سامارقاند قالاسىندا (وزبەكستان رەسپۋبليكاسى) قازاقستان جانە وزبەكستان ىشكى ىستەر مينيسترلەرىنىڭ كەزدەسۋى بولىپ ءوتتى. وعان مينيستر قالمۇحانبەت قاسىموۆ باستاعان قازاقستان ءىىم دەلەگاتسياسى, وزبەكستاننىڭ ىشكى ىستەر ءمينيسترى پۋلات بوبوجونوۆ قاتىستى.
ءىس-شارا بارىسىندا ەكى ەلدىڭ ىشكى ىستەر ورگاندارىنىڭ قىلمىسقا قارسى كۇرەس سالاسىنداعى ءوزارا ءىس-قيمىلىن نىعايتۋ, شەكارالىق ىنتىماقتاستىقتى ودان ءارى دامىتۋ, پراكتيكالىق تاجىريبە الماسۋ ماسەلەلەرى, سونداي-اق زاڭ شىعارۋ قىزمەتى تالقىلاندى.
– قازاقستان مەن وزبەكستان اراسىنداعى ىنتىماقتاستىقتىڭ دامۋ قارقىنى بارلىق قىزمەت سالاسىندا كورىنىس تابۋدا. سونداي-اق ىشكى ىستەر ورگاندارى اراسىنداعى ىنتىماقتاستىقتىڭ دا وزىندىك تاجىريبەسى قالىپتاسا باستادى. بىزدەر ەكىجاقتى, سونىمەن بىرگە بىرنەشە تاراپ بولىپ تا, دالىرەك ايتقاندا تمد جانە شىۇ اياسىندا دا بىرلەسكەن ءىس-شارالار اتقارامىز, كوپتەگەن پروبلەمالار ىشكى ىستەر مينيسترلەرى كەڭەسىنىڭ وتىرىستارىندا تالقىلانادى, – دەپ اتاپ ءوتتى ق.قاسىموۆ.
كەڭەستىڭ قورىتىندىسى بويىنشا قازاقستان مەن وزبەكستان ىشكى ىستەر مينيسترلىكتەرىنىڭ ۇيلەستىرۋ توبىن قۇرۋ تۋرالى بىرلەسكەن بۇيرىققا قول قويىلدى, اتالعان توپتىڭ قۇرامىنا مينيسترلىكتەردىڭ بەيىندىك قىزمەتتەرىنىڭ ءبىرىنشى باسشىلارى سايلاندى.
ءىس-شارا شەڭبەرىندە قازاقستان مەن وزبەكستان ءىىم بەيىندىك قىزمەت باسشىلارىنىڭ ەكى تاراپتىق كەزدەسۋلەرى وتكىزىلدى.