قۇرىلىس جۇمىستارى جول توسەمىنىڭ 17 شاقىرىمىنا ءجۇرىپ جاتىر, دەپ حابارلايدى وڭىرلىك كوممۋنيكاتسيالار قىزمەتى.
"ماقات-دوسسور" جولىن قالپىنا كەلتىرۋ "نۇرلى جول" مەملەكەتتىك باعدارلاماسى اياسىندا جۇرۋدە. تاپسىرىس بەرۋشى - قر اۆتوكولىك جولدارى كوميتەتى. "اقتوبە-اتىراۋ" اۆتوكولىك جولىنىڭ 487-504 شاقىرىمىندا ورنالاسقان ۋچاسكەدەگى جوندەۋ جۇمىستارى ازيا دامۋ بانكى ەسەبىنەن جۇرۋدە. بولىنگەن قارجىنىڭ جالپى سوماسى 3,3 ملرد تەڭگە, 2018 جىلى قالپىنا كەلتىرۋگە 2,5 ملرد تەڭگە قارالدى.
-قازىر جۇمىسشىلار ەسكى اسفالت توسەمىن الىپ, جاڭاسىن سالۋعا دايىنداپ جاتىر. ۋچاسكەنى قالپىنا كەلتىرۋگە 47 ادام جۇمىلدىرىلدى,- دەيدى «اتىراۋجولزەرتحاناسى» رمم قۇرىلىس جۇمىستارى جونىندەگى ينجەنەرى نۇرلان ءجانتورين.
"اتىراۋ-استراحان" جولىن قالپىنا كەلتىرۋدىڭ ەكىنشى باعىتى اياسىندا 277 كم-گە جوبالاۋ-سمەتالىق قۇجاتتاما دايىندالدى. قازىر يسلام دامۋ بانكىمەن كەلىسىم-شارت بەكىتىلۋدە, جاقىن ارادا جوبا قارجىلاندىرىلادى.