ءماجىلىس دەپۋتاتى البەرت راۋ «سارىارقااۆتوپروم» زاۋىتىنداعى كورپوراتيۆتىك ۋنيۆەرسيتەتكە شاقىرىلعان ءبىرىنشى لەكتور بولدى. بۇل ۋنيۆەرسيتەتتىڭ اشىلعانىنا ءالى جىل تولعان جوق. سوندا دا جۇمىس دەڭگەيى جوعارىلاپ كەلەدى. ەلىمىزدەگى بەلگىلى قايراتكەرلەر ونىڭ سپيكەرلەرى بولادى.
«بولاشاقتا ءبىزدىڭ ينجەنەر-تۇلەكتەر جۇمىس بەرۋشىنىڭ ويىنان شىعاتىنداي بولۋى كەرەك. مەن رۋدنىي يندۋستريالدى ينستيتۋتى مەن «سارىارقا اۆتوپروم» زاۋىتىنىڭ ىنتىماقتاسا جۇمىس ىستەۋىنە كۇش سالعان ەدىم, ونىڭ ناتيجەسىن بۇگىن كورىپ وتىرسىزدار – ستۋدەنتتەر وندىرىستە ۇيرەنىپ ءجۇر» دەدى البەرت راۋ.
سونىمەن قاتار ءماجىس دەپۋتاتى الەمدەگى ەكونوميكا يندۋستريا 4.0 جولىمەن دامىپ بارا جاتقانىن ايتتى. سوندىقتان ەلباسى ءوزىنىڭ جولداۋىندا وسى ماسەلەنى ايىرىقشا مىندەت ەتىپ قويدى. ەكونوميكا دامۋىندا باستان كەشىرەتىن تاۋەكەلدەر دە, قيىنشىلىقتار دا بولماي قالمايدى. سوندىقتان تەزدەتىپ ەكونوميكانىڭ بارلىق سالاسىن تسيفرلاندىرۋدى دا ەنگىزۋ ۋاقىت تالابىنا اينالدى.
– ءبىز يندۋستريا 4.0 تەك وندىرىسپەن عانا بايلانىستى دەپ ويلايمىز. جوق ولاي بولمايدى, ول بارلىق سالادا قولدانىلۋى ءتيىس. ول ينفراقۇرىلىمداردا, ەلەكتروندى ۇكىمەت جاساۋدا, كادرلار دايارلاۋدا دا بەلسەندى پايدالانىلۋى كەرەك. 2022 جىلعا قاراي قازقستان تۇرعىندارىنىڭ 82 پايىزى ينتەرنەتتى قولداناتىن بولادى, – دەدى البەرت پاۆلوۆيچ.
ءنازيرا جارىمبەت,
«ەگەمەن قازقستان»
قوستاناي