تابيعاتىنان قاھارمان ادام

جاسىراتىن نەسى بار, تاۋەلسىزدىكتىڭ العاشقى جىلدارىندا ەل ەرگە, ەر جەرگە قاراعان زامان بولعان. ءبىر قوعامدىق فورماتسيادان ەكىنشىسىنە اياق باسىپ, ەلەڭ-الاڭ زاماندا ازاتتىعىن العان قا­زاقستاننىڭ بولاشاق باعىتىنىڭ بۇ­لىڭ­عىر بولعانى دا تاريحي شىندىق. وسىنداي ساتتە مەملەكەت تىزگىنىن قو­لى­نا العان ەلباسى نۇرسۇلتان ءابىش ۇلى نازارباەۆ ەلدى اداستىرماي, تار جول, تايعاق كەشۋدە قالدىرماي, تۇمسىقتىعا شوقىتتىرماي, تىرناقتى مەن ازۋلىعا تالاتپاي سىندارلى ساتتەن امان الىپ شىقتى. امان الىپ شىقتى دەگەن ءان­شەيىن ءسوز. ەڭسەسى بيىك ەلدەردىڭ قاتارى­نا جەتەلەپ ءجۇرىپ قوستى. ايتۋعا وڭاي شىعار. بىراق تىعىرىق­تان شىعار جولدى تابۋ وڭاي شارۋانىڭ قاتارىنان ەمەس. كۇلتەگىن جازۋلارىندا ايتىلاتىنداي, ەلباسى «كۇن وتىرمادى, ءتۇن ۇيىقتامادى». قازاقستاندى الەم­نىڭ الدىڭعى قاتارلى ەلدەرىنىڭ قاتا­رى­نا قوسۋ ءۇشىن, ەلىنىڭ وركەندى وزگەرىس­تەر­گە جەتۋى ءۇشىن, حالقىنىڭ باي-باقۋاتتى ءومىر ءسۇرۋى ءۇشىن بويىنداعى بار قاجىر-قايراتىن, ءبىلىمى مەن بىلىگىن, ىسكەرلىگىن, ۇيىمداستىرۋشىلىق قابىلەتىن, كورە­گەن­دىگىن, كوسەمدىگىن جۇمسادى. ەل ىسىندە ەلباسىنىڭ ايانىپ قالعان كەزى جوق. ازاتتىقتىڭ العاشقى جىلدارىندا-اق سەمەي پوليگونىن جاۋىپ, قولداعى قۋاتتى اتوم ارسەنالىنان باس تارتىپ, بەيبىت جولدىڭ داڭعىلىن سالۋى ەلبا­سى­نىڭ كورەگەن شەشىمدەرىنىڭ بىرەگەيى ەدى. ول كىسى وسى ارقىلى الەمدى بەيبىتشىلىككە شاقىردى. سول سارا جولىنان ءالى كۇنگە ءبىر مىسقالعا دا تايعان ەمەس. ەلىمىزدە ءارتۇرلى ءدىن وكىلدەرىنىڭ باس قوسۋى, مەملەكەتىمىزدى مەكەن ەتكەن 130 ۇلت پەن ۇلىستىڭ تاتۋ-ءتاتتى ءومىر ءسۇرىپ جاتۋى, ەۋروپاداعى قاۋىپسىزدىك جانە ىنتىماقتاستىق ۇيىمىنا توراعالىعى­مىز, استانا ءسامميتىنىڭ ءوتۋى  ەلبا­سىنىڭ دارا ساياساتىنىڭ ارقاسى. الەم نازارباەۆتاي كوشباسشىنىڭ سوزىنە قۇلاق تۇرەدى. ول كىسىمەن ساناسادى. سول ارقىلى قازاقستاندى دا قۇرمەتتەيدى. نۇرسۇلتان ءابىش ۇلى نازارباەۆ تا­بيعاتىنان قاھارمان ادام. قازاقستاندى قۋاتتى مەملەكەتكە اينالدىرعانى دا وسى قاھارماندىعى دەر ەدىم. ەل ەلباسىنىڭ قاھارماندىعىن باياعىدان ايتىپ كەلەدى. ال تاۋەلسىزدىكتىڭ 20 جىل­دىعى قارساڭىندا ەلباسىعا «حا­لىق قاھارمانى» اتاعىنىڭ بەرىلۋى – حالىقتىڭ قالاۋى. بۇل – وتە ادىلەتتى ءارى تاريحي شەشىم. داريحا اقماعانبەتوۆا, «قىزىلوردا وبلىستىق ازاماتتىق اليانس» قاۋىمداستىعىنىڭ ءتورايىمى.