حالقىمىزدا «ەل ءۇمىتىن ەر اقتار, ەر اتاعىن ەل ساقتار» دەگەن بار. مۇنى تۇڭعىش پرەزيدەنتىمىز نۇرسۇلتان نازارباەۆتىڭ تاۋەلسىز قازاقستاندى الەمدەگى ەڭ قۋاتتى مەملەكەتتەر قاتارىنا ەنگىزۋدەگى ەڭبەگىنە بايلانىستى ايتۋعا بولادى. وسىدان 20 جىل بۇرىن ەلى سەنگەن ەلباسى سايلاۋىندا نۇرسۇلتان نازارباەۆقا رەسپۋبليكا جۇرتشىلىعى ۇلكەن ۇمىتپەن داۋىسىن بەرگەن ەدى. سودان بەرگى كەزەڭدە ءتاۋەلسىز ەلىمىزدىڭ ەكونوميكاسىندا جىلما-جىل ءوسىم بايقالىپ كەلەدى. توز-توزى شىعا جازداعان اۋىل شارۋاشىلىعىنىڭ تامىرىنا بۇلكىلدەپ قان جۇگىردى. يگەرىلۋى وزىمىزگە قيىن سوعاتىن ءىرى مۇناي كەنىشتەرى شەتەلدىك ينۆەستيتسيانىڭ سالىنۋىمەن ەل يگىلىگىنىڭ قاجەتىنە جاراي باستادى. باسەكەگە قابىلەتتى وتاندىق ونىمدەر ءوندىرىلىپ, بۇرىن-سوڭدى ءوڭىمىز ءتۇگىلى تۇسىمىزگە كىرمەگەن ەرەن ىستەر اتقارىلىپ جاتىر.
ارينە, كەزىندە قازاقستان تاۋەلسىزدىگىنە كۇمانمەن قاراپ, كەلەشەگىنە وڭ تىلەۋلەستىك تانىتقىسى كەلمەگەن ەلدەردى دە بىلەمىز. ويتكەنى, ولار وزدەرىندە نۇرسۇلتان نازارباەۆتاي ەلدىڭ بولاشاعىن ارىدەن ويلايتىن, سوعان وراي تىڭ رەفورمالاردى تاباندىلىقپەن قولعا الاتىن باتىل باسشىسى بولماعاننان كەيىن قازاقستاننىڭ الداعى كۇندەرىنە قىزعانىشپەن قاراعان شىعار. تاۋەلسىزدىك جىلدارىندا «الدىمەن – ەكونوميكا...» قاعيداسىن ۇستانعان پرەزيدەنتىمىز ۇلتتىق ەكونوميكانىڭ سان سالاسىن وركەندەتۋمەن بىرگە, مادەنيەتكە, الەۋمەتتىك سالاعا بارىنشا قولداۋ ءبىلدىردى. ءوزىم كوپ جىل ەڭبەك سىڭىرگەن مادەنيەتكە قاتىستى ايتار بولسام, «ءمادەني مۇرا» مەملەكەتتىك باعدارلاماسىنىڭ ىسكە اسىرىلۋى ۇلتتىق مادەنيەتىمىز بەن ونەرىمىزدى بيىككە كوتەرگەن وڭ قادام بولعانى داۋسىز. وسى باعدارلاما اياسىندا قانشاما جاۋھار دۇنيەلەرىمىزدى جاس ۇرپاقتىڭ ساناسىنا سىڭىرە الدىق! بۇل كۇندەرى قازاقستاندى الەم ەلدەرى ەكونوميكاسى قۋاتتى مەملەكەت رەتىندە عانا ەمەس, مادەنيەتى مەن ونەرىنىڭ كوكجيەگى كەڭىگەن ەل رەتىندە تانيدى.
جانە ءبىر ايتپاۋعا بولمايتىن ءجايت, ءبىزدىڭ ەلىمىزدە 130-دان استام ۇلتتىڭ وكىلى تۇرادى. وسىنشاما ۇلت وكىلدەرى قازاقستان دەگەن قاراشاڭىراقتىڭ استىندا تاتۋلىقتىڭ, ىنتىماق پەن بىرلىكتىڭ ۇلگىسىن كورسەتىپ كەلەدى. تۇڭعىش پرەزيدەنتىمىز الەمنىڭ ءار قيىرىنا ءار ءتۇرلى سەبەپتەرمەن تارىداي شاشىلعان باۋىرلارىمىزدى اتامەكەن توپىراعىنا شاقىردى. وزگە ەلدە سۇلتان بولعاننان گورى ءوز ەلىندە ۇلتان بولۋدى كوزدەپ ورالعان قانداستارىمىزعا مەملەكەت تاراپىنان قولداۋ كورسەتتى. الەمدەگى بىردە-ءبىر ەل ءدال قازاقستانداي, ءدال نۇرسۇلتان نازارباەۆتاي تاريحي وتانىنا اڭساپ جەتكەن قانداستارىنا قولداۋدى دا, كومەكتى دە بەرە العان جوق.
مىنە, وسىنىڭ ءبارى – ەلىنىڭ باقۋاتتى تۇرمىسى مەن كەمەل كەلەشەگى, حالقىنىڭ نامىسى مەن ابىرويى ءۇشىن ەمىرەنە ەڭبەك ەتكەن ەردىڭ – تۇڭعىش پرەزيدەنتىمىز نۇرسۇلتان نازارباەۆتىڭ ەرلىككە پارا-پار ەڭبەگىنىڭ جەمىسى! ەلىن سۇيگەن ەردىڭ ەرەن ەڭبەگى لايىقتى باعاسىن الۋى ءتيىس. وسى تۇرعىدان ايتقاندا, نۇرسۇلتان نازارباەۆقا ەڭ لايىقتى ماراپات – «حالىق قاھارمانى» اتاعى. بەيبىت ءومىرىمىزدىڭ كەپىلى بولا العان نۇرسۇلتان نازارباەۆتىڭ اركەز تاۋەلسىز ەلىن بيىك بەلەستەرگە باستاي بەرگەنىن قالايمىز. الار ماراپاتىڭىز قۇتتى بولسىن, تاۋەلسىز قازاقستاننىڭ الەمدەگى مەرەيىن تاسىتىپ, ابىرويىن كوتەرگەن نۇرسۇلتان ءابىش ۇلى!
ناريمان ۇلكەنباي ۇلى, قازاقستان رەسپۋبليكاسىنىڭ مادەنيەت قايراتكەرى.
اتىراۋ وبلىسى.