ەۋرازيا كىندىگىندە ورىن تەپكەن الىپ ەل – قازاقستاننىڭ جەر استى قويناۋى قانشالىقتى باي بولسا, تاريحى دا سونشالىقتى تەرەڭ. بيىل ەل تاۋەلسىزدىگى 20 جىلدىق اسۋدان اساردا قاراپ باقساق, عاسىرعا بەرگىسىز جولدان ءوتىپپىز. ۇلتتىق ورلەۋدىڭ ۇلى كۇشى – تاۋەلسىزدىك ءبىزدىڭ حالىققا ۇلى جەڭىستەر اكەلدى.
ەڭ باستىسى – ەگەمەندىك الىپ, تاۋەلسىزدىك تۋى تىگىلگەلى وتانعا, ەلىن باسقارعان ەلباسىنا دەگەن ىستىق سەزىم, پاتريوتتىق رۋحتىڭ فيلوسوفيالىق تامىرى تەرەڭدەپ, ۇلكەن ماقتانىشقا ۇلاستى. بولاشاققا دەگەن سەنىم ارتتى. وسى ورايدا الەم مويىنداعان ماڭ دالانىڭ الەمدى مويىنداتقان دارا تۇلعاسى رەتىندە ەلباسى نۇرسۇلتان ءابىش ۇلى نازارباەۆقا «حالىق قاھارمانى» اتاعىن بەرۋ تۋرالى شەشىمدى ۇرپاقتان ۇرپاققا جالعاسقان ادامگەرشىلىك ىزگى قاسيەتتەردى وسكىندەر بويىنا ءسىڭىرتىپ, اتا-بابادان قالعان مول قازىنا, وشپەس مۇرانى دارىتىپ وتىرعان ورتا مەكتەپ, ءبىلىم مەكەمەلەرى ۇجىمدارى قولدايدى جانە اق نيەت, ىزگى تىلەكپەن قۇتتى بولسىن ايتادى.
ۇلتتىق رۋحاني تاربيە نارىمەن سۋسىنداعان بۇگىنگى ۇرپاق – كەلەشەكتى گۇلدەندىرىپ, تاۋەلسىز ەلدى نىعايتۋشى ۇرپاق. وسى جولدا ولار ءۇشىن پرەزيدەنت ءومىرى ۇلكەن ۇلگى-ونەگە. ياعني, ەل تاريحىنداعى ەلباسىنىڭ ەرەن ەڭبەگى ەركىن ەلدىڭ ەرتەڭى – جاس ۇرپاقتىڭ قاشاندا جول كورسەتەر باعدارشامى بولىپ قالا بەرەتىنى كۇمانسىز. قاھارمان حالىقتىڭ دانا ۇلىنا بەرىلمەك «حالىق قاھارمانى» جوعارى اتاعى بارشاڭىزعا قۇتتى بولسىن, اعايىن!
حابيبا ءابىلوۆا, ءبىلىم بەرۋ ءىسىنىڭ قۇرمەتتى قىزمەتكەرى.
پاۆلودار.