پارلامەنت سەناتى حالىقارالىق قاتىناستار, قورعانىس جانە قاۋىپسىزدىك كوميتەتىنىڭ كەڭەيتىلگەن وتىرىسىندا «تاۋەلسىز مەملەكەتتەر دوستاستىعىنا قاتىسۋشى مەملەكەتتەردىڭ اقپاراتتىق قاۋىپسىزدىكتى قامتاماسىز ەتۋ سالاسىنداعى ىنتىماقتاستىعى تۋرالى كەلىسىمدى راتيفيكاتسيالاۋ تۋرالى» زاڭ جوباسى قارالدى.
كەلىسىمنىڭ نەگىزگى ماقساتى قاتىسۋشى مەملەكەتتەردە اقپاراتتىق قاۋىپسىزدىكتى قامتاماسىز ەتۋگە باعىتتالعان ۇيلەستىرىلگەن بىرلەسكەن ءىس-شارالاردى وتكىزۋ بولىپ تابىلادى.
2013 جىلعى 20 قاراشادا سانكت-پەتەربۋرگتە جاسالعان كەلىسىم تاۋەلسىز مەملەكەتتەر دوستاستىعىنا قاتىسۋشى ەلدەر اراسىنداعى اقپاراتتى ترانسشەكارالىق بەرۋ, اقپاراتتىق جۇيەلەردىڭ اقپاراتتىق قاۋىپسىزدىگىنىڭ قاتەرلەرىن تالداۋ جانە باعالاۋ; قاتىسۋشى مەملەكەتتەردىڭ اقپاراتتىق قاۋىپسىزدىكتى قامتاماسىز ەتۋ سالاسىنداعى نورماتيۆتىك-قۇقىقتىق اكتىلەرىن جانە نورماتيۆتىك-ادىستەمەلىك قۇجاتتارىن جاقىنداستىرۋ; حالىقارالىق ستاندارتتارمەن ۇيلەسىمدى اقپاراتتىق قاۋىپسىزدىك سالاسىنداعى مەملەكەتارالىق ستاندارتتار ازىرلەۋ; اقپاراتتىق جۇيەلەردە ورنالاستىرىلعان اقپاراتقا رۇقساتسىز قول جەتكىزۋگە جانە ونىڭ تەحنيكالىق ارنالار ارقىلى سىرتقا شىعۋىنا جول بەرمەۋگە باعىتتالعان كەلىسىلگەن ءىس-شارالاردى ىسكە اسىرۋ; قورعالۋ دارەجەلەرى ءارتۇرلى اقپاراتتىق جۇيەلەردىڭ ءوزارا ءىس-ارەكەتى كەزىندە قول جەتكىزۋ دەڭگەيى شەكتەۋلى اقپاراتتىڭ جانە اقپاراتتىق تەحنولوگيالاردىڭ قورعالۋىن قامتاماسىز ەتۋ; اقپاراتتىق قاۋىپسىزدىكتى قامتاماسىز ەتۋ سالاسىندا كادرلاردى بىلىكتى قايتا دايارلاۋ جانە ولاردىڭ بىلىكتىلىگىن ارتتىرۋ جانە باسقا بولىكتەرىندەگى ءىس-قيمىلدى رەتتەيدى.
كەلىسىمدە كوزدەلگەن بارلىق ەرەجەلەر اقپاراتتىق قاۋىپسىزدىكتى قامتاماسىز ەتۋ جونىندەگى مىندەتتەردى اتقارۋعا باعىتتالعان.
زاڭ جوباسى پالاتانىڭ قاراۋىنا جىبەرىلدى.
وتىرىستا دەپۋتاتتار تولەۋبەك مۇقاشەۆتى حالىقارالىق قاتىناستار, قورعانىس جانە قاۋىپسىزدىك كوميتەتىنىڭ حاتشىسى ەتىپ سايلادى. ول بۇل لاۋازىمداعى ءدىن ىستەرى جانە قوعامدىق كەلىسىم ءمينيسترى بولىپ تاعايىندالعان دارحان كالەتاەۆتى الماستىردى.