بۇگىن جاڭبىر, بۇرشاق جاۋىپ, جەل كۇشەيەدى

سينوپتيكتەردىڭ حابارلاۋىنشا, اتموسفەرالىق فرونتالدى بولىكتەردىڭ وتۋىنە بايلانىستى قازاقستاننىڭ باسىم بولىگىندە جاڭبىر جاۋادى. تەك ەلدىڭ وڭتۇستىك-باتىسىندا عانا جاۋىن جاۋمايدى. كەي جەرلەرگە تۇمان ءتۇسىپ, كوكتايعاق بولىپ, جەل كۇشەيەدى, وڭتۇستىك-شىعىستا كۇن كۇركىرەيدى, بۇرشاق جاۋى دا ىقتيمال.

جامبىل, وڭتۇستىك قازاقستان وبلىستارىندا جەل سەكۋندىنا 15-20 مەترگە جەتەدى, تۇندە تۇمان تۇسەدى.

وڭتۇستىك قازاقستان وبلىسىندا تۇندە 2 گرادۋسقا دەيىن ۇسىك ءجۇرۋى مۇمكىن.

قىزىلوردا وبلىسىندا تۇمان ءتۇسىپ, جەلدىڭ جىلدامدىعى سەكۋندىنا15-20 مەترگە دەيىن جەتىپ, شاڭدى داۋىل تۇرۋى ىقتيمال, تۇندە ۇسىك جۇرەدى (2 گرادۋس).

الماتى وبلىسىنىڭ كەي جەرلەرىندە كۇن كۇركىرەپ, بۇرشاق جاۋى مۇمكىن, جەلدىڭ جىلدامدىعى سەكۋندىنا 15-23 مەتر بولادى.

اقمولا, قاراعاندى, شىعىس قازاقستان, كۇندىز سولتۇستىك قازاقستان, قوستاناي, پاۆلودار وبلىستارىندا جەلدىڭ كۇشى سەكۋندىنا 15-20 مەترگە جەتەدى. تۇمان ءتۇسىپ, كوكتايعاق بولۋى دا ىقتيمال.

اقتوبە, كۇندىز باتىس قازاقستان, وبلىستارىندا جىلدامدىعى 15-20 مەتر/سەكۋند بولاتىن جەل تۇرادى, تۇمان تۇسەدى. ماڭعىستاۋ وبلىسىنا تۇمان تۇسەدى. كۇندىز اتىراۋ وبلىسىندا جەلدىڭ كۇشى سەكۋندىنا 15-20 مەترگە جەتەدى.