دۇنيەجۇزىلىك ساياحاتتار سايتى TripAdvisor «ەير استانانى» Travelers’ Choice Awards 2018 سىيلىعىنىڭ «ايماقتىق ازيا تاسىمالداۋشىسى» اتالىمىندا جەڭىمپاز دەپ جاريالادى.
ساياحاتتاۋشىلار بورتتاعى قىزمەت كورسەتۋدى, سالونداعى تازالىقتى, تاماق پەن سۋسىنداردى, كرەسلولار جايلىلىعىن, كرەسلو اراسىنداعى قاشىقتىعى, باعا مەن ساپانىڭ ۇزدىك ارا قاتىناسىن, تىركەۋدى جانە كومپانيانىڭ ويىن-cاۋىق جۇيەسىن جوعارى باعالادى. ۇزدىك تاسىمالداۋشىلار 2017 جىلعى اقپاننان 2018 جىلعى اقپانعا دەيىن الەم بويىنشا كورسەتىلگەن رەيتينگ پەن پىكىرلەر سانى مەن ساپاسىن ەسكەرەتىن الگوريتم بويىنشا انىقتالعان.
ء«بىزدىڭ اۋەكومپانيا سەرۆيستىڭ ەڭ جوعارى ستاندارتتارىنا ۇزدىكسىز ۇمتىلادى جانە مەن «ەير استانا» وسى ماراپاتتىڭ يەگەرى بولعانىنا باقىتتىمىن, – دەدى كومپانيا پرەزيدەنتى پيتەر فوستەر. – مەن TripAdvisor سايتىندا ءبىزدىڭ رەيسپەن ۇشقاننان كەيىن پىكىر قالدىرعان ءاربىر جولاۋشىمىزعا شىن جۇرەكتەن العىس ايتقىم كەلەدى جانە ودان ارعى قولداۋىنا سەنىمدىمىن».
«ەير استانا» جۇيەلى تۇردە رەيستەردى ورىنداۋدى 2002 جىلدىڭ 15 مامىرىندا باستادى جانە قازىر 60-تان استام حالىقارالىق جانە ىشكى رەيستەردەن تۇراتىن مارشرۋتتىق جەلىگە يە. كومپانيانىڭ فلوتى Boeing 767-300ER, Boeing 757-200, Airbus A320 جانە Embraer E190 ۇشاقتارىنان تۇرادى. «ەير استانا» تمد جانە شىعىس ەۋروپا ەلدەرىندەگى تاسىمالداۋشىلاردىڭ اراسىندا Skytrax حالىقارالىق اگەنتتىگىنىڭ 2012 جىلى بەدەلدى 4 جۇلدىزدى رەيتينگىن جانە «ورتالىق ازياداعى جانە ۇندىستانداعى ەڭ ۇزدىك اۋە-كومپانيا» سىيلىعىن العان العاشقى كومپانيا بولدى. ەكى سىيلىق تا 2013, 2014, 2015, 2016 جانە 2017 جىلدارى راستالدى.
«ەير استانا» اق كورپوراتيۆتىك كوممۋنيكاتسيالار جونىندەگى دەپارتامەنت