استانا اكىمى ءورت قاۋىپسىزدىگىن جاپپاي تەكسەرۋدى تاپسىردى

 تجد-ءنىڭ باستىعى بارات دۇزاقباەۆ جۇزەگە اسىرىلىپ جاتقان قوسىمشا قاۋىپسىزدىك شارالارى, سونداي-اق, سوسو مەن ادامدار كوپتەپ جينالاتىن باسقا دا ورىنداردا ءورت قاۋىپسىزدىگىن قامتاماسىز ەتۋ تۋرالى باياندادى.

ونىڭ مالىمەتىنە سۇيەنسەك, مۇنداي تەكسەرىستەردىدەپارتامەنت ساۋدا نىساندارى مەن  ويىن-ساۋىق كەشەندەرىندە جىل سايىن وتكىزەدى. ولاردىڭ جالپى اۋدانى 1500 شارشى مەتردەن اسادى. دەپارتامەنتتىڭ ەسەبىندە 117 ساۋدا نىسانى بار. ولاردىڭ 83-ءى – ساۋدا ۇيلەرى, 9-ى – سوسو, 25-ءى – بازار.  

دۇزاقباەۆتىڭ ايتۋىنا قاراعاندا, توتەنشە جاعدايلار قىزمەتىنىڭ اۋدانى 1,5 مىڭ شارشى مەتردەن كەم بولاتىن نىسانداردى تەكسەرۋگە قۇقىعى جوق. ماماندار تۇرعىندار تاراپىنان رەسمي شاعىمدار تۇسكەن جاعدايدا عانا تەكسەرىس جۇمىستارىن جۇرگىزەدى.

2017 جىلى ەرەكشە تارتىپتە 71 تەكسەرىس جۇمىسى جۇرگىزىلدى. ولاردىڭ ناتيجەسىندە 45 ساۋدا نىسانىندا ءورت قاۋىپسىزدىگى تالاپتارىن بۇزۋ وقيعالارى انىقتالدى. 45 ادام اكىمشىلىك جاۋاپكەرشىلىككە تارتىلىپ, ولارعا جالپى سوماسى 2 ملن تەڭگەدەن اساتىن ايىپپۇل سالىندى.

تجد باستىعىنىڭ ايتۋىنشا, جوسپاردان تىس تەكسەرىستەرگە جەكە جانە زاڭدى تۇلعالاردىڭ, مەملەكەتتىك ورگانداردىڭ تۇسىرگەن شاعىمدارى نەگىز بولا الادى. شاعىمدا ادام ءومىرى مەن دەنساۋلىعىنا, قورشاعان ورتاعا, جەكە جانە زاڭدى تۇلعالاردىڭ, مەملەكەتتىڭ جەكە كاسىپكەرلىكتىڭ ناقتى سۋبەكتىلەرىنە قاتىستىزاڭدى مۇددەلەرىنە قاۋىپ توندىرەر, زيان كەلتىرەر ناقتى فاكتىلەر مەن جاعدايلار كورسەتىلۋى ءتيىس.

استانادا جوسپاردان تىس تەكسەرىس 105 ساۋدا نىسانى مەن 228 ءبىلىم بەرۋ نىسانىندا جۇرگىزىلمەك.

تەكسەرىس جۇمىستارى وسى اپتادا باستالادى.

 «بۇگىنگى تاڭدا تەكسەرىس جۇمىستارىن وتكىزۋ جونىندەگى باستامامەن تجد-نە «ازيا پارك» جانە «حان شاتىر» سوسو-نىڭ جەتەكشىلىگى ارىز ءتۇسىردى. سونىمەن قاتار, قالا پروكۋراتۋراسىنىڭ تاپسىرماسى بويىنشا تەكسەرىس جۇمىستارى «استانالىق» (ارتەم) بازارىندا جۇرگىزىلەدى. اتالمىش نىسان زاڭدى تۇلعانىڭ شاعىن كاسىپكەرلىك سۋبەكتىسى رەتىندە قايتا تىركەلۋىنە بايلانىستى (كودەكس تەكسەرىستەن 3 جىلعا بوساتۋدى قاراستىرادى) 2015 جىلدان بەرى تەكسەرىستەن وتپەگەن», - دەدى بارات دۇزاقباەۆ.

استانا اكىمى نىسانداردىڭ يەلەرى مەن جەتەكشىلەرىن تەكسەرىستى كۇتپەستەن, قاجەتتى قاۋىپسىزدىك شارالارىنىڭ بارلىعىن قابىلداپ, ءوز عيماراتتارىنداعى ءورت قاۋىپسىزدىگى ەرەجەلەرىنىڭ ساقتالۋىن تەكسەرۋدى, توتەنشە جاعداي كەزىندە ادامداردى قاۋىپسىز جەرگە كوشىرۋ جانە باسقا دا ارەكەتتەردى پىسىقتاۋ ماقساتىندا قىزمەتكەرلەردىڭ جاتتىعۋلار مەن نۇسقاۋلىقتاردى وتكىزۋىن جۇكتەدى.

سونداي-اق, اكىم تەكسەرىسكە ۇشىرامايتىن جالپى اۋدانى 1500 شارشى مەتردەن كەم بولاتىن نىسانداردىڭ جەتەكشىلەرىنە (بالالار ءدامحاناسى, ويىن ورىندارى مەن تۇنگى كلۋبتار) ادامداردىڭ ءومىرىن قاۋىپسىزدىكپەن قامتۋ ماقساتىندا قوسىمشا شارالاردى قابىلداۋدى ءوتىندى.

ء «سىزدىڭ نىساندارىڭىزدىڭ اۋماعىندا بالالار بولعاندا, ەسىكتەر قاشاندا اشىق تۇرۋى ءتيىس. قوسىمشا شىعۋ ەسىكتەرىن قاجەتسىز زاتتارمەن بەكىتپەۋ كەرەك, ولاردىڭ جانىندا جانعىش جانە تەز تۇتانعىش زاتتاردى قويماۋ كەرەك. بۇدان بولەك, قاۋىپسىز جەرگە كوشىرۋ جولدارىن ءورت قاۋىپسىزدىگى تالاپتارىنا سايكەس كەلتىرىپ, ءورت ءسوندىرۋ تەحنيكاسىنىڭ عيمارات اۋماعىنا كەدەرگىسىز كىرۋ مۇمكىندىگىن قامتاماسىز ەتۋ قاجەت», - دەدى اسەت يسەكەشەۆ.

اكىم, سونداي-اق, ەلوردادا سوسو-ىنداعى بارلىق كينوزالدار مەن ويىن الاڭدارى سوڭعى قاباتتاردا ورنالاسقاندىعىن تىلگە تيەك ەتتى. ولاردىڭ ىشكى لوگيستيكاسى وتە كۇردەلى. اسەت يسەكەشەۆ جايباراقات جاعدايدا دا ول جەرلەردە شىعاتىن ەسىكتى تابۋ, شىنىمەن دە, قيىنعا سوعاتىنىن ايتتى. ال ءورت كەزىندە ادامداردىڭ بويىن ۇرەي جاۋلاپ العاندا, جاعداي ودان دا ءورشي تۇسەدى.

«ويىن-ساۋىق الاڭدارىن مۇمكىندىگىنشە عيماراتتاردىڭ العاشقى قاباتتارىندا ورنالاستىرۋ جونىندەگى سۇراقتى پىسىقتاۋ كەرەك. دالىرەك ايتقاندا, بۇل سۇراقتى سوسو جوبالارىن قاراۋ جانە بەكىتۋ كەزىندە ەسكەرىپ, نىساندى پايدالانۋعا بەرۋ كەزىندە ولاردىڭ ساپاسىن باقىلاۋ جۇمىستارىن كۇشەيتۋ قاجەت», - دەدى ءا. يسەكەشەۆ.  

وسىنداي جاعدايلاردى بولدىرماۋ ماقساتىندا استانا اكىمى قالاداعى بارلىق ساۋدا ويىن-ساۋىق ورتالىقتارىندا, بازارلاردا, ۆوكزالداردا, مەكتەپتەردە, اۋرۋحانالار مەن بالاباقشالاردابەكىتىلگەن تارتىپتە تەكسەرىس جۇمىستارىن ۇيىمداستىرۋدى, ادامدار كوپ جينالاتىن جەرلەردە كوپتەپ جينالاتىن جەرلەردە ءورت قاۋىپسىزدىگىن تەكسەرۋدى, ولقىلىقتار انىقتالعان جاعدايدا, ولاردى جويۋ شارالارىن شۇعىل تۇردە قولعا الۋدى, ادامدار كوپ جينالاتىن بارلىق نىسانداردا كۇزەت فيرمالارىنىڭ قىزمەتكەرلەرى اراسىندا ەرەسەكتەر مەن بالالاردى قاۋىپسىز جەرگە كوشىرۋ جانە ولار ءۇشىن توتەنشە جاعدايدا ءوزىن-ءوزى ۇستاۋ ەرەجەلەرى بويىنشا نۇسقاۋلىقتاردى وتكىزۋدى تاپسىردى.

سونىمەن قاتار, اكىم «جەڭىلدىكتەر ءتۇنى», «قارا جۇما» سياقتى اكتسيالاردى ساۋدا نىساندارىندا وتكىزۋ كەزىندە قاۋىپسىز جەرگە شۇعىل تۇردە كوشىرۋ, ءورت ءسوندىرۋ جۇيەسى مەن ەسكەرتۋ جۇيەسىنىڭ جۇمىسى, اپاتتى شىعۋ ەسىكتەرى مەن قىزمەتكەرلەردىڭ داعدىلانۋى سىندى شارالارعا كوڭىل ءبولۋ كەرەكتىگىن باسىپ ايتتى. نىسانداردىڭ اكىمشىلىكتەرى ءوز كۇشىمەن نەمەسە مەملەكەتتىك ەمەس ورتكە قارسى قىزمەتتەرمەن كەلىسىم-شارتتاردى بەكىتۋ ارقىلى ء ورت قاۋىپسىزدىگىن قامتاماسىز ەتۋى كەرەك.