وبلىستا 2000 جىلدان بەرى مادەنيەت سالاسى مەن شىعارماشىلىق وكىلدەرىنە «مەتسەناتتار كلۋبىنىڭ» «قازىنا» جانە «شابىت» سىيلىقتارى بەرىلىپ كەلەدى. بيىل دا جىلداعى داستۇرمەن اتىمتاي جومارتتار سىيلىقتاردى يەلەرىنە تابىس ەتتى.
سىيلىق ۇمىتكەرلەرى بىرنەشە اتالىم بويىنشا بايقاۋ ارقىلى ىرىكتەلەدى. ءاۋ باستا شىعارماشىلىقپەن, ونەرمەن اينالىساتىن جانداردى ماتەريالدىق جانە قارجىلاي قولداۋ ماقساتىندا بەرىلگەن سىيلىقتىڭ جىلدار وتە اتالىمى كوبەيدى, اۋقىمى كەڭەيە ءتۇستى. سوڭعى جىلدارى سىيلىق «عىلىم», ء«بىلىم», «سپورت» اتالىمدارىمەن عالىمدار مەن مۇعالىمدەردى, سپورتشىلاردى دا قامتىدى. ونىڭ سىرتىندا «مەتسەناتتار كلۋبى» مۇشەلەرى قايىرىمدىلىقپەن دە اينالىسادى.
بيىل 150 ۇمىتكەر تاۋەلسىز قازىلار القاسىنا ءوز جۇمىستارىن ۇسىنعان بولاتىن. سىيلىقتىڭ ءار اتالىمىنا 8 ادامنان كەلگەن. «مەتسەناتتار كلۋبى» قۇرىلعان 18 جىل ىشىندە 448 سىيلىق بەرىلگەن ەكەن, سونىڭ 400-دەن استامى جەكە تۇلعالارعا, 38 سىيلىق شىعارماشىلىق ۇجىمدارعا تابىس ەتىلگەن. سىيلىقتاردىڭ بارلىق قارجىسى 226 ميلليون تەڭگەنى قۇرايدى.
سالتاناتقا وبلىس اكىمى ارحيمەد مۇحامبەتوۆ تە قاتىسىپ, شىعارماشىلىق ادامدارىن قولداپ وتىرعان مەتسەناتتارعا العىس ايتتى, سىيلىق يەلەرىن قۇتتىقتادى.
وتكەن جىلدان بەرى سىيلىقتاردىڭ كولەمى دە وزگەردى. «قازىنا» سىيلىعىنا 1000000 تەڭگە, ال 35 جاسقا دەيىنگى جاستارعا بەرىلەتىن «شابىت» سىيلىعىنا 500 000 تەڭگە بەلگىلەندى.
«مەتسەناتتار كلۋبى» سىيلىعى «تەاتر», «ادەبيەت», «ۆوكال ونەرى», «حورەوگرافيا», «شىعارماشىلىق ۇجىمىنىڭ جەتەكشىسى», «مادەني مۇرا» سياقتى باسقا دا اتالىمدارمەن قاتار «جۋرناليستيكاعا» دا بەرىلەدى. بيىلعى «مەتسەناتتار كلۋبىنىڭ» سىيلىعىنا ارىپتەستەرىمىز «حابار» ارناسىنىڭ قوستاناي وبلىسى بويىنشا ءتىلشىسى ماعاۋيا قاليەۆ پەن «ۆرەميا» گازەتىنىڭ مەنشىكتى ءتىلشىسى ستانيسلاۆ كيسەلەۆ يە بولدى.
ءنازيرا جارىمبەت,
«ەگەمەن قازاقستان»
قوستاناي