ات ۇستىندەگى تاريحي- تانىمدىق توپ مۇشەلەرىن وبلىستىق ءماسليحات دەپۋتاتى ورال سارتاەۆ باستاپ بارادى. ماقسات-جالپى ەلىمىزدىڭ وڭىرلەرىن, اۋىلدارىن اتپەن ارالاۋعا بولاتىنىن كورسەتۋ. جاستارمەن كەزدەسىپ, ۇلتتىق ات سپورتى تۇرلەرىنە قىزىقتىرۋ.
توپ «رۋحاني جاڭعىرۋ» باعدارلاماسى اياسىندا قاسيەتتى جەرلەردى ارالاۋ ماقساتىندا جولعا شىقتى.
بىلتىر «الاش» پارتياسىنىڭ 100 جىلدىعىنا وراي « ۇلىلارعا تاعزىم» اتالاتىن اتتى ەكسپەديتسيا جۇسىپبەك ايماۋىتوۆ, جۇمات شانين اۋىلدارىنا بارىپ, تاعزىم ەتتى. ايماۋىتوۆ اۋىلىندا كوكپاردان جارىس وتكىزدى. وسى اۋىلدارداعى كۇرەڭباي سىنشىنىڭ زيراتى, قابىلبەك, قازىرەت قورىمدارىنا, مايلى تونداردىڭ ەسكى زيراتىنا, نۇرعالي موللانىڭ مەدرەسەسى بولعان ورىنعا, قوسىم پىشەمباەۆتىڭ زيراتىنا دۇعا وقىدى.
اۋداندىق مادەنيەت جانە تىلدەردى دامىتۋ ءبولىمىنىڭ حابارىنشا, بيىل ەكسپەديتسيا جاڭاتىلەك اۋىلىنداعى جاياۋ مۇسانىڭ زيراتى, توتيا انا زيراتى, قازىبەك ءبيدىڭ سورە تاسى, قۇندىكول اۋىلىنداعى ءابجالاپ ديۋانا, تۇركىلەردىڭ تابىنۋ ورنىنا, ء ماشھۇر ءجۇسىپتىڭ كەسەنەسى, جىلاندى قىستاعىنداعى اباي-ءدىلدا قاجى زيراتىنا بارىپ ءتاۋ ەتىپ, كەرەكتى مالىمەتتەر جيناپ, سۋرەتكە تۇسىرەدى. 6 مامىر كۇنى جول تۇسسە ەسكەلدى اۋىلىنان شىعىپ, ەكىباستۇزدىڭ ءا. مارعۇلان اۋىلىنا جەتەدى. 8 مامىر كۇنى بوزتال اۋىلىنان اۋدان ورتالىعى ەرەيمەنتاۋعا جەتەدى. اتتى ەكسپەديتسيادا 6 ادام بار. اتتى ساپار 5-11 مامىر ارالىعىنا ارنالعان.
فاريدا بىقاي,
«ەگەمەن قازاقستان»
پاۆلودار