«استانا» «ەرتىستى» ويسىراتا جەڭدى

ءتورتىنشى تۋردىڭ ورتالىق ويىنى پاۆلوداردا ءوتتى. جەرگىلىكتى «ەرتىس» كومانداسى بىلتىرعى ەل چەمپيوندارى «استانانى» ءوز الاڭىندا قابىلداپ, جانكۇيەرلەرىنىڭ الدىندا 1:6 ەسەبىمەن تاس-تالقان بولىپ جەڭىلدى. اتالعان كەزدەسۋدە ەلوردا كومانداسىنىڭ جاس فۋتبولشىسى باقتيەر زاينۋتدينوۆ حەت-تريك جاساسا, 65-مينۋتتا رومان مۇرتازاەۆ ەسەپتى ەسەلەدى. «استانانىڭ» تاعى ءبىر جاس تالانتى يۋري پەرتسۋح 70-مينۋتتا كومانداسىنىڭ بەسىنشى گولىن سالدى. پرەمەر-ليگا بويىنشا ناۋرىز ايىنىڭ ەڭ ۇزدىك فۋتبولشىسى مارين توماسوۆ ويىنداعى التىنشى گولدى قاقپاعا توعىتتى. ال الاڭ يەلەرىنەن گابريەل ەرناندەس 90-مينۋتتا قوناقتارعا ءبىر گولمەن جاۋاپ بەردى.

بۇل تۋردىڭ ەڭ تارتىستى ويىنى قوستانايدا «توبىل» مەن ءəلى جەڭىس ءدəمىن تاتپاعان «اتىراۋ» اراسىندا وتكەن بولاتىن. ماتچقا دەيىن فۋتبول ماماندارى «توبىل» كلۋبىنا ءۇش ۇپايدى وڭاي بەرە سالعان ەدى. الايدا مۇنايلى ولكەنىڭ فۋتبولشىلارى قوستانايعا جەڭىلىس ءۇشىن كەلمەگەنىن بايقاتتى. ءتىپتى, ءبىرىنشى تايم قورىتىندىسى بويىنشا «اتىراۋ» 1:2 ەسەبىمەن جەڭىپ تۇرعان. دەگەنمەن, ويىننىڭ ەكىنشى بولىگىندە الاڭ يەلەرى باسىمدىقتى ارتتىرىپ, قارسىلاستارىنىڭ قاقپاسىنا 2 گول سوقتى. قورىتىندى ەسەپ – 3:2.

 وتكەن تۋردا «اقتوبەمەن» تەڭ ويناعان الماتىنىڭ «قايراتى» بۇل تۋردا «اقجايىقتى» 3:0 ەسەبىمەن جەڭدى. Əزىرگە الماتىنىڭ كومانداسى ءۇشىنشى ورىندا كەلەدى. ال شىمكەنتتىڭ «ورداباسى» وسى تۋردا دا جەڭىسكە جەتىپ, 12 ۇپايمەن كوش باسىنداعى «استانامەن» يىق تىرەسىپ كەلەدى. «ورداباسى» – «اقتوبە» 3:1.

كوش سوڭىندا كەلە جاتقان «قىزىلجاردى» ءوز الاڭىندا 2:1 ەسەبىمەن جەڭگەن قاراعاندىنىڭ «شاحتەرى» تۋرنير كەستەسىندە بەسىنشى ورىنعا كوتەرىلىپ الدى. ال تالدىقورعاندا وتكەن ماچتا «جەتىسۋ» قىزىلوردانىڭ «قايسارىن» 1:0 ەسەبىمەن جەڭىپ, ماڭىزدى ءۇش ۇپايىنا قول جەتكىزدى.

ءتورتىنشى تۋردىڭ ويىندارى مىناداي نəتيجەلەرمەن اياقتالدى:

«جەتىسۋ» – «قايسار» – 1:0 (1:0), دجاليلوۆ راۋل, 24 (1:0). «ەرتىس» – «استانا» – 1:6 (0:1). باقتيەر زاينۋتدينوۆ, 39 (0:1), باقتيەر زاينۋتدينوۆ 50 (0:2), باقتيەر زاينۋتدينوۆ 61 (0:3), رومان مۇرتازاەۆ 65 (0:4), يۋري پەرتسۋح 70 (0:5), مارين توماسوۆ 88 (0:6), گابريەل ەرناندەس – 90 (1:6). «توبىل» – «اتىراۋ» – 3:2 (1:2). انتون شيندەر, 22 (1:0), مارات حايرۋللين, 27 (1:1), نەين دجوزەف, 40 (1:2), انتون شيندەر, 64 (2:2), دجابا كانكاۆا, 68 (3:2). «شاحتەر – «قىزىلجار» – 2:1 (2:0). دامير كوياشەۆيچ, 5 (1:0), الەكساندر ميگۋنوۆ, 9 (2:0), براتيسلاۆ پۋنوشەۆاتس, 90+1 (2:1). «قايرات» – «اقجايىق» – 3:0 (2:0). يساەل باربوسا, 19 (1:0), ۋگو سيلۆەيرا, 33 (2:0), گەورگي جۋكوۆ, 81 (3:0). «ورداباسى» – «اقتوبە» – 3:1 (2:1). تەمىرلان ەرلانوۆ, 14 (1:0), تيمۋر دوسماعامبەتوۆ, 17 (2:0), حرۆوە ميليشەۆيچ, 44 (2:1), يۆان ناگاەۆ, 66 (3:1).

ءتورتىنشى تۋردىڭ قىسقاشا ستاتيستيكالىق ناتيجەلەرى مىناداي:

ءتورتىنشى تۋردىڭ التى ويىنىن تاماشالاۋعا – 20 100 كورەرمەن كەلدى. ءۇشىنشى تۋردا 14 900 جانكۇيەر كەلگەن-ءدى. ەڭ كوپ جانكۇيەر «قايرات» – «اقجايىق» ماتچىندا جينالدى. 7 100 جانكۇيەر. ال ەڭ از جانكۇيەر «جەتىسۋ» – «قايسار» ويىنىنا كەلدى. 800 ادام.

ءتورتىنشى تۋردىڭ التى ويىنىندا – 23 گول سوعىلدى. ەڭ كوپ گول «ەرتىس» – «استانا» ماتچىندا سوعىلدى. 7 گول. ەڭ از گول «جەتىسۋ» – «قايسار» ويىنىندا سوعىلدى. 1 گول. بۇل تۋردا تەڭ ەسەپ تىركەلمەدى.

ءتورتىنشى تۋردىڭ التى ويىنىندا فۋتبولشىلارعا – 18 سارى قاعاز كورسەتىلدى. ەڭ كوپ سارى قاعاز – «قىزىلجار» كلۋبىنىڭ فۋتبولشىلارىنا بەرىلدى – 4.

ءتورتىنشى تۋردا پرەمەر-ليگاداعى ەڭ ءبىرىنشى حەت-تريك ء(بىر ويىنشى 3 گول سوقتى) تىركەلدى. اۆتورى – باقتيەر زاينۋتدينوۆ («استانا»).

ءتورتىنشى تۋردان كەيىن – ەكى فۋتبولشى 3 گولمەن مەرگەندەر كوشىن باستادى. ولار: يساەل دا سيلۆا باربوسا («قايرات») جانە باقتيەر زاينۋتدينوۆ («استانا»).

ءسəۋىردىڭ 14-ءى كۇنى وتەتىن بەسىنشى تۋردا مىنا كوماندالار ءوزارا وينايدى: «اقجايىق» – «ورداباسى», «اقتوبە» – «توبىل», «استانا» – قايرات», «اتىراۋ» – «شاحتەر», «قايسار» – «ەرتىس», «قىزىلجار» – «جەتىسۋ».

تۋرنير كەستەسى

(14 ساۋىرگە دەيىنگى جاعداي)

ءالي بيتورە,

«ەگەمەن قازاقستان»