قىزىلوردا وبلىسىندا دالەلدەمەلەردى قولدان جاساعان بۇرىنعى پوليتسەي جاۋاپقا تارتىلدى.
قىزىلوردا وبلىسىنىڭ مامانداندىرىلعان اۋدانارالىق اكىمشىلىك سوتى پوليتسيا قىزمەتكەرىنە تاعىلعان ايىپ تولىقتاي دالەلدەنگەنىڭ ايتادى. ول ايەل كىسىگە كولىكتى ماساڭ كۇيدە جۇرگىزگەنى ءۇشىن ايىپپۇل سالعان. ونى زاڭسىز تۇردە ناركوديسپانسەرگە بارىپ تەكسەرىلۋگە ءماجبۇر ەتكەن.
«وعان قوسا كولىكتى بىرنەشە مەتر جەرگە دەيىن زاڭسىز جۇرگىزگەن. بويجەتكەننىڭ ۇستىنەن مامانداندىرىلعان اۋدانارالىق اكىمشىلىك سوتىنا ءىس تۇسىرگەن. نەگىزىندە قىز بالا ەسىك الدىنداعى كولىكتە قۇربىسىمەن اڭگىمەلەسىپ وتىرعان ەكەن. سوت قۇجاتتاردى ساراپتاي كەلە بويجەتكەننىڭ ەشقانداي كىناسى جوق ەكەنىنە كوز جەتكىزدى», دەيدى اكىمشىلىك سوت حابارلاماسىندا.
وبلىستىق پروكۋراتۋرا زاڭدى بەلىنەن باسىپ, بىلەرمەندىككە سالعان پوليتسەيدىڭ ۇستىنەن قىلمىستىق ءىس قوزعالۋعا شەشىم قابىلداپ, ول ءبىر جىلعا باس بوستاندىعىنان ايىرىلدى.
باقتيار تايجان,
«ەگەمەن قازاقستان»
قىزىلوردا وبلىسى