شىمكەنت قالاسى تۇلپار مولتەك اۋدانىندا بوي كوتەرگەن «تۇلپار» تۇرعىن ءۇي كەشەنىندە 3 قاباتتى كوپپاتەرلى ەكى تۇرعىن ءۇي پايدالانۋعا بەرىلدى. Oڭتۇستىكقازاقستاندىق 72 وتباسى «نۇرلى جەر» باعدارلاماسى بويىنشا باسپانالى بولدى.
تۇرعىن ۇيلەر «نۇرلى جەر» تۇرعىن ءۇي قۇرىلىسى باعدارلاماسى شەڭبەرىندە «سامۇرىق قازىنا» اق-ى جانە «اقمويناق» جشس-ءى قاراجاتتارى ەسەبىنەن بىرلەسىپ سالىندى. جالپى اتالعان تۇرعىن ءۇي كەشەنىندە 3 قاباتتى 36 پəتەرلى ەكى ءۇي, 5 قاباتتى 48 پəتەرلى ەكى تۇرعىن ءۇي بوي كوتەرگەن.
- ەلباسىنىڭ «پرەزيدەنتتىڭ بەس الەۋمەتتىك باستاماسى» اتتى ۇندەۋى بويىنشا وبلىستا اۋقىمدى جۇمىستار اتقارىلۋدا.ۇندەۋدىڭ ءبىرىنشى باعىتى «7-20-25» باعدارلاماسىن وڭىردە جۇزەگە اسىرۋ ءۇشىن جەكە سالۋشىلار ارقىلى 104 كوپقاباتتى تۇرعىن ءۇيدىڭ قۇرىلىسى جۇرگىزىلۋدە. ونىڭ ىشىندە 16 تۇرعىن ءۇي جىل قورىتىندىسىمەن پايدالانۋعا بەرىلىپ, بارلىق پاتەرلەردى «7-20-25» باعدارلاماسى ارقىلى تاراتۋ كوزدەلۋدە»,-دەدى پاتەرلەر كىلتى تابىس ەتىلگەن سالتاناتتى شاراعا قاتىسقان وبلىس اكىمى ج.تۇيمەباەۆ.
جەكە ينۆەستورلار بۇگىندە بەس الەۋمەتتىك باستامانى جۇزەگە اسىرۋ شەڭبەرىندە تۇرعىن ءۇي قۇرىلىسىن سالۋعا قىزىعۋشىلىق تانىتۋدا. ءساۋىر ايىندا قۇنى 7,9 ملرد.تەڭگە بولاتىن 14 كوپقاباتتى تۇرعىن ءۇي (768 پاتەر, 53,2 مىڭ ش.م.) قۇرىلىسىنا ەكىنشى دەڭگەيلى بانكتەن نەسيە العان جەكە قۇرىلىس سالۋشىعا وڭىرلىك ۇيلەستىرۋ كەڭەسىنىڭ شەشىمىمەن 7 پايىزدىق سۋبسيديا بەرۋ قولداۋ تاپتى. اتالعان تۇرعىن ءۇي قۇرىلىسى بيىل پايدالانۋعا بەرىلەدى.
ەركىن دوسىمباي,
وڭتۇستىك قازاقستان وبلىسى