ۇلتتىق كاسىپكەرلەر پالاتاسى پرەزيديۋمىنىڭ توراعاسى تيمۋر ق ۇلىباەۆتىڭ ماڭعىستاۋ وبلىسىنا جۇمىس ساپارى اياسىندا وبلىس اكىمى ەرالى توعجانوۆتىڭ جانە وڭىرلىك پالاتا باسشىلىعى مەن وبلىس كاسىپكەرلەرىنىڭ قاتىسۋىمەن پالاتانىڭ وڭىرلىك كەڭەسىنىڭ وتىرىسى ءوتتى.
2017 جىلدىڭ سوڭىندا ماڭعىستاۋ وبلىسىنداعى شاعىن جانە ورتا بيزنەس سانى 2,8 مىڭ بىرلىككە ارتىپ, 47 مىڭ بىرلىكتى قۇرادى.
- 2017 جىلى «بيزنەستىڭ جول كارتاسى 2020» باعدارلاماسى بويىنشا ايماقتىق ۇيلەستىرۋ كەڭەسىنىڭ ماجىلىستەرىندە جالپى سوماسى 15,1 ملرد. تەڭگەنى قۇرايتىن 208 جوبا (2016, 11,6 ملرد. تەڭگەگە 179 جوبا) جۇزەگە اسىرىلدى. بىرىڭعاي باعدارلامانى ىسكە اسىرۋ ناتيجەسىندە 2017 جىلى 1 403 جاڭا جۇمىس ورنى اشىلدى (2016 جىلى 465 جاڭا جۇمىس ورنى اشىلدى), بۇل وتكەن جىلمەن سالىستىرعاندا 3 ەسە ارتىق. شاعىن جانە ورتا بيزنەستىڭ سۋبەكتىلەرىنە 29,8 ملرد. تەڭگە كولەمىندە كرەديتتىك رەسۋرستار بەرىلدى, بۇل 2017 جىلمەن سالىستىرعاندا 1,3 ەسە كوپ. سونىمەن قاتار شاعىن جانە ورتا بيزنەس سۋبەكتىلەرىنە بارلىق باعدارلاما بويىنشا جالپى سوماسى 1,3 ملرد تەڭگەگە 278 شاعىن كرەديت بەرىلىپ, 648 جاڭا جۇمىس ورنى اشىلدى , دەدى وبلىس اكىمى ەرالى توعجانوۆ.
جيىن بارىسىندا ماڭعىستاۋ وبلىسى كاسىپكەرلەر پالاتاسىنىڭ ديرەكتورى نۇربەك قاراساەۆ ايماقتىق بيزنەستى دامىتۋدىڭ نەگىزگى باعىتتارى تۋرالى باياندادى. «اتامەكەن» ۇكپ جۇمىسسىز جانە ءوزىن-ءوزى جۇمىسپەن قامتىعان حالىقتى بيزنەس جۇرگىزۋگە ۇيرەتۋگە باعىتتالعان «باستاۋ» جوباسىن قولعا الدى. اتالمىش جوبا اياسىندا ماڭعىستاۋ وبلىسى پيلوتتىق باعدارلامانى جۇزەگە اسىرعان ايماق بولدى. «باستاۋ» جوباسىنا 750 جۇمىسسىز جانە ءوزىن-ءوزى جۇمىسپەن قامتىعان ماڭعىستاۋلىق قاتىستى, ولاردىڭ 150-دەن استامى ءوز بيزنەسىن اشتى.
سونىمەن قاتار «اتامەكەن» ۇلتتىق كاسىپكەرلەر پالاتاسى پرەزيديۋمىنىڭ توراعاسى تيمۋر ق ۇلىباەۆ پەن ماڭعىستاۋ وبلىسىنىڭ اكىمى ەرالى توعجانوۆ «ىسكەر ايەلدەر كەڭەسى» ماجىلىسىنە قاتىستى. ماڭعىستاۋ وبلىسىندا 2017 جىلى 47 مىڭنان استام كاسىپكەر تىركەلگەن, ولاردىڭ 40% -ى ايەلدەر. بۇل 19 مىڭنان استام ادامدى قۇرايدى. «بيزنەستىڭ جول كارتاسى-2020» باعدارلاماسى بويىنشا 208 جوبا ماقۇلداندى. كاسىپكەر ايەلدەر تاراپىنان 75 جوبا ۇسىنىلىپ, 279 جاڭا جۇمىس ورنى اشىلدى.
- 2017 جىلدىڭ سوڭىندا جۇمىسقا ورنالاسۋعا ءوتىنىش بەرگەن ايەلدەردىڭ سانى 3 687 ادامدى قۇرايدى, ونىڭ 3 437-ءسى جۇمىسقا ورنالاستى. 1138 ايەل تۇراقتى جۇمىسپەن قامتىلدى. مەملەكەتتىك قىزمەتشىلەردىڭ سانى 2 830 ادامدى قۇرايدى, ونىڭ 1 659-ى ايەل. بۇل شامامەن 60%-دى قۇرايدى. سونداي-اق, ماڭعىستاۋ وبلىسىندا 12 بەلسەندى گەندەرلىك ۇەۇ بار. وبلىستاعى قالالارى مەن اۋدانداردا ايەلدەر باسقاراتىن ۇكىمەتتىك ەمەس ۇيىمداردى قولداۋ جانە دامىتۋ ءۇشىن 7 وڭىرلىك رەسۋرستىق ورتالىق جۇمىس ىستەيدى. گەندەرلىك تەڭدىك - قوعامدى الەۋمەتتىك جاڭعىرتۋدىڭ نەگىزگى باعىتتارىنىڭ ءبىرى, ويتكەنى تەڭ مۇمكىندىكتەر جاساۋ - ايەلدەردىڭ ەلدىڭ ساياسي, ەكونوميكالىق جانە الەۋمەتتىك ومىرىنە بەلسەندى قاتىسۋىن قامتاماسىز ەتۋدەگى ماڭىزدى قۇرامداس بولىگى بولىپ تابىلادى, دەدى وبلىس اكىمى ەرالى توعاجنوۆ.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى