ءال-فارابي اتىنداعى قازاق ۇلتتىق ۋنيۆەرسيتەتىنىڭ ۇجىمى شىعىس قازاقستان وبلىسىنداعى سۋ تاسقىنىنان زارداپ شەككەندەرگە قارجىلاي كومەك كورسەتتى.
قازۇۋ عالىمدارى مەن وقىتۋشىلارى سۋ تاسقىنى كەزىندە قيىن جاعدايعا تاپ بولعان جاندارعا كومەك كورسەتۋ ءۇشىن ءبىر كۇندىك جالاقىلارىن اۋدارۋ جونىندەگى جوعارى وقۋ ورنى باسشىلىعى مەن كاسىپوداق كوميتەتىنىڭ ۇسىنىسىن ءبىراۋىزدان قولدادى.
ء«بىز كۇندەلىكتى جاڭالىقتاردان اپات سالدارىنىڭ قالاي جويىلىپ جاتقانىن كورىپ وتىرمىز, ءوڭىر تۇرعىندارى ۇلكەن قيىنشىلىققا تاپ بولدى. ادامدار باسپاناسىز قالدى, مۇلىكتەرىنەن ايىرىلدى. وسىنداي قيىن تۇستا ەل بولىپ قولداۋ تانىتۋعا ءتيىسپىز», دەپ اتاپ ءوتتى فيلوسوفيا جانە ساياساتتانۋ فاكۋلتەتىنىڭ دەكانى ءاليا ماساليموۆا.
ۋنيۆەرسيتەتتىڭ بارشا قىزمەتكەرلەرى, بولىمدەرى بۇل شارادان تىس قالعان جوق. ماتەريالدىق كومەك ارنايى قاراجات ەسەبىنە اۋدارىلدى, قاراجات جيناۋ جۇمىسى ودان ءارى جالعاستىرىلادى.
ء«بىز زارداپ شەككەندەردەن الىستامىز, الايدا وسى جينالعان قاراجات ولارعا قانداي دا ءبىر جاردەم بولار دەپ ۇمىتتەنەمىز. سۋ تاسقىنىنان زارداپ شەككەن اۋدانداردا ءبىزدىڭ كەيبىر وقىتۋشىلارىمىزدىڭ تۋىسقاندارى مەن تانىستارى تۇرادى», دەدى جۋرناليستيكا فاكۋلتەتىنىڭ دوتسەنتى مارلان نەگىزباەۆا.
ارمان وكتيابر, «ەگەمەن قازاقستان»
الماتى