وتكەن سەنبىدە ەلورداداعى «شابىت» ۇلتتىق ونەر ينستيتۋتىندا ەل تاۋەلسىزدىگىنىڭ 20 جىلدىق مەرەكەسىنە وراي وتكىزىلگەن «تازا بولسا تابيعات – امان بولار ادامزات» اتتى رەسپۋبليكالىق شىعارماشىلىق كونكۋرستىڭ جەڭىمپازدارىن ماراپاتتاۋ ءراسىمى ءوتتى. سايىستىڭ باستى ماقساتى – بالالاردىڭ ەكولوگيا پروبلەماسىن, وزدەرىنىڭ تابيعاتقا دەگەن ماڭىزدى ناقتى كومەكتەرىن قانشالىقتى تۇسىنەتىندىكتەرىن, سونىمەن قاتار وعان قالاي قارايتىندىقتارىن انىقتاۋ بولىپ تابىلادى.
جالپى, كونكۋرسقا ۇزىن سانى ەلىمىزدىڭ جالپى ورتا ءبىلىم بەرەتىن 5040 مەكتەبىنىڭ وقۋشىلارى قاتىسسا, بەس مىڭنان استام شىعارماشىلىق جۇمىستار ۇسىنىلىپتى. سايىس «ۇزدىك سۋرەت», «ۇزدىك تاقپاق», «ۇزدىك ماقالا», «ۇزدىك بەينەروليك», «ۇزدىك اڭگىمە», «ۇزدىك زەرتتەۋ جۇمىسى», «ۇزدىك فوتوسۋرەت», «ۇزدىك بەينەفيلم», «ۇزدىك ءساۋلەت جۇمىسى» اتتى شىعارماشىلىق نوميناتسيالار بويىنشا رەسپۋبليكانىڭ ورتا مەكتەپ وقۋشىلارى اراسىندا ءوتتى. كونكۋرسقا بەلسەندى قاتىسقان مەكتەپتەر اراسىندا ءبىرىنشى ورىندى استانا قالاسىنداعى رايىمبەك باتىر اتىنداعى № 50 «قازعارىش» مەكتەپ-ليتسەيى جەڭىپ السا, ەكىنشى ورىندى قاراعاندى وبلىسى, وساكاروۆ اۋدانى, پيونەرسكوە اۋىلىنداعى بالالار ءۇيى ەنشىلەدى. ال ەكى ءۇشىنشى ورىندار الماتى وبلىسىنىڭ قاراساي باتىر ورتا مەكتەبى مەن پاۆلودار قالاسىنداعى دارىندى بالالارعا ارنالعان №10 مەكتەپ-ليتسەيىنە بۇيىردى.
ءابدىراحمان قىدىربەك.