ماڭعىستاۋ وبلىسىندا جالپى ءبىلىم بەرەتىن ۇيىمدارىنىڭ 8-11 سىنىپ وقۋشىلارى اراسىندا ءى رەسپۋبليكالىق ء«ابىش وقۋلارى» بايقاۋى وتكىزىلدى.
بايقاۋ «يلليۋستراتسيالىق سۋرەتتەر», «مانەرلەپ وقۋ», «شىعارماشىلىق جۇمىس», «ساحنالىق قويىلىم» اتتى ءتورت باعىت بويىنشا ءوتىپ, 16 توپتا 160 وقۋشى قاتىستى.
كەلەسى كۇنى بايقاۋدىڭ قاتىسۋشىلارىنا ءا.كەكىلباەۆتىڭ تۋعان جەرىنە,
ونىڭ ىشىندە ءابىش كەكىلباەۆتىڭ اناسىنىڭ ەسكەرتكىشىنە زيرات ەتىلدى, وندى اۋىلىنىڭ مادەنيەت ءۇيىنىڭ ارتىستەرى تەاترلاندىرىلعان ءا. كەكىلباەۆتىڭ ومىرىنەن قويىلىم كورسەتتى, وندى ورتا مەكتەبىندەگى ءا. كەكىلباەۆ جانە شەتپە اۋىلىنداعى س. قوندىباەۆ اتىنداعى مەموريالدىق مۇراجايلارىنا, «وتپان تاۋ» تاريحي-مادەني كەشەنىنە ساياحات جاسالدى.
14 ءساۋىر كۇنى م.وسكىنباەۆ اتىنداعى وبلىستىق فيلارمونيادا «جۇزدەن جۇيرىك, مىڭنان تۇلپار» شىققان جەڭىمپازداردىڭ ماراپاتتاۋ ءراسىمى ءوتتى.
ءا.كەكىلباەۆتىڭ ۇرپاقتارى جانە اقىن, جازۋشى, دراماتۋرگ, ساۋلەتشى سايىن نازاربەك ۇلى قاتىسقان كوماندالاردى قۇتتىقتاپ, ماراپاتتادى.
ءا.كەكىلباەۆتىڭ شىعارمالارىنان «ساحنالىق قويىلىم» باعىتى بويىنشا ءى ورىندى اقتاۋ قالاسىنداعى نازارباەۆ زياتكەرلىك مەكتەبى, «يلليۋستراتسيالىق سۋرەت سالۋ» باعىتى بويىنشا ءى ورىندى باتىس قازاقستان وبلىسى تەرەكتى اۋداندىق لينگۆيستيكالىق گيمنازياسىنىڭ 9-سىنىپ وقۋشىسى ەسپولوۆا نازەركە, «زەردەلەۋ جوبا» باعىتى بويىنشا ءى-ورىن جامبىل وبلىسى تاراز قالاسى ايشا ءبيبى اتىنداعى ءبىلىم يننوۆاتسيالىق ليتسەيدىڭ 10-سىنىپ وقۋشىسى ابدىعاليقىزى مارجان, «مانەرلەپ وقۋ» باعىتى بويىنشا ء ى ورىن - قىزىلوردا وبلىسى № 244 ورتا مەكتەپتىڭ 8- سىنىپ وقۋشىسى بەرىكبول ۇلى ايبەك يەلەندى. كوماندالىق ورىن باعىتى بويىنشا ءى ورىندى جامبىل وبلىسى توبى جەڭىپ الدى.
گۇلايىم شىنتەمىرقىزى, «ەگەمەن قازاقستان»