ايماق باسشىسى دانيال احمەتوۆتىڭ وكىمىمەن شقو اكىمىنىڭ ءبىرىنشى ورىنباسارى لاۋازىمىنا ەرلان قاپار ۇلى ايمۇقاشەۆ تاعايىندالدى. بۇل تۋرالى وبلىس اكىمىنىڭ ءباسپاسوز قىزمەتى حابارلادى.
جاڭا ورىنباساردى وبلىس اكىمدىگى اكتيۆىنە دانيال احمەتوۆ تانىستىردى. ەرلان قاپار ۇلى 1970 جىلى 18 ناۋرىزدا پاۆلودار قالاسىندا دۇنيەگە كەلگەن. پاۆلودار پەداگوگيكالىق ينستيتۋتىن جانە پاۆلودار ۋنيۆەرسيتەتىن «ەكونوميست-مەنەدجەر» ماماندىعى بويىنشا تامامداعان.
مەملەكەتتىك قىزمەتتە ەڭبەك جولىن 2000 جىلى پاۆلودار وبلىسى اكىمى ىستەرى باسقارماسىنىڭ حاتتامالىق ءىس-شارالارمەن قامتاماسىز ەتۋ ءبولىمىنىڭ باستىعى قىزمەتىنەن باستادى. 2001 جىلدىڭ جەلتوقسانىنان پاۆلودار وبلىسىنىڭ تۋريزم جانە سپورت دەپارتامەنتىنىڭ باستىعى, كەيىن پاۆلودار وبلىسى اكىمىنىڭ كومەكشىسى مىندەتىن اتقارادى. 4 جىل بويى قازاقستان رەسپۋبليكاسى پرەمەر-ءمينيسترىنىڭ كومەكشىسى بولدى. 2012 جىلدىڭ ناۋرىزىندا ەۋرازيالىق ەكونوميكالىق كوميسسيانىڭ ەنەرگەتيكا جانە ينفراقۇرىلىم بويىنشا كوللەگياسى (مينيستر) مۇشەسى حاتشىلىعىنىڭ باسشىسى لاۋازىمىنا تاعايىندالدى. 2015 جىلى شىعىس قازاقستان وبلىسى اكىمىنىڭ اپپاراتىن باسقاردى. 2016-2017 جىلدار ارالىعىندا وسكەمەن قالاسى اكىمى قىزمەتىن اتقاردى.
ازامات قاسىم,
«ەگەمەن قازاقستان»
شىعىس قازاقستان وبلىسى