"قازاقستان رەسپۋبليكاسى ۇلتتىق بانكى باسقارماسىنىڭ 2018 جىلعى 27 ساۋىردەگى № 67 قاۋلىسىمەن 2018 جىلعى 28 ساۋىردەن باستاپ قوسا العاندا 2018 جىلعى 27 شىلدەگە دەيىن "QazaqBanki" اق-تىڭ (بۇدان ءارى - بانك) جەكە تۇلعالاردىڭ دەپوزيتتەرىن قابىلداۋعا, جەكە تۇلعالاردىڭ بانك شوتتارىن اشۋعا ليتسەنزياسى توقتاتىلا تۇرادى", - دەلىنگەن حابارلامادا.
بۇل شەشىمدى ۇلتتىق بانك بانكتىڭ بانكتىك زاڭناما تالاپتارىن جەكەلەگەن بۇزۋشىلىقتارىنا قاداعالاۋشىلىق رەتتەۋ شەڭبەرىندە جانە "قازاقستان رەسپۋبليكاسىنداعى بانكتەر جانە بانك قىزمەتى تۋرالى" قازاقستان رەسپۋبليكاسى زاڭىنىڭ 48-بابىنىڭ 1-تارماعى ۆ) جانە گ) تارماقشالارىندا كوزدەلگەن نەگىزدەر بويىنشا, تولەم جانە اۋدارىم وپەراتسيالارى بويىنشا شارتتىق مىندەتتەمەلەردى ۇنەمى (قاتارىنان كۇنتىزبەلىك ون ەكى اي ىشىندە ءۇش جانە ودان كوپ رەت) تيىسىنشە ورىنداماۋ جانە ۇنەمى (قاتارىنان كۇنتىزبەلىك ون ەكى اي ىشىندە ءۇش جانە ودان كوپ رەت) پرۋدەنتسيالىق نورماتيۆتەردى جانە (نەمەسە) باسقا ساقتالۋى مىندەتتى نورمالار مەن ليميتتەردى بۇزعانى ءۇشىن قابىلداعان.
سونىمەن قاتار, ليتسەنزيانىڭ جاڭا دەپوزيتتەردى تارتۋعا جانە جەكە تۇلعالاردىڭ جاڭا بانك شوتتارىن اشۋعا قاتىستى توقتاتىلا تۇرادى جانە بانكتىڭ قولدانىستاعى دەپوزيتتەرى مەن كليەنتتەرىنە قىزمەت كورسەتۋگە قاتىسى جوق ەكەنى ايتىلادى. 2018 جىلعى 1 ساۋىردەگى جاعداي بويىنشا بانك جەكە تۇلعالارىنىڭ قابىلدانعان دەپوزيتتەرىنىڭ كولەمى 41 ميلليارد تەڭگە بولعان. بانكتىڭ جەكە تۇلعالاردىڭ دەپوزيتتىك پورتفەلىنىڭ ۇلەسى بانك جۇيەسى بويىنشا جەكە تۇلعالاردىڭ دەپوزيتتەرىنىڭ جيىنتىق كولەمىنىڭ 0,5 پايىزى بولدى.