حورۆاتيا - قازاقستان قۇرامالارى اراسىنداعى كەزدەسۋدە تارازى باسى تەڭەستى.
"دەۆيس كۋبوگى" اياسىنداعى شيرەك فينالدىق كەزدەسۋدە ەسەپ تەڭەستى. حورۆاتيا قۇراماسىنىڭ وكىلى مارين چيليچ دميتري پوپكونى جەڭگەننەن كەيىن ەكىنشى ويىندا بورنا چوريچ پەن ميحايل كۋكۋشكين كورتقا شىققان ەدى. العاشقى سەتتى جەڭگەن حورۆاتيالىق تەننيسشى وتانداسىمىزدى ءبىرشاما تىعىرىققا تىرەدى. الايدا, ويىن بارىسىندا 6 مارتە ەيس جاساعان كۋكۋشكين قاتارىنان 3 سەتتە جەڭىسكە جەتتى.
ەندى ەرتەڭ استانا ۋاقىتىمەن 19:00-دە جۇپتاردىڭ تارتىسى وتپەك. وندا قازاقستان نامىسىن تيمۋر حابيبۋللين مەن الەكساندر نەدوۆەسوۆ قورعايتىن بولادى.