Kazakh Tourism, كتج جانە حابار ارناسى قازاقستاندىقتاردى ەل ىشىندە كوبىرەك ساياحاتتاۋعا شاقىرۋدا

بۇل شارا «قتج» ۇك» اق-نىڭ قاراماعىنداعى ەلىمىزدىڭ اۋەجايلارى  مەن تەمىرجول ۆوكزالدارىندا قازاقستاننىڭ تۇپكىر-تۇپكىرىندە ورنالاسقان  تۋريستىك ورىندار تۋرالى تانىمدىق بەينەبايانداردى كورسەتۋدەن باستالادى. بەينەبايانداردى Kazakh TV تەلەارناسى دايىنداعان.

ۇلتتىق تاسىمالداۋشىنىڭ ايتۋىنشا روليكتەر استانا, الماتى, اقتوبە كوكشەتاۋ جانە ورال قالالارىنداعى تەمىرجول ۆوكزالدارىندا, سونداي-اق استانا, اقتوبە, كوكشەتاۋ, قوستاناي, پاۆلودار جانە شىمكەنت قالالارى اۋەجايلارىندا ورنالاستىرىلعان.

ء «بىز الماتى, شىعىس قازاقستان, قىزىلوردا, قوستاناي, ماڭعىستاۋ وبلىستارىنىڭ تۋريستىك الەۋەتى تۋرالى بەينەروليكتەر دايىندادىق. بولاشاقتا ەلىمىزدىڭ باسقا دا وڭىرلەرىنە ارنالعان ماتەريالدار دايىنداۋدى جوسپارلاپ وتىرمىز. باستى مىندەت - ءبىزدىڭ وتانداستارىمىزعا قازاقستاننىڭ ەڭ ادەمى جانە تىلسىم ورىندارىن كورسەتۋ», - دەيدى Kazakh TV تەلەارناسىنىڭ ديرەكتورى ساندۋعاش راحىمجانوۆا.

2018 جىلدىڭ 5 ماۋسىمىنان باستاپ «Discovering Kazakhstan», «Unknown Kazakhstan», «Aviator» سياقتى قازاق جانە ورىس تىلدەرىندەگى تۋريزم جايلى باعدارلامالار «تۇلپار-تالگو» پويىزدارىنىڭ ۆاگوندارىندا كورسەتىلە باستايتىنىن اتاپ وتكەن ءجون.

«سوڭعى جىلدارى تەمىرجول بويىنشا ساياحاتتاۋ ودان  دا ءارى تارتىمدى بولىپ كەلە جاتىر. جىل سايىن قازاقستاننىڭ كورىكتى جەرلەرىن تانۋ ءۇشىن پويىزبەن ءجۇرۋدى قالايتىن ادامداردىڭ سانى ارتىپ كەلەدى. ءوز كەزەگىندە ۇلتتىق تاسىمالداۋشى بۇل ساپارلاردى تۋريستەرگە ىڭعايلى ەتۋ جانە ولارعا جوعارى ساپالى قىزمەت كورسەتۋ ءۇشىن بار كۇشىن سالۋدا», – دەپ اتاپ ءوتتى «جولاۋشىلار تاسىمالى» اق («قتج» ۇك »اق ەنشىلەس كاسىپورنى).

قازاقستان رەسپۋبليكاسى ۇلتتىق ەكونوميكا مينيسترلىگىنىڭ ستاتيستيكا جونىندەگى كوميتەتىنىڭ دەرەكتەرى بويىنشا 2017 جىلى ەلدەگى ىشكى تۋريستەردىڭ سانى 5,5 ميلليون ادامنان استى, بۇل وتكەن جىلمەن سالىستىرعاندا 20% ارتىق ەكەن. وسىلايشا, ستاتيستيكا ىشكى ءتۋريزمنىڭ سوڭعى جىلدارى حالىق اراسىندا كەڭىنەن تانىمال بولۋ فاكتىسىن راستايدى.

ء «بىزدىڭ ەلىمىزدىڭ وڭتۇستىك ايماقتارىنىڭ تۇرعىندارى قازاقستاننىڭ سولتۇستىگىندەگى بىرەگەي مادەني نەمەسە تابيعي جەرلەر تۋرالى بىلە بەرمەيدى, نەمەسە كەرىسىنشە, باتىستا تۇراتىن ادامدار شىعىس قازاقستاننىڭ تۋريستىك الەۋەتىن بىلمەيدى, ال شىعىس تۇرعىندارى باتىس قازاقستانمەن تانىس ەمەس.

سوندىقتان, ازاماتتاردىڭ ەل ىشىندە ساياحاتتاۋى ءۇشىن  اقپارات تاراتۋعا باعىتتالعان وسى باستامانى كوتەردىك. بۇل شارا بيۋدجەتتىك قاراجات ەسەبىنەن ەمەس, ءۇش ۇيىمنىڭ بىرلەسكەن كۇش-جىگەرىنىڭ ارقاسىندا ۇيىمداستىرىلعانىن اتاپ ءوتۋ كەرەك: جوبانىڭ كونتسەپتۋاليزاتسياسىن Kazakh Tourism جاسادى, روليكتار Kazakh TV تاراپىنان دايىندالعان, ال قتج ولاردى ءوز رەسۋرستارىنا ورنالاستىرۋدى قولعا الدى.

بۇل تۋريستەردىڭ باعدارى تىزبەگىنىڭ باسىنان باستاپ ولاردىڭ نازارىن اۋدارۋعا مۇمكىندىك بەرەدى: كەلگەن بەتتە اۋەجايدانەمەسە ءبىر جەردەن ەكىنشىسىنە كەتىپ بارا جاتقاندا – ۆوكزالدان.

ارينە بۇل جۇمىس ساياحاتشىلار باعدارىنىڭ تولىق تىزبەسىن قامتىعانعا دەيىن جالعاسادى», - دەپ «Kazakh Tourism» ۇك» اق باسقارما توراعاسى راشيد كۇزەمباەۆ قورتىندىلاپ ءوتتى.