ەلگە ورتاق قۋانىش

قازاقتا: «ازاماتىنا قاراپ ەلىن تانى» دەگەن قاناتتى ءسوز بار. وسى ءسوزدىڭ ءتۇپ-توركىنىندە ءبىر ۇلكەن سالماق جاتقانداي عوي. قازاقستان پارلامەنتى سەناتى دەپۋتاتتارىنىڭ پرەزيدەنتىمىز نۇر­سۇلتان نازارباەۆقا ەڭ جو­عا­رى مەملەكەتتىك اتاق بەرۋ ءجونىن­دەگى شەشىمىن ەستىگەندە توبەم كوككە ەكى ەلى جەتپەدى. ەڭبەگى زور ەلباسىعا بۇكىل حالىق بولىپ قۇرمەت كورسەتۋ قازىرگى كەزەڭدە وتە قاجەتتى ءىس ءارى مىندەت دەر ەدىم. اۋمالى-توكپەلى زاماننىڭ قيىنشىلىعىن كوپ كورگەن مەملەكەتتەردىڭ ءبىرى – قازاق ەلى. 1991 جىلعى تاريحي كەزەڭدە, كەڭەس وكىمەتى كۇيرەپ, كىندىگى ءبىر بولعان ەلدەر تار جول, تايعاق كەشۋدە شالىنىپ-ءسۇرىنىپ, ءب ۇلىنىپ جاتقاندا, كەمەڭگەر باسشىمىز نۇرسۇلتان نازارباەۆ سول ءبىر قاراڭعى تۇنەكتەن حالقىمىزدى اداستىرماي, قاتارىمىزدى سيرەتپەي الىپ شىققان ەرەن ەر بولدى. ەندەشە, وسىنداي ازاماتقا ءبىزدىڭ دە قارىزىمىز بار ەكەنىن ۇمىت­پاعانىمىز ابزال. استانا بوي كوتەرىپ, قازاقتىڭ وي-ءورىسى بىرگە ءوستى, كوڭىلى شالقىپ شات-شادىمان جاقسى ءومىردى با­سى­نان كەشىپ جاتىر. تاريحي تۇل­عانىڭ ۇلى قاسيەتتەرىن دەر كەزىندە باعالاساق, ءبىزدىڭ دە باعامىز جوعارى بولادى. قازاق حالقى وسىنداي ازاماتتارىمەن ءوزىن وسى قوعامنىڭ بيىكتەگى ورتاسىنان كو­رىپ وتىر. قۋانىشىمىز ءاردايىم ۇزاق, ىنتىماقتاستىعىمىز جۇرت قىزىعاتىنداي اسەم بولسىن. استاناعا ىرگەلەس جاتقان اۋدان ورتالىعى – اقمول مەن قوسشى اۋىلدارى جىلما-جىل ادام تا­نى­مايتىنداي وڭ وزگەرىستەرگە ەنىپ كەلەدى. سالىنعان كوپقا­بات­تى ۇيلەر, بالاباقشالار مەن مەكتەپتەر جۇرتتىڭ يگىلىگىنە جاراپ جاتىر. بيىلدىڭ وزىندە وسى ەلدى مەكەندەردە جانە قابانباي باتىر اۋىلىندا جاڭا ەڭسەلى بالا­باقشالار تاپسىرىلماق. بۇل – ەگەمەندى ەلىمىزدىڭ 20 جىلدىق تويىنا جاسالعان تارتۋ. وتكەن جىلى تسەلينوگراد اۋدانىنىڭ ورتالىعى – اقمولعا نۇرسۇلتان نازارباەۆ ارنايى كەلىپ, ءتۇيىنى كۇردەلى كوپتەگەن ماسە­لەلەردى وڭتايىنان شەشىپ بەردى. جول, ەلەكتر قۋاتى, تەلەفون باي­لا­نىسى مەن تۇرعىن ءۇي قۇرى­لىس­تارى كەڭىنەن قانات جايدى. بۇل ءبىزدىڭ اۋدانىمىزدىڭ تۇرعىن­دارى­نا ەرەكشە ءبىر سىي بولدى. سون­دىقتان, ءبىزدىڭ ەلدىڭ نۇر­سۇل­تان ءابىش ۇلىنا ايتاتىن العىسى شەكسىز. مەن ءوزىم وسى قۋانىشىمدى ەلمەن بىرگە ءبولىسىپ وتىرمىن. ەڭبەگىڭىز جەمىستى بولسىن, قادىرلى ەلباسى! راۋزا دۇيسەمبەكوۆا. اقمولا وبلىسى, تسەلينوگراد اۋدانى.