قازاقستاندا ەلەكتروندىق ۇكىمەت پورتالىندا تۇرعىلىقتى جەرى بويىنشا ونلاين تىركەلۋ ءراسىمى وزگەردى. ەندى بۇل ءۇشىن ازاماتتارعا 20 مينۋت جەتكىلىكتى. سونداي-اق قازاقستان رەسپۋبليكاسىنىڭ سالىق كودەكسىنە ەنگىزىلگەن وزگەرىستەرگە سايكەس بيىل قاڭتار ايىنان باستاپ تىركەۋگە مەملەكەتتىك باج الىنبايدى.
بۇرىن ەلەكتروندىق ۇكىمەت پورتالى ارقىلى تىركەلگەندە 10% اەك كولەمىندە مەملەكەتتىك باج تولەۋ كەرەك بولاتىن. سوسىن «ازاماتتارعا ارنالعان ۇكىمەت» مەملەكەتتىك كورپوراتسيانىڭ فرونت-وفيسىنە كەلىپ, جەكە كۋالىك چيپىنا تىركەۋ تۋرالى دەرەكتەر جازباسىن ەنگىزۋ ءۇشىن كوشى-قون قىزمەتكەرىنە جۇگىنۋ قاجەت ەدى. ال بيىلعى ناۋرىز ايىنان باستاپ پورتال ارقىلى تۇرعىلىقتى جەرى بويىنشا تىركەلۋ ءراسىمى ايتارلىقتاي جەڭىلدەتىلدى.
ەندى جىلجىمايتىن م ۇلىك يەسى جانە تىركەلەتىن ازامات egov.kz پورتالىندا اۆتوريزاتسيادان وتكەننەن كەيىن, تىركەلەتىن ازامات ءوتىنىش بەرىپ, مەنشىك يەسى ءوزىنىڭ ەلەكتروندىق-تسيفرلىق قولتاڭباسىمەن راستاۋى ءتيىس.
ءوتىنىش بەرىلگەننەن كەيىن دەرەكتەر شامامەن 10 مينۋتتا وڭدەلەدى, سودان كەيىن تىركەلگەن مەكەنجاي بويىنشا انىقتاما الۋعا تاپسىرىس بەرۋگە بولادى.
بۇل قىزمەتكە ەتسق-سى بار كەز-كەلگەن ازامات قازاقستاننىڭ بارلىق ايماقتارىندا قول جەتكىزە الادى.