الماتى قالاسىندا جانە قازاقستاننىڭ 10 وبلىسىندا اۋا رايىنىڭ قۇبىلۋىنا بايلانىستى ەسكەرتۋ جاريالاندى, دەپ حابارلايدى «قازگيدرومەت» رمك ءباسپاسوز قىزمەتى.
9-13 ساۋىردە اقتوبە, باتىس-قازاقستان, قوستاناي, اقمولا, سولتۇستىك-قازاقستان, پاۆلودار, قاراعاندى وبلىستارىنداعى وزەندەردە اۋا تەمپەراتۋراسىنىڭ جوعارىلاۋىنا جانە جاۋىن-شاشىن تۇسەدى دەگەن بولجامعا بايلانىستى قاردىڭ قارقىندى ەرۋ, جەرگىلىكتى اعىننىڭ قالىپتاسۋ, سۋ دەڭگەيىنىڭ كوتەرىلۋ قاۋپى بار جانە وزەن سۋى جاعادان اسىپ جايىلۋى مۇمكىن.
9-13 ساۋىردە شىعىس قازاقستان وبلىسىندا جىلى اۋا تەمپەراتۋراسىنىڭ ساقتالۋى مەن جاۋىن-شاشىن تۇسەدى دەگەن بولجامعا بايلانىستى جەرگىلىكتى, بەتكەيلىك اعىن قالىپتاسۋى مۇمكىن, مۇز كەپتەلىستەرى بولىپ, سۋ دەڭگەيىنىڭ كوتەرىلۋ, سۋ جايىلۋى جانە سۋ باسۋ قاۋپى بار.
9-11 ساۋىردە الماتى, جامبىل وبلىستارىندا جانە الماتى قالاسىندا جاڭبىر جاۋادى دەگەن بولجامعا بايلانىستى جەرگىلىكتى جانە بەتكەيلىك اعىننىڭ قالىپتاسۋى مۇمكىن. سۋ دەڭگەيى كوتەرىلىپ, جايىلىمداردى سۋ باسۋ قاۋپى بار.