بيىلعى 26 ساۋىرگە دەيىنگى ناقتى ناتيجەگە سايكەس «دامۋ» قورى كاسىپكەرلەر ۇسىنعان جالپى سوماسى 661,2 ملن تەڭگەنى قۇرايتىن 42 جوبانى قاراۋدا.
جالپى سوماسى 646 ملن. تەڭگەگە 44 جوبا ماقۇلدانعان. وعان قوسا سوماسى 829,1 ملن تەڭگە بولاتىن 54 نەسيە بەرىلگەن. قۇجاتتاردى جيناۋ ساتىسىندا جالپى سوماسى 265 ملن. تەڭگەلىك ءالى 22 جوبا بار. بۇل تۋرالى الماتى قالاسىنىڭ وڭىرلىك كوممۋنيكاتسيالار قىزمەتىندە وتكەن بريفينگتە «دامۋ» كدق الماتى قالاسى فيليالى ديرەكتورىنىڭ ورىنباسارى ەدىگە مارعۇلان مالىمدەدى.
سپيكەردىڭ ايتۋىنشا, الماتى قالاسىندا, ساۋدا جانە قىزمەت كورسەتۋ سەكتورلارىنىڭ 60 پايىزدان استامىن قۇرايتىندىقتان, الماتى اكىمدىگى مەن دامۋ قورى بىرلەسىپ «جىبەك جولى» اتتى وڭىرلىك باعدارلاماسىن ىسكە اسىردى. اتالمىش باعدارلاما «بيزنەستىڭ جول كارتاسى -2020» شەڭبەرىندە باسىمدىق تىزىمگە ەنگىزىلمەگەن ساۋدا, سۇلۋلىق سالوندارى, جاتاقحانالار جانە باسقا سالالارداعى كاسىپكەرلەردى قولداۋ باعدارلاماسى 2015 جىلدىڭ مامىر ايىنان جۇمىس ىستەي باستادى.
«جىبەك جولى» باعدارلاماسىنىڭ نەسيەلەۋ شارتتارى:
باعدارلاماعا الماتى قالاسىندا تىركەلگەن جانە جۇمىس ىستەيتىن شاعىن جانە ورتا بيزنەس عانا قاتىسا الادى: ەڭ جوعارعى نەسيەلەۋ سوماسى ءبىر كاسىپكەر ءۇشىن 180 ملن. تەڭگە. نەسيە مەرزىمى: جاڭا نەگىزگى قاراجات الۋعا جانە جەتىلدىرۋگە – 84 ايعا دەيىن; اينالىم قاراجاتىن تولىقتىرۋعا – 36 ايعا دەيىن. سىياقىنىڭ نومينالدى مولشەرلەمەسى - جىلدىق 7%. نەگىزگى قارىزدى وتەۋدىڭ جەڭىلدىك مەرزىمى - 12 ايعا دەيىن;2017 جىلدىڭ ناتيجەسى بويىنشا «جىبەك جولى» باعدارلاماسى ارقىلى 165 كاسىپكەر قارجىلاندىرىلعان.
سونداي-اق, 2017 جىلدىڭ قاراشاسىندا قوسىمشا 3 ترانش بويىنشا 2,7 ملرد.تەنگە ءبولىندى. بۇل ورايدابانك سەرىكتەستەرى «نۇر بانك» اق, «فورتە بانك» اق, «اتف بانك» اق, «نارودنىي بانك» اق بولىپ تابىلادى.
بيىلعى جىلدىڭ 26 ساۋىرىندەگى جاعداي بويىنشا 582 ملن تەڭگەنى قۇرايتىن 11 كاسىپكەر قارجىلاندىرىلىپ, 15 كاسىپكەرلەردىڭ جوبالارى قاراستىرىلۋدا.
ايتا كەتۋ كەرەك, «دامۋ» كاسىپكەرلىكتى دامىتۋ قورى قازاقستان رەسپۋبليكاسىندا بىرىككەن ۇلتتار ۇيىمىنىڭ دامۋ باعدارلاماسىنىڭ قارجىلىق قولداۋىمەن ەنەرگيا ۇنەمدەۋدى جۇزەگە اسىراتىن كاسىپكەرلەردى قولدايدى, – دەدى ەدىگە مارعۇلان.
ايناش ەسالي,
«ەگەمەن قازاقستان».
الماتى