نۇرسۇلتان نازارباەۆ – ءبىر ۇلتتىڭ, ءبىر مەملەكەتتىڭ تاعدىرىن عانا ويلايتىن جان ەمەس. الەمنىڭ قاۋىپسىزدىگىنە, مىنا جەر اتتى پلانەتانىڭ اماندىعىنا, ۇلتتار مەن ۇلىستاردىڭ تاعدىرىنا ەرەكشە الاڭداپ, دۇنيەجۇزىلىك مىنبەرلەردە ءوزىنىڭ ازاماتتىق پوزيتسياسىن تانىتىپ كەلەدى.
پاتشالىق رەسەي, ودان كەيىن كەڭەس وداعى قازاقستاندى ءوزىنىڭ جامان ماقساتتارىنا قاتتى پايدالانىپ كەلدى. قازاق دالاسى يادرولىق قارۋلاردى سىناۋدىڭ الاڭىنا اينالدى. جەر جارىقتىق ىرىمتىك-ىرىمتىك بولىپ ەرىپ, سول ماڭايداعى ادامداردىڭ دەنساۋلىعىنا وشپەستەي جارا سالدى. مۇگەدەكتەر كوبەيدى. ەلدىڭ ەرتەڭى ب ۇلىڭعىر بولدى.
قازاقستان تاۋەلسىزدىك الىسىمەن-اق ەلباسىمىز اجال بۇرىككەن سەمەي پوليگونىنىڭ وقپانىنا سۋ قۇيدى, سىناق الاڭىن توقتاتتى. تەك قازاقستاندا عانا ەمەس, يادرولىق قارۋ سىنالاتىن بارلىق مەملەكەتتەردە دە وسىعان توقتاۋ ايتتى. نۇرسۇلتان نازارباەۆتىڭ بۇل يدەياسىن دۇنيە ءجۇزى حالقى قولداپ, كوپتەگەن پوليگوندار جۇمىسىن شەكتەدى.
وڭتۇستىك حالقى دا اتاقتى ۆيچ وشاعى پايدا بولعاندا ەلباسىعا دابىل قاعىپ ەدى. جۇزدەگەن كۇناسىز ءسابيدىڭ تاعدىرىنا الاڭداعان مەملەكەت باسشىسى شىمكەنتتە تمد-دا بالاماسى جوق قان ورتالىعىن سالعىزدى. بۇگىندە حالىق ەرتەڭى ءۇشىن الاڭدامايدى. وبلىس مەديتسيناسىندا تولاعاي جۇمىستار اتقارىلىپ جاتىر. ءبىرىنشى بايلىق – دەنساۋلىق. قازاقستان ازاماتتارى ساۋ-سالامات بولۋ ءۇشىن, ەرتەڭىمىز جارقىن بولۋى ءۇشىن بار كۇش-جىگەرىن جۇمساپ جۇرگەن ەلباسىمىزعا ەلىمىزدىڭ ەڭ جوعارى اتاعىن بەرۋ تۋرالى شەشىمدى وڭتۇستىك حالقى قۋانىشپەن قابىلدادى. “جاقسىنىڭ جاقسىلىعىن ايت, نۇرى تاسىسىن” دەگەن وسى شىعار.
سۇندەت راحىمبەرديەۆ, وبلىستىق قان ورتالىعىنىڭ ديرەكتورى, مەديتسينا عىلىمدارىنىڭ كانديداتى, دوتسەنت.
وڭتۇستىك قازاقستان وبلىسى.