...جاڭالىعىن جەتكىزەدى
كاسىپكەرلەر سپورت كەشەنىن سالىپ بەردى
تاۋەلسىزدىگىمىزدىڭ مەرەيلى مەرەكەسىنە وراي ماڭعىستاۋ اۋدانىنىڭ اقشىمىراۋ اۋىلىندا قارالدا بالۋان اتىنداعى جاڭا سپورتتىق كەشەن پايدالانۋعا بەرىلىپ, ەل-جۇرت ريزاشىلىققا بولەنگەن بولاتىن.
جاڭا نىساننىڭ جالپى كولەمى 1 200 شارشى مەتر. كاسىپكەرلەر قۇرىلىسىنا 30 ملن تەڭگەدەن استام قاراجات ءبولىپتى. ۆولەيبول, بوكس پەن قازاقشا كۇرەسكە ارنالعان زالدان باسقا جاتتىعۋ زالى دا قاراستىرىلعان. كيىم اۋىستىراتىن جانە جۋىناتىن بولمەلەرى بار.
جاسوسپىرىمدەردىڭ وسى ارمانىن جۇزەگە اسىرۋ ءۇشىن «جاڭا ادىم» قوعامدىق قايىرىمدىلىق قورى قۇرىلدى. كاسىپكەرلەردىڭ قولداۋىمەن جانە اۋىل تۇرعىندارىنىڭ اۋىزبىرشىلىگىنىڭ ارقاسىندا قارالدا بالۋان اتىنداعى زاماناۋي سپورتتىق كەشەن قۇرىلىسىن باستاۋ تۋرالى ءبىراۋىزدان شەشىم قابىلداندى. ەگەر تاعى دا دەمەۋشىلەر تابىلسا, دزيۋدو مەن سامبو سەكتسيالارىن اشپاقشى. قازىرگى تاڭدا ماڭعىستاۋ اۋدانىندا 3 مىڭنان استام ءجاسوسپىرىم سپورتپەن شۇعىلدانادى.
دۇيسەنبەك سادىعۇلوۆ ماڭعىستاۋ وبلىسى
...ۇسىنىس جاسايدى
استانامىزدىڭ مارتەبەسىن اسقاقتاتايىق
استانا قالاسى تاۋەلسىزدىگىمىزبەن بىرگە جاساپ, گۇلدەنگەن, ءسان-سالتاناتى جاراسقان الەمگە ايگىلى قالالاردىڭ قاتارىنا قوسىلدى. ەلباسىنىڭ تىكەلەي باسشىلىعىمەن ءارى قولداۋىمەن دۇنيەجۇزىلىك دەڭگەيدەگى ساليقالى جيىندار مەن فورۋمدار وسىندا ءوتىپ, قازاق ەلىنىڭ, ونىڭ استاناسىنىڭ مارتەبەسى ايداي الەمگە پاش ەتىلۋدە. ەلوردامىز ارقىلى الەم جۇرتشىلىعى تاۋەلسىز قازاقستاندى جاقىنىراق تانىپ, ەرەكشە قۇرمەتتەيتىن بولدى. وتانداستارىمىزدىڭ دا استاناعا دەگەن ىقىلاسى, سۇيىسپەنشىلىگى شەكسىز.
بىردە «ەگەمەن قازاقستان» گازەتىندە مىناداي ۇسىنىس جاساعان بولاتىنبىز: «بۇرىندارى الماتىعا جۇردەك پويىز كەلىپ جاقىنداعاندا ءبىز قازاقستان رەسپۋبليكاسىنىڭ استاناسىنا كەلدىك دەپ حابارلاما جاسالىپ, مەملەكەتتىك ءانۇران وينالاتىن. سول ءبىر ءسات كارىنىڭ دە, جاستىڭ دا جۇرەگىن ەرەكشە ءبىر اسەرگە بولەپ, قۋانىش سەزىمىنە بولەيتىن. ەندەشە بۇگىنگى استانامىزدىڭ دا مارتەبەسىن اسقاقتاتۋ ءۇشىن وسى ءبىر مەرەيلى ءراسىمدى قايتا جانداندىرۋ كەرەك سياقتى. بىزدىڭشە جاقسى نارسەنى جاڭعىرتقاننىڭ نەسى ايىپ. تاۋبە دەيىك, اللا بىزگە ۇنەمى جاقسىلىق بەرگەي».
ويىمىزدىڭ توبىقتاي ءتۇيىنى – استانا قالاسىن قازاق ۇلتىنىڭ برەندىنە اينالدىرۋ بۇكىل ەلىمىزگە دە, وسكەلەڭ ۇرپاققا دا ۇلگى-ونەگە بولار ەدى.
ايدوس ابۋتالىپ ۇلى, ەڭبەكشىلدەر اۋدانىنىڭ قۇرمەتتى ازاماتى
كوكشەتاۋ
...ءسۇيسىنىسىن بىلدىرەدى
كيەلى تاۋەلسىزدىك نۇرى
تاۋەلسىزدىك تاڭى اتقالى بەرى ءبىز كوپتەگەن جەتىستىكتەر مەن تالاي بەلەستەردى باعىندىرىپ, ەلەۋلى تابىستارعا قول جەتكىزدىك. ءبىزدىڭ الدىمىزدا ءالى دە جەڭىپ شىعار قيىندىقتار مەن باعىندىرار بيىك شىڭدار جەتەرلىك. اۋەلى بىزدەر سانالى دا تاربيەلى, ءبىلىمدى دە جىگەرلى بولعاندا عانا الدىمىزداعى سان تاراۋ جولدار مەن قامالداردى الىپ, بيىك ماقساتقا جەتە الامىز. ءاربىر ازامات ەلىنىڭ وتكەنىن ۇنەمى جادىندا ساقتاپ, ەرتەڭگى بولاشاعىنا سەنىممەن قادام باسۋى ءتيىس. ءبىلىم, ونەر قۋعان جاستارعا ەلىمىزدە ەش شەكتەۋ جوق. دەمەۋ بەرىپ, بولاشاقتا بىلىكتى مامان بولۋعا كومەك زور. وسىنىڭ بارلىعى – قازاقستاننىڭ تاۋەلسىز ەل بولۋى مەن ەلباسىمىزدىڭ كەمەڭگەر ساياساتىنىڭ ارقاسى. سوندىقتان بەرىلگەن بار مۇمكىندىكتى مولىنان پايدالانىپ, وتانىمىزعا ادال ەڭبەك ەتىپ, قازاقستاندى بيىككە جەتەلەيىك.
ايمان نازاربەكقىزى
قىزىلوردا وبلىسى,
جاڭاقورعان اۋدانى
...وي بولىسەدى
اق پەن قارا
اباي اتامىز بالاسى ءابدىراxماندى سىناۋ ءۇشىن «اق ءتۇس جاقسى ما, جوق الدە قارا ءتۇس جاقسى ما؟» دەپ سۇراپتى دەسەدى. ءابدىراxمان «اق ءتۇس» جاقسى دەگەندە, اباي اتامىز وعان قارسى شىعىپ: «قارا ءتۇس جاقسى. ادام بالاسى قايراتتى, كۇشتى, قۋاتتى كەزىندە شاشى قارا بولادى. جاس بالانىڭ شاشى اعارىپ كەتسە, وندا اسەمدىكتەن, ادەمىلىكتەن بەلگى دە قالمايدى. اق قاعازعا دا xات قارا سيامەن تۇسەدى. ادام بالاسى ءوزى ارداق تۇتقان قادىرلى زاتىن كوزىنىڭ قاراشىعىنداي ساقتايدى. سوندىقتان قارا ءتۇس جاقسى» دەگەن ىڭعايدا اڭگىمە ايتادى.
سوندا ءابدىراxمان: ء«سىز ونى قالاي ءبىلدىڭىز؟» دەپ سۇرايدى. اباي اتامىز: «مەن ونى اقىلىممەن, ميىممەن, ساناممەن ءبىلدىم» دەيدى. ءابدىراxمان: ء«سىز سول اقىل-وي مەن ساناڭىزدىڭ ءتۇسىن قانداي دەپ ويلايسىز؟» دەگەندە, اباي اتامىز: «اق قوي, اق» دەپ كۇلگەن ەكەن.
اق پەن قارا. ماڭگىلىك تەكەتىرەس. اڭىز اڭگىمە, ەرتەگىلەردە قارا ىلعي باسىمدىققا يە بولىپ كەلەدى دە, سوڭعى ساتتە اق ايتەۋىر جەڭىس تۇعىرىنا كوتەرىلەدى. ءمان بەرسەك, ادام بالاسى دا وسىنداي تەكەتىرەستى, قايشىلىقتى ءومىر كەشەدى. سول ارپالىسپەن ءومىر دە سوڭعى مەجەگە تايايدى. ءومىر اتتى مايداننان تاياعىنا سۇيەنگەن قاريا ءىلبي باسىپ شىعىپ كەلە جاتادى. بويىندا ءال دە, كۇش تە, قۋات تا قالماعان. بىراق, ساقال-شاشى اپپاق. دەمەك ول ءومىر مايدانىندا جەڭىسكە جەتتى. قارادان اقتىڭ ۇستەم تۇراتىنىن دالەلدەدى. الايدا قارتتىققا جاسالار قۇرمەتتە ونىڭ دارەجەسى مەن بايلىعى قاپەرگە الىنباۋى ءتيىس. دىنىمىزدە جاسى كەلگەن ادامعا ونىڭ كىم بولعانىنا قاراماستان قۇرمەت كورسەتىلەدى.
ء يا, ءبىز دە قارتتارىمىزدى قازىنا كورىپ, قۇرمەتتەيمىز. ءبىزدىڭ اق شاشتى كۇمىسكە بالايتىنىمىز بار. شىنتۋايتىنا كەلگەندە ول – نۇر عوي. اللانىڭ نۇرى. قارتتاردىڭ قازىنا بولاتىندىعى سوندىقتان.
قۇديار ءبىلال
...ۇلگى تۇتادى
شاراپاتتى جاندار كوبەيە بەرسىن
وكiنiشكە قاراي كەيبiر بالادا اقىل-وي سەزiمi دامىماي قالادى. وعان تۇقىم قۋالاۋشىلىق, قورشاعان ورتانىڭ ەكولوگيالىق اسەرi, وتباسىنىڭ الەۋمەتiك جاعدايى سىندى سەبەپتەر اسەر ەتەدi. سوڭعى مالiمەتتەرگە قاراعاندا, ەلiمiزدە 140 مىڭنان استام مۇمكiندiگi شەكتەۋلi بالا ءومiر سۇرەدi ەكەن. ولاردىڭ 74 مىڭى – مۇگەدەك. مۇنداي بالالار ەلiمiزدiڭ بارلىق ايماعىندا بار.
الماتى قالاسىنىڭ جەتiسۋ اۋدانىندا كەمتار بالالار مەن 18 جاستان اسقان مۇگەدەكتەرگە الەۋمەتتiك كومەك بەرۋ شارالارى جۇيەلi تۇردە ۇيىمداستىرىلىپ تۇرادى. بۇل ماسەلەنi جۇمىسپەن قامتۋ جانە الەۋمەتتiك باعدارلامالار ءبولiمi اتقارادى. ءبولiم قىزمەتكەرلەرi قوعام نازارىن اۋدارۋ ءۇشiن دەمەۋشiلەر iزدەيدi, ءتۇرلi مەكەمەلەرگە حات جازىپ, يگiلiكتi iسكە مۇرىندىق بولۋعا شاقىرادى. قۋانىشتىسى, سوڭعى جىلدارى كەمتار بالالارعا كومەك قولىن سوزعان جاندار قاتارى ارتىپ كەلەدi. ال اتىن اتاماۋدى وتiنەتiن, مۇمكiندiگi شەكتەۋلi بالالارعا جاساعان كومەگiن دابىرا قىلعىسى كەلمەيتiن كەڭپەيiل ادامدار قانشاما! ولارعا جاراتقاننىڭ نۇرى جاۋسىن دەيمiز. ويتكەنi مۇگەدەكتi مۇسiركەۋ – ساۋاپ. شاراپاتتى جاندار كوبەيگەن سايىن مۇگەدەكتiڭ دە مۇڭى سەيiلە بەرەدi.
باعدات ەسەەۆا, الەۋمەتتiك قىزمەتكەر
الماتى