كەنشىلەر استاناسىندا ءححىى «جاس قانات» جاس ورىنداۋشىلار جانە شوۋ-باعدارلاما جۇرگىزۋشىلەرىنىڭ وبلىستىق بايقاۋى ءوتتى. بيىلعى جىلى ول استانانىڭ 20 جىلدىعىنا جانە جەرگىلىكتى «سارىارقا» تەلەارناسىنىڭ 60 جىلدىعىنا ارنالدى.
ونەر جارىسىندا قاراعاندى, جەزقازعان, بالقاش, ساتباەۆ قالالارىنان, بۇقار جىراۋ, جاڭاارقا, قارقارالى, وساكاروۆ, شەت جانە ۇلىتاۋ اۋداندارىنان 20 ۆوكالشى مەن 9 شوۋ-باعدارلاما جۇرگىزۋشىسى باق سىنادى. بيىل بايقاۋدىڭ تاريحىندا تۇڭعىش رەت قازىلار القاسى اۋداندارعا شىعىپ, بايقاۋعا قاتىسۋشىلاردىڭ ىرىكتەۋ تىڭداۋلارىن وتكىزگەن بولاتىن.
كونكۋرس قورىتىندىسىندا «ەسترادالىق ۆوكال» اتالىمىندا گران-پري جۇلدەسىن ەلامان ماجەنوۆ جەڭىپ الدى. ءبىرىنشى ورىنعا اسەت جاباەۆ يە بولسا, ەكىنشى جۇلدە تەمىرلان بورانباەۆ پەن اقجول امىرحانعا ءبولىنىپ بەرىلدى. ال جۇلدەلى ءۇشىنشى ورىنعا ديانا بەكمۇرزاەۆا, تىلەك ماعۇلوۆ جانە انار تاجەنتاەۆا لايىقتى دەپ تانىلدى. «استانا تۋرالى ۇزدىك ءان» اتالىمىندا «حان ءتاڭىرى» توبى ۇزدىك شىقتى.
«شوۋ-باعدارلاما جۇرگىزۋشىسى» سىناعىندا قازىلار القاسى جەڭىستى بۇلبۇل بەردىقۇلوۆاعا بەردى. «جاس قانات» بايقاۋىنىڭ وبلىستىق كەزەڭىندە توپ جارعان جەڭىمپاز استانا قالاسىندا وتەتىن رەسپۋبليكالىق كونكۋرستا قاراعاندىنىڭ نامىسىن قورعايتىن بولادى.
قايرات ءابىلدا, «ەگەمەن قازاقستان»
قاراعاندى