مۇگەدەك جاندار ءۇيلى بولدى

كەشە استانا قالاسى اكىمدىگىندە ەل تاۋەلسىزدىگى­نىڭ 20 جىلدىعىنا وراي 17 قۇرىلىس كومپانياسى مەن ءبىر جەكە تۇلعا الەۋمەتتىك ارىپتەستىك شەڭ­بە­رىن­دە ەلوردادا تۇرىپ جاتقان مۇمكىندىگى شەكتەۋلى با­لا­لارى بار 20 وتباسىنا تەگىن پاتەر كىلتتەرىن تابىس ەتتى. استانا قالاسىنىڭ اكىمى يمانعالي تاسماعامبەتوۆ اتال­مىش شارادا استانادا تاۋەل­سىز­دىكتىڭ 20 جىلدىعى قارسا­ڭىن­دا مۇقتاج جاندارعا قول- ۇشىن بەرۋ, مەيىرىمدىلىك تانىتۋ سەكىلدى يگى داستۇرلەردىڭ جال­عا­سىن تاۋىپ كەلە جاتقانىنا ريزا­شىلىعىن ءبىلدىردى. سونداي-اق ول ەلدىڭ بىرلىگى مەن بەرەكەسىنىڭ وسىنداي ساۋاپتى ىستەردە جات­قانىن دا نازاردان تىس قال­دىر­مادى. مۇنداي العاشقى اكتسيا استانا كۇنىندە ورىن الىپ, ول كەز­دە 17 قۇرىلىس كومپانيا­سى­نان استانالىقتاردىڭ 24 مۇق­تاج وتباسىلارى پاتەرگە يە بول­عان-دى. اكىم ءوز سوزىندە وسىن­داي ازاماتتارعا جاردەم بەرۋ جونىندە باستاما مەملەكەتتىك ورگانداردان ەمەس, جەكە كومپانيالار تاراپىنان كوتەرىلىپ, ولار كەزەكتى مارتە اكىمدىككە اتال­عان قايىرىمدىلىق يدەيا­سى­مەن شىققانىنا توقتالدى. قايىرىمدىلىق باستاماسىن قۇرىلىس كومپانيالارىنىڭ كوتە­رۋى كەزدەيسوق ەمەس. ويتكەنى, ەلىمىز ەگەمەندىك الىپ, قالا ەلوردا مارتەبەسىنە يە بولعالى وسى سالا قارقىندى دامىپ كەلەدى. قۇرى­لىس سالاسى بۇكىلالەمدىك قارجى داعدارىسى جىلدارىندا مەملەكەت تاراپىنان ۇلكەن قولداۋعا يە بولىپ, جاڭا سەرپىن الدى. استا­نا­نىڭ تۇرعىن ءۇي سالاسىنداعى جىل سايىنعى ءوسىمى 30-50 مىڭ شارشى مەتردى قۇرايدى. وتكەن جىلى 1 ملن. 380 مىڭ شارشى مەتر تۇرعىن ءۇي سالىنعان بولسا, بيىل 1 ملن. 400 مىڭ شارشى مەتر تۇرعىن ءۇي پايدالانۋعا بەرىلمەك. تەك سوڭعى ءۇش جىلدا 4 ملن. شارشى مەتر تۇرعىن ءۇي پاي­دا­لانۋعا بەرىلسە, وسىعان ءساي­كەس, قۇرىلىس سالاسىنا تارتى­لا­تىن ينۆەستيتسيا كولەمى دە ۇل­عايعان. استانانىڭ ءالى دە 5 ملن. شار­شى مەتر تۇرعىن ءۇي سالۋعا الەۋە­تى بار. 2011 جىلدان باستاپ باس قالادا تۇرعىن ءۇي قۇرى­لىسىنىڭ 2014 جىلعا دەيىنگى جاڭا باعدارلاماسى جۇزەگە اسى­رىلا باستادى. ونىڭ اياسىندا 1 ملن. شارشى مەتر تۇرعىن ءۇي سالىنباق. ونى جۇزەگە اسىرۋ بارىسىندا «مىڭجىلدىقتار اللەياسى», «حان شاتىر» كەشە­نىنىڭ باتىس بولىگى مەن قا­بان­باي باتىر داڭعىلىنىڭ اۋەجاي اينالما جولىنان سىعاناق كو­شە­سىنە دەيىنگى اۋداندارى يگە­رىلە باستايدى. ءابدىراحمان قىدىربەك.

110 وتباسىنا – پاتەر, 330 بوبەككە – بالاباقشا

وبلىستا ەل تاۋەلسىزدىگىنىڭ 20 جىلدىعىنا ارنالعان يگى شارالار جارىسا جالعاسۋدا. وتكەن اپتادا ەكىباستۇز قالا­سىندا اشىلعان  «گنەزدىشكو» اتتى  بالاباقشادا  قازاق, ورىس تىلدەرىندە تاربيە بەرىلەدى. ءىشى-سىرتى بىردەي ادەمى عيمارات بوبەكتەرگە جاقسى سىيلىق بول­عانداي. بالاباقشادا بارلىق جاعداي جاسالعان. وسىنداي جاڭا ساۋلەتتى بالاباقشانى  تۇر­عىزۋ ءۇشىن رەسپۋبليكالىق بيۋدجەتتەن 640,8 ميلليون تەڭ­گە ءبولىندى. قۇرىلىسشىلار دا مەرەكە الدىنداعى ۋادەلەرىندە تۇردى. بۇلدىرشىندەر مەن اتا-انالاردى اشىلۋ سالتاناتى كەزىندە ەكىباستۇزدا بولعان وبلىس اكىمى باقىتجان ساعىنتاەۆ قۇت­تىقتادى. ياعني, وبلىستا ەلىمىزدە قابىلدانعان مەملەكەتتىك «بالاپان» باعدارلاماسى جۇزەگە اسۋدا. جىل سوڭىنا دەيىن  مۇنداي قۋا­نىشتار  كوبەيەدى. قالا اكىمى الەكساندر ۆەربنياكتىڭ ايتۋىن­شا,  كەنشىلەر قالاسىندا بوبەك­تەر­دىڭ 93 پايىزى بالاباقشاعا بارادى دەۋگە بولادى. جاڭا بالا­باق­شانىڭ اشىلۋىمەن بىرگە وسى جەردە 100 ادام جۇمىسقا ورنا­لاستى. ال, قالاعا قاراستى اۋىلداردا مەكتەپتەر جانىنان شاعىن ور­تا­لىقتار دا اشىلۋدا. جىل سوڭىنا دەيىن اقسۋ, وبلىس ورتالىعىندا جانە اۋدان ورتالىقتارىندا دا بالاباقشالار پايدالانۋعا بەرىلەدى. سونىمەن قاتار, وبلىس ورتالىعىندا «قازاقستان ءاليۋمينيى» اق قۇرىلىسىن جۇرگى­زىپ جاتقان كوپ قاباتتى ءۇيدىڭ ءبىرىنشى قاباتىندا شاعىن با­لا­باقشا اشۋ جوسپارلانىپ وتىر. ايتپاقشى, «جۇمىسپەن قام­­تۋ-2020» باعدارلاماسى شەڭ­بە­رىن­دە قالادا 110 پاتەر­دەن تۇ­راتىن 5 قاباتتى ەكى ءۇيدىڭ قۇ­رى­لىسى  ءۇشىن رەسپۋبليكا­لىق بيۋدجەتتەن 385 ميلليون تەڭگە ءبولىنىپتى. قازىر قۇرىلىس جۇ­­مىس­تارى قارقىندى جۇرگىزىلۋدە. فاريدا بىقاي. ەكىباستۇز.