فۋتبولدان مىسىر قۇراماسىنىڭ جانە «ليۆەرپۋل» كلۋبىنىڭ جارتىلاي قورعاۋشىسى موحامەد سالاح فۋتبولدان انگليا پرەمەر-ليگاسىنىڭ وسى ماۋسىمداعى ەڭ ۇزدىك فۋتبولشىسى دەپ تانىلدى.
«ليۆەرپۋل» فۋتبول كلۋبىنىڭ قۇرامىنا 2017 جىلى قوسىلعان موحامەد سالاح كوماندا ساپىندا 33 ماتچ وتكىزىپ, 31 مارتە گول سالسا, 9 رەت ارىپتەستەرىنە ناتيجەلى پاس اسىرعان. «بۇل مەن ءۇشىن ۇلكەن ماقتانىش. مەن بۇل ماۋسىمدا وتە كوپ ەڭبەك ەتتىم. وسىنداي ماراپات العانىما قۋانىشتىمىن», دەيدى سالاح.
موحامەد سالاحتان بولەك بۇل اتاققا كەۆين دە بريۋينە, داۆيد دە حەا (ەكەۋى دە «مانچەستەر يۋنايتەد»), حارري كەين («توتتەنحەم»), لەروي سانە جانە داۆيد سيلۆا (ەكەۋى دە «مانچەستەر سيتي») سىندى فۋتبولشىلار ۇمىتكەر اتانعان ەدى.
«اك بارس» گاگارين كۋبوگىن يەلەندى
قۇرلىقتىق حوككەي ليگاسىنىڭ 2017/2018 ماۋسىمىنىڭ فينالىنا ماسكەۋدىڭ تسسكا كلۋبى مەن قازاننىڭ «اك بارس» حوككەي كوماندالارى شىققان بولاتىن.
گاگارين كۋبوگىن يەلەنۋ ءۇشىن كوماندالارعا 4 جەڭىس قاجەت ەدى. ناتيجەسىندە «اك بارس» 4:1 ەسەبىمەن باسىم ءتۇسىپ, گاگارين كۋبوگىنىڭ جەڭىمپازى اتاندى. سونداي-اق گاگارين كۋبوگىن ءوز قانجىعالارىنا ءۇشىنشى رەت بايلاپ وتىر. مۇنداي تابىسقا ازىرشە باسقا كوماندالار قول جەتكىزە قويعان جوق. العاشقى ەكى ويىندا «اك بارس» جەڭىسكە جەتسە, ءۇشىنشى ويىندا تسسكا بۋلليتتەن باسىم ءتۇستى. ال كەيىنگى ەكى ماتچتا دا قازاننىڭ كومانداسى وزدەرىنىڭ جەڭىسكە لايىق ەكەندەرىن كورسەتتى.
بيىلعى ماۋسىمنىڭ قورىتىندىسى بويىنشا «شىعىس» كونفەرەنتسياسى جەڭىسكە جەتتى. فينالعا دەيىن جەتكەن «اك بارس» قحل-ءدىڭ پلەي-وفف كەزەڭىندە «امۋر», «مەتاللۋرگ» جانە «تراكتور» كوماندالارىمەن كۇش سىناسىپ, باسىم تۇسكەن بولاتىن. ايتا كەتەيىك, «اك بارس» 2009 جىلى گاگارين كۋبوگىنىڭ تۇڭعىش جەڭىمپازى اتانعان-دى. 2010 جىلى ەكىنشى رەت قۇرلىقتىق حوككەي ليگاسىنىڭ باس جۇلدەسىن يەلەنگەن.
ءۇندىستان جازعى وليمپيادا وتكىزۋگە نيەتتى
ءۇندىستاننىڭ وليمپيادا اسسوتسياتسياسىنىڭ باسشىسى ناريندەر باترانىڭ ايتۋىنشا, مەملەكەت 2032 جىلعى جازعى وليمپيا ويىندارىن وتكىزۋ ءۇشىن حالىقارالىق وليمپيادا كوميتەتىنە ءوز وتىنىشتەرىن بەرمەك, دەپ جازادى Inside The Games باسىلىمى.
ء«بىز 2026 جىلى جاسوسپىرىمدەر اراسىنداعى وليمپيا ويىندارىن, 2030 جىلى ازيا ويىندارىن جانە 2032 جىلى وليمپيادانى ءوز ەلىمىزدە وتكىزۋ ءۇشىن جاقىن ارادا ۇسىنىسپەن شىعامىز. ءبىز جەڭىپ شىعاتىنىمىزدى نەمەسە جەڭبەيتىنىمىزدى بىلمەيمىن, بىراق وسىنداي ءىرى دودالاردى وتكىزۋگە ارقاشان دايىن ەكەنىمىزدى ايتقىمىز كەلەدى», دەيدى باترا.
ءۇندىستاننىڭ وليمپيا ويىندارىن وتكىزۋگە نيەتتى ەكەنىن ەستىگەن حوك پرەزيدەنتى توماس باح تاڭدانىسىن بىلدىرگەن.
دايىنداعان
ءالي بيتورە, «ەگەمەن قازاقستان»