سەناتور سەرىك بەكتۇرعانوۆ قوستاناي وبلىسىنا جۇمىس بابىنداعى ساپارى بارىسىندا دارىگەرلەر قاۋىمىمەن كەزدەستى جانە ايماقتاعى ەمدەۋ مەكەمەلەرىنىڭ باسشىلارى مەن وكىلدەرىنە مەملەكەت باسشىسى ن.ءا.نازارباەۆتىڭ بەس الەۋمەتتىك باستاماسىن جان-جاقتى تانىستىردى.
دەپۋتاتپەن كەزدەسۋدە مىندەتتى مەديتسينالىق ساقتاندىرۋ جۇيەسىنىڭ ەرەكشەلىكتەرى, دەنساۋلىق ساقتاۋ سالاسىنىڭ بيۋدجەتى, تسيفرلاندىرۋ جانە كەلەشەكتىگى بىرىڭعاي جوسپارلار اياسىندا اۋرۋحانالاردى بىرىكتىرۋ, جەدەل جاردەم جۇمىسىنىڭ جاڭا جۇيەسى, تەگىن ءدارى-دارمەك, ايماققا جاس ماماندار مەن تاجىريبەلى دارىگەرلەردى تارتۋ, ەمدەۋ مەكەمەلەرىن ادام دەنساۋلىعىن زەردەلەيتىن تەحنيكامەن جابدىقتاۋ ماسەلەلەرى ءسوز بولدى. ودان باسقا, جەدەل جاردەم دارىگەرلەرىنىڭ قاۋىپسىزدىگى مەن قىزمەتكەرلەردى قاتەلىكتەردەن ساقتاندىرۋ تۋرالى دا ايتىلدى. سەناتور زاڭ ەرەجەلەرىن جەتىلدىرۋ اياسىندا پىكىرلەسۋگە جانە كەزدەسۋدە ايتىلعان ماڭىزدى ماسەلەلەردى شەشۋگە كومەكتەسۋگە ءازىر ەكەنىن اتاپ ءوتتى.
جۇزدەسۋدە دارىگەرلەر مەملەكەتتىڭ الەۋمەتتىك جاۋاپكەرشىلىگىن ۇلعايتۋ جانە بارشا قازاقستاندىقتاردىڭ ءال-اۋقاتىن كوتەرۋ جونىندەگى يگىلىكتى شارالاردىڭ قابىلدانۋىنا بايلانىستى ەل پرەزيدەنتىنە العىس ايتتى.