بۇل تۋرالى وبلىستىق جۇمىلدىرۋ دايىندىعى باسقارماسى باسشىسى سەرىك سەرماعامبەتوۆ ءمالىم ەتتى.
باسقارما باسشىسىنىڭ ايتۋىنشا, كوبەسى سوگىلگەن سەڭنىڭ ءجۇرۋ قاشىقتىعى 1 مىڭ 274 شاقىرىمدى قۇرادى. سالا ماماندارىنىڭ مالىمەتىنشە, مول سۋ ارالعا قۇيار ساعاسىنداعى اقلاق توسپاسىنان ەش كەدەرگىسىز وتكەن. قۇرىلىمداردىڭ ءوزارا ءىس-قيمىلى ناتيجەسىندە ءىرى تابيعي اپاتتار مەن ادام شىعىنى جانە زارداپ شەگۋ ءجايتتارىنا جول بەرىلمەدى. قازىرگى تاڭدا وزەن بويى تولىقتاي مۇزدان تازارتىلىپ, سەكۋندىنا 160 تەكشە مەتر سۋ قابىلداپ تۇر.
- ەشقاندايدا توتەنشە جاعداي تۋىنداۋى مۇمكىن ەمەس دەپ تولىقتاي ايتۋعا بولادى. الداعى ۋاقىتتا كەيبىر بۇزىلعان قورعانىس بوگەتتەرى بولسا, گيدروتەحنيكالىق قۇرىلعىلاردى جوندەۋ قاجەت ەتەتىن جەرلەردىڭ ءبارىن انىقتاۋ جۇمىستارى جۇرگىزىلۋدە. ءتيىستى جوبا سمەتالىق قۇجاتتار دايىنداپ, الداعى ۋاقىتتاعى قارجىلاندىرۋ جۇمىستارى بويىنشا جۇمىستار جۇرگىزىلۋدە., - دەدى س. سەرماعامبەتوۆ.
ناۋرىزدىڭ سوڭعى كۇندەرى قازالى اۋدانىنداعى ءا.تىنىباەۆ اتىنداعى قازالى سۋ تورابىنىڭ دەڭگەيى كوتەرىلىپ, داريا بويىنداعى قورعانىس بوگەتتەرىنە قاۋىپ توندىرگەن بولاتىن. كەپتەلگەن مۇز سالدارىنان بوگەتتى سۋ شايدى. سونىڭ سالدارىنان «شاعالا» لاگەرىن ماڭىنا سۋ جايىلعان.
باقتيار تايجان, «ەگەمەن قازاقستان».