حالىق باعاسى

تاريحي ادىلەتتىلىك. پارلامەنت سەناتى كەشە قابىلداعان شەشىمنىڭ حابارى جەتكەندە ويعا الدىمەن وسى ءسوز ورالدى. ءيا, قازاقستان رەسپۋبليكاسىنىڭ تۇڭعىش پرەزيدەنتى, ەلباسىمىز نۇرسۇلتان ءابىش ۇلى نازارباەۆقا «حالىق قاھارمانى» اتاعىن بەرۋ مۇمكىندىگىن قاراستىراتىن زاڭداردىڭ قابىلدانۋىن  ەڭ الدىمەن تاريحي ادىلەتتىلىك اكتىسى دەپ قاراۋ ورىندى. زاڭ جوبالارىن قابىلداۋ ارقىلى سەنات حالىق­تىڭ تالايدان بەرى ايتىلىپ كەلە جاتقان تىلەگىن جۇزەگە اسىر­دى. سەنات توراعاسى قايرات ءمامي بۇل جونىندە: «ۇسى­نى­لىپ وتىرعان تولىقتىرۋلار پرەزيدەنت نۇرسۇلتان نازار­باەۆ­تىڭ تاۋەلسىز مەملەكەتتى قۇرۋ مەن دامىتۋداعى, قا­زاقستاننىڭ الەمدىك قوعامداستىقتاعى بەدەلىن نىعايتۋداعى تاريحي ءرولىن تياناقتايدى» دەپ وتە ورىندى ايتىپتى.    ەلباسىمىز ەل ءسوزىن ەسكەرەدى دەپ سەنەمىز. اشىعىن ايتساق, ەسكەرۋگە ءتيىستى دە ءتىپتى. «ەگەمەن قازاقستاننىڭ» وقىرماندارىن ەلباسىمىزدىڭ ەرەن ەڭبەگىنىڭ تۇڭعىش پرەزيدەنت سايلاۋى وتكەن تاريحي كۇننىڭ ءدال جيىرما جىلدىعىندا لايىقتى باعالانۋىمەن قۇتتىقتاي وتىرىپ, ءبىز رەداكتسيا تىلشىلەرىنە وسى شەشىمنىڭ قابىلدانۋىنا تىكەلەي قاتىسقان سەنات دەپۋتاتتارىمەن شۇعىل حابارلاسىپ, ولاردىڭ ويلارىن جۇرتشىلىققا جەدەل جەتكىزۋدى تاپسىردىق. وسى ۇسىنىستى العاش جاريا ەتكەن بەلگىلى تۇلعا ۆ.ي.دۆۋرەچەنسكيمەن دە تەلەفون ارقىلى بولسا دا سويلەسىپ قالدىق. ەندى سول پىكىرلەرگە كەزەك بەرەيىك. ەلباسىمىز نۇرسۇل­تان ءابىش­ ۇلى نازارباەۆتىڭ مەم­لەكەت الدىنداعى ەڭبەگى ۇشان-تەڭىز. پرەزيدەنت قازاق­ستان رەس­پۋب­ليكاسى اتتى وسى مەملەكەتتى ءوز قولىمەن قۇردى, ونى تاۋەل­سىز­دىكتىڭ تاۋەكەلگە تولى تايعاق كەشۋلەرىنەن امان-ەسەن الىپ ءوتتى, ەلدىڭ ويىن بيىكتەتتى, بوي­ىن تىكتەتتى, حا­لىق­تىڭ ءال-اۋقا­تىن ارتتىرۋعا قول جەتكىزدى, ەلدى الەمدىك ىقپال­داس­تىققا كىرىكتىردى, تۇراقتى ساياساتى­مەن, قۋاتتى ەكونو­مي­كا­سىمەن دۇنيە ديدارىندا سىي­لى ەتتى, كوپ ءدىندى, كوپ ءتىلدى ەلدەن ورتاق وتان­داس­تى­عىن ماقتان ەتە­تىن ءبىر­تۇتاس مەملەكەت, قا­زاق­ستان حال­قىن قالىپتاس­تىر­دى, ۇلتىمىز­دىڭ جاق­سى اتىن جاھانعا جايىپ, ابىرويىمىز­دى اسىردى, رۋحىمىزدى اسقاق­تاتتى. ءبىزدىڭ ەلىمىزدەگى وسى جي­ىر­ما جىلدا جۇزەگە اسقان جاقسى­لىق­تىڭ ءبارىنىڭ دە باستاۋىندا ءبىر ادام – ەلباسىمىز تۇر. پرە­زيدەنت قابىلداعان شە­شىم­دەر­دىڭ, سونىڭ ىشىندە كەزىندە ءبىراز ادام توسىرقاي قاراعان شەشىم­دەردىڭ دە, ءبارىنىڭ  دۇ­رىس­تىعى ۋاقىت وتە كەلە كەمەلدىكپەن كو­رىن­دى. تاۋەلسىزدىك تا­ريحىنىڭ قي­ىن بەلەستەرىندە پرە­زيدەنت كو­مانداسىندا وب­لىس اكىمى بو­لىپ جۇمىس ىستەگەن ادام رەتىندە مەن مۇنى وتە جاقسى بىلەمىن. «جاقسىنىڭ جاقسىلىعىن ايت, نۇرى تاسىسىن» دەيتىن حا­لىق­پىز. قازاقتا «حان – شا­ڭى­راق, حالىق – ۋىق» دەگەن دە ما­قال بار. ءبىز بۇكىل حالىق بولىپ ەلدىڭ ۋىعىنداي قادالساق, اس­پانعا كوتەرەتىن شاڭىراعىمىز – پرەزيدەنتىمىز, ءدۇيىم ەل ارداق تۇتاتىن, الەم جۇرتى قۇرمەت­تەيتىن ەلباسىمىز. اسىل­دى با­عالاي بىلەتىن حالىق ەكەنىمىزدى مىنە, جيىرما جىلدان بەرى ءدۇ­نيەگە تانىتىپ كەلەمىز. سايلاۋ وتسە دە, رەفەرەندۋم وتسە دە حالىق كوڭىلى باياعىداي. نۇر­سۇل­تان ءابىش ۇلىنا دەگەن سەنىمىنە سەلكەۋ ءتۇسىپ كورگەن جوق. ەل سەنىمىن اقتاۋدى ەڭ قاسيەتتى پارىزى سانايتىن ەلباسى­مىزعا لايىقتى قۇرمەتىمىزدى كەزدەسكەندەگى ىزەتىمىزبەن, ءسوي­لە­گەن­دەگى سوزىمىزبەن عانا ءبىلدىرىپ قويۋ ازدىق ەتەدى ەندىگى جەردە. وسىلاي بولۋعا ءتيىستى ەدى. سولاي بولعانىنا قۋانىشتى­مىز. وسىنداي شەشىمنىڭ قا­بىل­دانۋىنا قاتىسقانىمىزدى ماقتانىش ەتەمىز. بولات جىلقىشيەۆ,  پارلامەنت سەناتىنىڭ اگرارلىق ماسەلەلەر جانە قورشاعان ورتانى قورعاۋ كوميتەتىنىڭ توراعاسى.