگرادالار تابىستادى.
سونىڭ ءبىرى ماڭعىستاۋ وبلىسى تجد ء«وس جانە اقجق» №1ارنايى مامانداندىرىلعان ءورت ءسوندىرۋ ءبولىمىنىڭ كومانديرى قايرات تىلەۋجان ۇلى سايماگانبەتوۆ ءىىى دارەجەلى «ايبىن» وردەنىمەن ماراپاتتالدى.
2017 جىلدىڭ 8 تامىزىندا ساعات 17:58-دە ماڭعىستاۋ وبلىسى توتەنشە جاعدايلار دەپارتامەنتى ء«ورت ءسوندىرۋ جانە اۆاريالىق-قۇتقارۋ جۇمىستارى قىزمەتى» مەملەكەتتىك مەكەمەسىنىڭ كۇشتەر مەن قۇرالدارى باسقارۋ ورتالىعىنا اقتاۋ قالاسىندا ءورت ورىن العاندىعى جونىندە حابار تۇسكەن.
ءورت ورىن العان جەرگە ءبولىم حابارلاما تۇسكەننەن كەيىن 5 مينۋت ىشىندە, ياعني ساعات 18:03-تە كەلگەن بولاتىن. حابارلاما ورنىنا جەتكەن سوڭ, ءبىر بولمەلى تۇرعىن پاتەردىڭ جانعاندىعى انىقتالدى.
ءورت ءسوندىرۋ بارىسىندا بولمەدە كەز كەلگەن ۋاقىتتا جارىلۋى مۇمكىن گاز باللونى بار ەكەندىگى انىقتالدى. ازاماتتىق قورعاۋ پراپورششيگى ق. سايماگانبەتوۆ اقتاۋ قالاسى № 1 مامانداندىرىلعان ءورت ءسوندىرۋ بولىمشەسىنىڭ كەزەكشى قاراۋىلىنىڭ گاز تۇتىننەن قورعاۋ قىزمەتى زۆەنوسى قۇرامىندا اس بولمەسىنە كىرىپ, گاز باللونىن الىپ شىقتى.
-ول ورتكە ورانعان جەردەگى ىقتيمال جارىلىستىڭ الدىن الىپ, ادام قازاسىنىڭ بولۋىنا جول بەرمەدى. ءورت ءسوندىرۋ جەتەكشىسى تاراپىنان قويىلعان مىندەتتەرگە جان-جاقتى ويلانىپ جانە شىمدامدىلىق تانىتىپ, بولىمشە كومانديرى قايرات سايماگانبەتوۆ 4 ادامدى, ونىڭ ىشىندە 1 بالانى قۇتقارۋدى ۇيىمداستىرۋدا بەلسەنە ارالاستى. ناتيجەسىندە 25 ادام, ونىڭ ىشىندە 15 بالالار قاۋىپسىز جەرگە كوشىرىلدى.
وسى ۋاقىت ارالىعىندا اتالعان جاۋىنگەرلىك ۋچاسكەدە وزىنە جۇكتەلگەن مىندەتتەردى ورىنداۋدى قامتاماسىز ەتتى. اقتالعان كاسىبي تاۋەكەلدىلىكتىڭ, ءورت ءسوندىرۋ تەحنيكاسىن مۇقيات پايدالانۋدىڭ ارقاسىندا, ءورتتى قىسقا ۋاقىتتا زارداپ شەگۋشى مەن قازاسىز وقشاۋلاۋعا جانە جويۋعا مۇمكىندىك تۋدى, دەدى ماڭعىستاۋ وبلىسى توتەنشە جاعدايلار دەپارتامەنتى باسشىسى قۋانار بازارباەۆ اپپاراتتىق جيىندا ق.سايماعانبەتوۆتى قۇتتىقتاپ تۇرىپ.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى