اقپارات جانە كوممۋنيكاتسيالار مينيسترلىگىنىڭ 2017 جىلعى اتقارعان جۇمىستارى مەن الداعى جوسپارلارى تۋرالى حالىققا ەسەپ بەرۋ كەزدەسۋى ءوتىپ جاتىر.
مينيستر داۋرەن اباەۆ مۇنداي ەسەپتىك كەزدەسۋلەردىڭ حالىق پەن مەملەكەتتىك ورگانداردىڭ اراسىنداعى اشىق الاڭعا اينالعانىن اتاپ ءوتتى. اقپارات سالاسى بويىنشا مينيسترلىكتىڭ مەملەكەتتىك سەكتوردىڭ اقپاراتتىق جۇمىس ساپاسىن ارتتىرۋ بويىنشا اتقارىلعان بىرنەشە جۇمىستار رەتىن العا تارتتى.
- ونداعان تاراۋلاردىڭ ورنىنا بىرىڭعاي جوسپار قابىلداندى. وسىلايشا اتقارىلىپ جاتقان مەملەكەتتىك رەفورمالار تۋرالى حالىققا ءتيىمدى اقپارات تاراتۋعا جول اشىلدى. مەمەلەكەتتىك اقپاراتتىق تاپسىرىستاردىڭ ساپاسىن ارتتىرۋ ءۇشىن بىرنەشە نورماتيۆتىك باستامالار قابىلداندى. مىسال ءۇشىن مەملەكەتتىك اقپاراتتىق تاپسىرىس زاڭ بويىنشا مەملەكەتتىك ساتىپ الۋدان الىنىپ تاستالدى. الايدا ارنايى قاعيدا قابىلداندى. وسىلايشا باق ىرىكتەۋ پروتسەسىن قوعامدىق ۇيىمداردىڭ اشىق باقىلاي الادى. ال مەملەكەتتىك اقپاراتتىق تاپسىرىستىڭ جوعارعى تالاپتارىنا ساي باق وكىلدەرى عانا قاتىسا الادى,- دەدى داۋرەن اباەۆ.
وسىدان سوڭ مينيستر وتاندىق باق-تىڭ باسەكەگە قابىلەتتىلىگىن ارتتىرۋ بويىنشا ورىندالعان بىرقاتار ماقساتتى جۇمىستاردى تىلگە تيەك ەتتى. - ءبىز تەك قانا وتاندىق كوركەم جانە دەرەكتى فيلمدەر كورسەتەتىن “ەلارنا” كينو ارناسىن اشتىق. 2017 جىلى مەملەكەتتىك تاپسىرىس اياسىندا 40 سەريال ء تۇسىرىلدى. بۇل ءبىر جىل بۇرىنعى كورسەتكىشتەن ەكى ەسەگە ارتىق. بارلىق قازاقستاندىق تەلەارنالاردى ونلاين رەجيمدە كورۋگە مۇمكىندىك بەرەتىن عالام تۆ جوباسى جاڭارتىلدى,- دەدى مينيستر.
ايا ءومىرتاي
«ەگەمەن قازاقستان»