2018 جىلعى 4 ساۋىردە «ۇلتتىق تاۋەلسىز ەمتيحان ورتالىعى» رقب مۇشەلەرى جالپى جينالىسىنىڭ كەڭەيتىلگەن وتىرىسىندا كەڭەسشى ورگان – جوعارعى القا كەڭەسى (جاك) قۇرىلدى, ول دەنساۋلىق ساقتاۋ سالاسى ماماندارىن سەرتيفيكاتتاۋ, ليتسەنزيالاۋ, دەنساۋلىق ساقتاۋ سالاسىنىڭ ءبىلىم بەرۋ جانە عىلىمي ۇيىمدارىنىڭ عىلىمي-پەداگوگيكالىق كادرلارىنىڭ سونداي-اق ۇيرەنۋشىلەرى مەن تۇلەكتەرى قۇزىرەتتىلىكتەرىن باعالاۋ ماسەلەلەرى باعىتىندا قازاقستاننىڭ دەنساۋلىق ساقتاۋ سالاسىنداعى كاسىبي قاۋىمداستىقتاردىڭ ءوزارا ءتيىمدى ارەكەت ەتۋى ءۇشىن وسى ماقساتتار مەن مىندەتتەردىڭ جۇزەگە اسىرىلۋىن قاداعالايدى.
وتىرىس جۇمىسىنا دەنساۋلىق ساقتاۋ ۆيتسە-ءمينيسترى, قر پارلامەنتى سەناتىنىڭ دەپۋتاتتارى, ۇلتتىق جانە عىلىمي مەديتسينالىق ورتالىقتاردىڭ, مەديتسينالىق ءبىلىم بەرۋ ۇيىمدارىنىڭ باسشىلارى, دەنساۋلىق ساقتاۋ سالاسىنىڭ تاجىريبەلىك جانە كاسىبي قاۋىمداستىقتار وكىلدەرى, ت.ب. قاتىستى.
دەنساۋلىق ساقتاۋ ۆيتسە-ءمينيسترى ل.م.اقتاەۆا قۇتتىقتاۋ ءسوز سويلەپ, ۇتەو قىزمەتىندەگى تاۋەلسىز جانە ءوزىن-ءوزى رەتتەيتىن ورتاعا شىققالى بەرگى قارقىندى وڭ وزگەرىستەردى, جاك قۇرۋ ارقىلى القالىق شەشىمدەر ينستيتۋتىنىڭ ەنگىزىلۋىن, بۇل قازاقستاننىڭ دەنساۋلىق ساقتاۋ جۇيەسىن جەتىلدىرۋ ءۇشىن بارلىق مەديتسينالىق قاۋىمداستىقتاردىڭ پىكىرلەرىن ۇجىمدىق تالقىلاۋدى, ورتاق كەلىسىممەن جۇمىس ىستەۋدى قامتاماسىز ەتەتىن بىرىڭعاي الاڭ قالىپتاستىرۋداعى العاشقى قادام ەكەندىگىن اتاپ ءوتتى.
اشىق داۋىس بەرۋ ارقىلى كاسىبي مەديتسينالىق قاۋىمداستىقتار, قر مەديتسينالىق جوو رەسپۋبليكالىق وقۋ-ادىستەمەلىك كەڭەسى, دەنساۋلىق ساقتاۋ سالاسىنىڭ تاجىريبەلىك جانە كاسىبي قاۋىمداستىقتارى, قازاقستان مەديتسينالىق كوللەدجدەرى وداعى, ت.ب. وكىلدەرىنىڭ اراسىنان جاك قۇرامىنا 15 ادام سايلاندى. جاك توراعاسى بولىپ, ءبىر اۋىزدان استانا قالاسىنىڭ قۇرمەتتى ازاماتى, قازاقستان رەسپۋبليكاسى پارلامەنتى سەناتىنىڭ ەكس-دەپۋتاتى ۆ.ن.رەدكوكاشين سايلاندى, وعان جاك الداعى قىزمەتىندەگى جوعارى سەنىمنىڭ, كاسىبيلىكتىڭ, ىنتىماقتاستىقتىڭ, ادىلدىكتىڭ سيمۆولى ناقىشتالعان جاك پرەزيدەنتىنىڭ قۇرمەت بەلگىسى تابىستالدى.