جاقىندا ىقىلاس اتىنداعى حالىق مۋزىكالىق اسپاپتار مۋزەيىندە قۇرمانعازى ساعىرباي ۇلىنىڭ استراحان وبلىسىنىڭ التىنجار اۋىلىندا ورنالاسقان «قۇرمانعازى اتىنداعى مادەني ورتالىق» قورىندا ساقتالعان دومبىراسىنىڭ كوشىرمەسى مەن قۇرمانعازىنىڭ ءتول شاكىرتى ەرعالي ەسجانوۆتىڭ دومبىراسى رەسمي تۇردە مۋزەيگە قابىلداندى. ونىمەن قوسا «قۇرمانعازى دومبىراسى – مۋزەي ساحناسىندا» اتتى ۇشكۇندىك كورمەگە اتىراۋ وبلىستىق تاريحي-ولكەتانۋ مۋزەيى قورىنداعى قۇرمانعازىنىڭ دارا اۋىز مىلتىعى مەن شاكىرتى دينا نۇرپەيىسوۆانىڭ بەلبەۋى قويىلدى.
كۇي كەشىندە قۇرمانعازى اتىنداعى اكادەميالىق حالىق اسپاپتار وركەسترىنىڭ دومبىراشىلار قۇرامى مەن جەكە ورىنداۋدا قاجىبەك بەكبوسىنوۆ, باتىرجان مىقتىباەۆ, اسەل الينا, راحات سارسەنوۆ, اسىلبەك احاتوۆ, ەدىگە ءنابي ۇلى ونەر كورسەتتى.
كەلۋشىلەردىڭ كۇمبىرلەگەن كۇيدەن بولەك نازارىن اۋدارعان تاعى ءبىر نارسە دينا اپامىزدىڭ ايرىقشا قاستەرلەيتىن كۇمىس كىسەسى بولدى. كۇمىس, جەز ۇزبەلەرمەن سالعان جالپاق بىلعارى بەلبەۋلەر. ول ەكى قابات ەتىپ تىگىلگەن. ەكى باسىنا قاپسىرما سالىپ, كەيدە ءبىر ۇشىنا وتكىزىپ بەكىتەتىن تەسىكتەرى بار. كىسەدە بەلبەۋگە ءىلىپ, وتكىزىپ قوياتىن بىلعارى قالتا جاسالادى. ءحىح عاسىردان باستاپ قازاقتاردىڭ تۇرمىس سالتىنىڭ وزگەرۋىنە بايلانىستى كىسەنىڭ ءتۇرى دە وزگەردى.وعان قالتا سالماي, كۇمىسپەن كەمەرلەنەتىن بولعان. مۋزەيگە وتكىزىلگەن دينا كۇيشىنىڭ كەزىندە قولدانىلعان كۇمىس كىسەسى وسى ەكەن.
ساپارباي پارمانقۇل, «ەگەمەن قازاقستان»
الماتى