قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ تاۋەلسىزدىكتىڭ ءتاڭسارى شاعىنان باستاپ ەكونوميكادا بولسىن, ساياساتتا بولسىن, الەۋمەتتىك سالادا بولسىن قازاقستاننىڭ وزگەلەرگە ۇلگى بولاتىنداي دەڭگەيدە دامۋىنا بەرىك نەگىز قالادى. مەملەكەت باسشىسىنىڭ تىكەلەي باسشىلىعىمەن «قازاقستان-2030» ستراتەگيالىق باعدارلاماسى قابىلدانىپ, ەلىمىزدىڭ ۇزاق مەرزىمدى دامۋ جولىن الدىن الا بەلگىلەپ الدىق. وسىنىڭ ناتيجەسىندە قازاق ەلى ەكونوميكالىق رەفورمالاردى جۇزەگە اسىرۋدا كەشەگى كەڭەستىك كەڭىستىكتەگى رەسپۋبليكالاردىڭ الدىن وراپ, ۇستانعان ەكونوميكالىق مودەلىمىز كەيىنگى ەلدەرگە ۇلگى-ونەگە رەتىندە ۇسىنىلىپ وتىر.
ماسەلەن, وتانىمىز الەۋمەتتىك سالادا اۋىز تولتىرىپ ايتارلىقتاي رەفورمالاردى ءساتتى جۇرگىزىپ, سونىڭ ارقاسىندا ەل حالقىنىڭ ءال-اۋقاتى جوعارى دەڭگەيگە كوتەرىلدى. ساياسات سالاسىندا دا دەموكراتيا قۇندىلىقتارىنا سايكەس جاڭعىرتۋلار جۇزەگە اسىرىلىپ, بۇل تۇرعىدا دا جەتىستىكتەرىمىز بار دەپ نىق سەنىممەن ايتا الامىز. مىنە, وسى ايتىلعانداردىڭ بارلىعى بىلىكتى باسشى, كورەگەن ساياساتكەر نۇرسۇلتان نازارباەۆتىڭ ەرەن ەڭبەگىنىڭ ناتيجەسىندە جۇزەگە اسقان شارۋالار.
ويىمدى ءتۇيىپ ايتسام, حالىقتان شىققان قايراتكەر, تاۋەلسىز قازاقستاننىڭ نەگىزىن قالاۋشى الەم تانىعان تۇلعا بۇگىندە قانداي قۇرمەتكە دە, قانداي اتاققا دا لايىق. سوندىقتان ۇكىمەت باستاپ, پارلامەنت سەناتىنىڭ دەپۋتاتتارى قوستاپ, نۇرسۇلتان نازارباەۆقا «حالىق قاھارمانى» اتاعىن بەرۋ تۋرالى ءتيىستى زاڭدارعا تولىقتىرۋ ەنگىزىلۋىن جانە وسىعان سايكەس وڭ شەشىم قابىلدانۋىن ەلىن سۇيگەن ەردىڭ ەڭبەگىن ءوز دەڭگەيىندە باعالاۋ دەپ بىلەمىن.
عالىمبەك ايتمۋرزين, مال دارىگەرى.
استانا.